MIKA 2:10 - Bibilia Kui Mdedie fo Kimochi

¹⁰ Kurenyi hendenyi konu! Iya kuwode hesia moo pfo. Kipfa kya iwuṟa wuhendeli, masaramayo hang'anyi hamuwedie!

MIKA 2:10 ပူးပေါင်းရင်းမြစ်များ

1WAMANGI 9:7

Kyasia njesamiṟa wandu wako Israeli wuka oruka lu njilemuinenga, na mba njileishimbuo kipfa kya rina lyako, njechiikumba kuleshe na inyi, na yechiwa kindo kemino na ipiṟo kiidi kya wandu wa mkambo yose.

2WAMANGI 15:29

Kiheri kya wuitoṟi wo Peka mangi o Israeli, Tiglath-pileseri, mangi o Ashuru, naleduo wapfungo mṟi ya Iyoni, Abel-beth-maka ya Kadeshi na Hazoi na njoruka tsa Gileadi, Galilaya na Naftali na iwaduo wupfungo wandu wawo wose.

2WAMANGI 17:6

Kiidi kya maka fo kenda fo wumangi wo Hoshea, mangi o Ashuru kaduo Samaria, kaduo wandu wa Israeli wapfungo mṟasa Ashuru, wandu maata kawawika mṟinyi fo Hala, na wengi afui na meda Habori, meda Gozani na wengi mṟi ya Media.

2MBONYI TSA MAHERI 7:20

njechimukuṟuo njimuwute kunu orukenyi sa njilemuinenga. Njechiwa kuleshe na hekalu li, handu njilehamba njiwe moindio, kundu wandu wa oruka lose wahambe iki nyi kindo kya kitohio na ili salucha oshangunyi lo wandu wa mkambo yose.

SHIIMBO SHA DAWIDI 106:38

Wakapusuo samu ilai na mti, samu ya waleu wawo na wa kika wawo, wakawalekia shidaso ko mfanano ya Kanaani; oruka lukateṟefutso kui samu.

SHIIMBO SHA DAWIDI 95:11

Ngalya nyamu kui nyashi yako; “Walaide na sienyi yako!”

YEREMIA 10:18

Kipfa Mndumii nahamba adi, “Mandi ho njechikumba wandu wa oruka lu wakae haleshe, njechiwalisa wukiwa, echitsuhaa ho ma umu pfo.

YEREMIA 3:2

Iria meso hapfo noambuye huya mafumvu! Na shitoṟomoso shose nyi hanga walalelaa na iyo mbai ya njia kulewedia. Udamie cha Mwarabu nuka ya msanga aiweda mbucha, itane ohaluo orukalu ngafu kipfa kya wumeluki wopfo na wuwicho wopfo.

YEREMIA 9:19

Kipfa ṟu lya kilio liichio liwuka Sioni. Losaramaya nakamu! Luwodo nyi sonu tsing'anyi! Kipfa luleda oruka lodu! Kipfa walenyamaṟa handu hadu hekaa!”

EZEKIELI 36:17

“Iyo mndu! Ili mandi Waisraeli wawekeri kulya orukenyi kowo, nyi walelufanyitsa ko mchumie na mawuto hawo. Ambuya nyi njileṟinganyisha mawuto hawo cha mndu mka ili akeri kiidi kya mfiri yake.

EZEKIELI 36:19

Njilewaṟaṟanja kiidi kya mkambo, ngawarahanyitsia kiidi kya njoruka tsingi. Ngawakapa kihianyi na mkao yawo na mawuto hawo.

NGUMBUO YA MAWAWASO 12:9

kipfa kya ili mulameida na handu hesia moo na kioṟenyi Mndumii-Ruwa, Ruwa onu aimuinenga.

NGUMBUO YA MAWAWASO 30:18

inyi ngamuwawasa inu tichi ke mochirumara. Mochikaa na moo kiheri kileshe ipfo orukenyi kundu muihenda ikaapfo, mataya ya meda fo Yordani.

NGUMBUO YA MAWAWASO 4:26

kyasiang'u, inyi inu ngalaha ruwehu na wuyana shiṟingishie kyanu; ngamuwia napata ke mochirumara nakamu ipfo orukenyi kundu muihenda ichilia mataya ya meda fo Yordani. Mochikaapfo kiheri kileshe, mulakombetso nakamupfo.