MIKA 2:12 - Bibilia Kui Mdedie fo Kimochi

¹² Kyaindi kya lohi ke njechisanyia wandu wako wa Yakobo, ee da! Njechisanyia walya wa Israeli waletsuhaa. Njiwaende na mfiṟihenyi cha machondi cha po limu ling'anyi kilisionyi, nanyo mochiwa po lya wandu wako wafoi.

MIKA 2:12 ပူးပေါင်းရင်းမြစ်များ

MAWOOKIONYI 36:33

Bela kapfa, kukowada Yobabu mana o Zera, o Bosra, handu hake.

1MBONYI TSA MAHERI 1:44

Bela kapfa, na Yobabu, mana o Zera awukie Bosra kachilia handu hake.

YESAYA 11:11

Na kechiwa mkonufo, Mndumii nechihoṟuo owoko loke lya kawi, kundu nakuwadie wandu wake waletsuhaa, kuwuka Ashuru, na kuwuka Misri, na kuwuka Patrosi, na kuwuka Kushi, na kuwuka Elamu, na kuwuka Shinari, na kuwuka Hamathi, na kuwuka hahadutsu kiidi kya ipalyipalyi.

YESAYA 27:12

Nakyo kechiwa kiidi kya mkonufo, Mndumii nyi echikapakapa ndunda tsake wokia mfu fo meda itane kimeda kya Misri nanyo mochisanyio umu-umu, nyo wana wa Israeli.

YESAYA 34:6

Oshu lo Mndumii luihutsu samu, lonuo kui wunoru, kui samu ya shidahina-sha-machondi na mburu, kui mafuda ha shiho tsa masuwa; kipfa Mndumii nawode kidaso ipfo Bozra, na ishinja ling'anyi kiidi kya oruka lo Edomu.

YESAYA 5:17

Nyi lyondi shidahina sha machondi, shechilya maṟa hasho shishenyi, kiidi kya mṟi iya iledeo ilawode mndu ikasamo, wahenu wechilyapfo kando.

YEREMIA 23:3

Na inyi njechisanyia mtsuhaṟo fo po lyako, kiidi kya njoruka tsilya tsose njilewafunyiapfo, njiwawihiṟese na mfiṟihenyi yawo; naho hechishaa na iengeṟeka.

YEREMIA 3:18

Mafiri halya mba ya Yuda wechicha kimu, wuka oruka lo mtsudu mṟasa oruka lulya njileinenga wandeanyu luwe kyoṟa kyawo.

EZEKIELI 34:11

“Kyamba Inyi Mndumii-Ruwa ngahamba njidi: Inyi njimonyi njihenda ipfula machondi hako na ihalisa.

EZEKIELI 34:13

Njihenda iwaashuo ipfo mawokonyi ha mkambo ya wandu. Njiwehenda iwasanyia wawuka njorukenyi tsa kuleshe njiwewawihiṟa na orukenyi lowo wawenyi. Njiwehenda iwalisa huye ya mafumvu ha Israeli, wambaṟa ya meda na kiidi kya oruka luwode wandu.

EZEKIELI 34:22

Ambuya njihenda iashuo ipo lyako, walakiwese shelya sha watuuri. Njechihenda ianduya ichondi na ichondi lingi.

EZEKIELI 34:31

“Nyo nyi ipo lya machondi hako, nyo nyi wandu wako, na inyi ni Ruwa onu. Nyi Inyi Mndumii-Ruwa Menyi Matorito ngahamba njido.”

EZEKIELI 36:37

“Inyi Mndumii-Ruwa ngahamba njidi: Waisraeli wakeri ihenda injiterewa wapfumbuke cha ipo lya machondi, kipfa kya ikyo nyi njechiwafoeṟa kudo.

EZEKIELI 37:21

Uhende uwawia Inyi Mndumii-Ruwa ngahamba njidi: Nyi njihenda iwuta Waisraeli wuka mkambonyi ya wandu wawerahanyikie, njiwehenda iwasanyiasanyia wuka njora tsose njiwawihiṟe orukenyi lowo.

HOSEA 1:11

Wandu wa Yuda na Waisraeli wechilungana na isahuo msongoru owo umu; nawo wechioṟa orukenyi lowo. Mkonufo fochiwa mkonu mnene fo Yezreeli!

AMOSI 1:12

kyaindi njechidika modo fuakie Temanyi, fochirumatsa mamba ha Bosra.

MIKA 2:13

Mndumii nechiṟuhuo njia nawawute wusingenyi nawasongoe, nawo wechifunja kichumi wahende. Mangi yawo Mndumii amonyi nechiwapfunguo nawasongoe.”

MIKA 4:8

Na iyo kifumvu kya Sioni, iki Ruwa akeri iringa huya wandu wake, cha mlisi na po lya machondi hake; iyo nochiwa se mṟi mnene cha kuwoka, na Yerusalemu fochiwa mṟi mnene fo Mangi.

MIKA 5:7

Wa oshari lo Yakobo wedeo na moo, wadung'anyie kiidi kya mkambo fo wandu wafoi, wechiwada pfinya ing'anyi cha mwiso kiidi kya mando hai na moo ngeṟenyi, cha ilea lya mwiso kiidi kya po lya machondi, orio handu lyaida, lyikaharundikia na ihahaluo choonga yawo, kulawoneke mohakiṟa.

MIKA 5:8

Waisraeli wechiwinza wakituwa wawo na iwarumatsa piu.

MIKA 7:14

Ruwa, ringa wandu wapfo na olio lopfo, ringa iwo wa po lyapfo kumonyi iwo wai wawenyi, kundu ko ngeṟa wai waṟingichie nyi teri iwode sari. Uwalise na iwaringa chandu ulewuta ili mboko, kiidi kya Bashani na Gileadi.

MIKA 7:18

Hoi Ruwa, nyiu ai cha iyo? Iyo nohoṟia wunyamaṟi wo wandu wapfo waletsuhaa, manya ochiambuya se madeko hawo pfo. Nyashi yapfo yekeaka mlungana pfo, kyaindi nokundi mnu iluloṟa woloru wopfo.

SEFANIA 3:20

Mandi ho njechimusanyia na imuitsa na mba - kipfa njechimhaluo kiṟumi na rina kiidi kya wandu wose wa wuyana ilyi njechiwihiṟa wapfungo wanu oshangunyi lo meso hanu, Mndumii ahamba.