MIKA 3:2 - Bibilia Kui Mdedie fo Kimochi

² Indi nyo musuo wucha mukakunda wuwicho. Mokeowuo wandu wako njonyi tsawo, mukaowuo na nyama tsa mbihu yawo ipfo mafuonyi hawo.

MIKA 3:2 ပူးပေါင်းရင်းမြစ်များ

1WAMANGI 21:20

Ahabu, kawia Elia, “Ngesa nonjiwadase, iyo mkituwa oko?” Kambia, “Ngakuwada kipfa nolekuhaluo mbucha kundu uwute mawicho oshangunyi lo Mndumii.

2MBONYI TSA MAHERI 19:2

Kyaindi mlodi, Yehu mana o Hanani, kahenda imwambilia, kambia, “Ate, nokusaṟa ke nyi kicha itarama wandu wa mkika, na ikunda wandu wasuo Mndumii-Ruwa?” Shindo shi owuta yakuendie nyashi ya Mndumii-Ruwa.

SHIIMBO SHA DAWIDI 15:4

Oshangunyi lo mndu alawaṟi nyekesuka, Indi waowoye Ruwa nekewaindia. Ma kokoya alelya nyamu yemtewa nauṟe, Echiilacha madedo hake pfo.

SHIIMBO SHA DAWIDI 53:4

“Ale ngesa! Wewuta mawicho waichi? Wekelya wandu wako cha ili wailya mkate, walelaha Ruwapfo!”

MFANANO 28:4

Iwo walehiye wuwawaso wekeṟumisha wawicho, Indi iwo wawuwode wekelimbana na wawicho.

YESAYA 3:15

Ili lyahamba ki, nyo iwonyia wandu wako, na ipoṟipotsa shamu sha wakiwa? Njiwesa Inyi Mndumii menyi Matoṟito.

YESAYA 5:20

Ochia lo walya wehamba ke wuwicho nyi wui wucha, na wucha nyi wuwicho; wewika mema handu ha saa, na saa handu ha mema, wewika uwawo handu ha mlodo, na mlodo handu ha uwawo.

YESAYA 57:12

Inyi njechihamba wukiilohi wopfo, na mawuto hapfo helechiwa kindo.

EZEKIELI 11:7

Mndumii-Ruwa nyi ahamba, ‘Wandu walya mlewawaha nyi wawa nyama na mṟi fu fowa sufuria. Kyaindi nyi muhenda ifuno muwuke kunu mṟinyi.

EZEKIELI 22:27

Wanene wawo nyi wafananyi na shisii shekeranduo shilya shewada madumbunyi hasho kyamba wakeri iwaha na iwada wusuṟi wulawaṟi.

EZEKIELI 24:4

Kewewehienyipfo ngamra tsa nyama njicha, shiteno shicha sha nyama tsa owa na makombe, muweichuṟa pfo mafuo mecha.

EZEKIELI 34:3

Ambuya nyo nyi mokenyo maruwa, mukawekuṟaya nguo tsa mamberi hatso, mukawekushinjia machondi halya manoru mukalya. Kyaindi mokelisa machondi ho pfo.

AMOSI 4:1

Adanyienyi idedolyi nyo mbe tsa Bashanyi, mokekaa fumvuhu lya Samaria, mukawonyia wakiwa, na ikapa walya wahuṟi; mokewia wasoṟo wawo, Wulalu endenyi, lunyo.

AMOSI 5:15

Suonyi mawicho; kundenyi mecha; ukiilohi wuwe kyooṟa mongonyi, kulako Mndumii-Ruwa menyi matorito, kyechiwutia mecha walya watsuhaa wa Yosefu.

MIKA 2:8

Kyaindi Mndumii-Ruwa nahamba adi; “Nyo nyi mokepufukia wandu wako cha wakituwa. Mokewasoka maṟao hawo wandu watsiri, wandu wekekuchumia na ihenda kowo, kulawode wuowu, walawode mahio hose ha shida.

MIKA 7:2

Kuwode msa aowoye Ruwa aledeo orukenyi-pfo; kuwode mndu mhoṟotsu kiidi kya wandupfo. Orio umu nalaaya ipusuo samu, manya kuwode umu mhoṟotsu kiidi kya wandupfo.

MIKA 7:3

Wose nyi wewuta mawicho tupu; wanene na wenyi menge wakundi itsutsumo, walya wang'anyi waloṟie na pata wuwicho wowo, na iwuta kui wulembi kulawode wuowo.

SEFANIA 3:3

Wachili wafo nyi miso tsipoṟohoṟa; walya wehoṟokia wengi nyi shisii sha kiukanyi; tsilekelaṟa kindo itane ili lya ngama.

LUKA 19:14

Na wandu wa kulya mṟinyi nyi wawemsuo, wakaduma wasu ipfo numa yake wambie, ‘Lukaundi ichu naluitoṟie-sopfo.’

YOHANE 18:40

Nalyo wakafunja kisangalale lingi wakahamba, “Chi ichupfo. Funguo Baraba.” Nao Baraba awekeri mndu mbahi.

YOHANE 7:7

Ma wuyana wu woidima imusuo nyopfo. Indi inyi wanjisuo kipfa kya kiṟingishyo kyako njiwikye kimaduma kyawo njihamba ke mawuto hawo hai mawicho.

WAROMA 1:32

Ma ili waichi kilya Ruwa awikye-ho ke wewuta wadi ate wawoho. Nawo naa wekewuta wado chi wo wawenyi tupupfo kyaindi wekeichika na walya wekewuta wado.

WAROMA 12:9

Mkundie fukae fulawode wulembetseṟi. Tangaluonying'u kilya kii kiwicho, mukuwawe na kilya kii kicha.

2TIMOTEO 3:3

Wa ngarama, walaichi mma, weduo wengi sumu, wapfupfunae mrima, washimbi, wasuo orio kii kicha kyose.