MIKA 2:1 - Bibilia Kui Mdedie fo Kimochi

¹ Ochia lo walya wekuteseheṟa iwuta mawicho, wekelaa kio wekusaṟa kya wuwicho. Ilyi mandi kotambaṟuka wakainutsia, kipfa wawode wuidimi.

MIKA 2:1 ပူးပေါင်းရင်းမြစ်များ

MAWOOKIONYI 31:29

Njiwode wuidimi mawokonyi hako wokuwika shifaṟe; kyaindi Ruwa o ndeo kioki nanjiwia kechihamba, “Kuṟise, kulawie Yakobo idedo lya ofoṟo ma mondu.

1WAMANGI 21:7

Yezebeli mka oke kambia, “Wulalu iyo noitoṟie wamangi wa Israeli? Kure nolye kelya, mrima fopfo fuchihiyo, inyi njechikuinenga dema lya msabibu lya Nabothi Myezreeli.”

ESTA 3:8

Hamani kawia mangi Ahasuero, “Kuwode wandu wa Isanga liliwe warahanyikie nawo wai kiidi kya wuchili wopfo na isanga shose sha mangi. Wawode chile tsilafananyi na chile tsa wandu wengi, waminyie na wuwawaso wo mangi, ko ikyo kiwaṟi mangi naduane nawopfo.

ESTA 5:14

Kyasia Zereshi, mka oke, na mbuya tsake wakamnenga oloho lu. “Kitewe kulatsano ikidi lyewahia wandu lishikie mawoko makumi hatanu? Ngama ngamenyi udede na mangi kundu, Mordekai nawohioho, nduma nohende ilya choonga na mangi umchihie.” Oloho lu lukachihiṟa mnu Hamani, nao kasungusia ikidi lyewahia.

ESTA 9:25

Kyaindi Esta kiheri alehendia Mangi, nao mangi kawuta iwawaso kui mṟeho ke mtambo fulya Hamani awewode fowaha Wayuda fumkoye o amonyi, na ke o na wana wake wawoho wechimaso ikidihu lyewahia.

YOBU 15:35

Wekekusaṟa wongo na ifee wuwicho, mrima yawo nyi iṟeheṟa wulembi.”

YOBU 24:14

Mbaahi nekekure ngamenyi, kilawo, kawaaha wakiwa na wahuṟi; kiheri kya kio kawa cha miiwi.

SHIIMBO SHA DAWIDI 36:4

Nekehiya mawicho kitaṟenyi kyake, kasambuṟa mawicho; nalasuo wuwicho.

SHIIMBO SHA DAWIDI 36:5

Hoi Mndumii, osaṟio lopfo lushikiye ruwehu, wuhendeli wopfo mṟasa mapuchinyi.

SHIIMBO SHA DAWIDI 58:3

Walai wa wusumhanyi wakuutie kambenyi wokia ifeo lyawo; wadekie wechihamba wongo, kuwokia wusunyi.

MFANANO 12:2

Mndu mcha nechikundika ko Mndumii; Indi mndu o mtambo nechianduyo nyi Mndumii.

MFANANO 14:22

Ngesa wekedeko iwa wekusaṟa mawicho? Indi isaṟia na lohi nyi shii ko wekusaṟa mecha.

MFANANO 3:27

Kulaime wandu shilya shawo shiwaṟi shii shicha, kokoya shikeri mawakonyi hapfo iwuta kudo.

MFANANO 4:16

Kipfa wechilaa walawuta wunyamaṟi pfo; Wekewuṟa mado, kokoya walaidima iolotsa mndu.

YESAYA 29:20

Kipfa ulya aoweshie amerumatso, na ulya ekemina ametsitsa, na walya wose wawewedia mawicho wakumbo kuleshe;

YESAYA 3:14

Mndumii nechikaa kiidi kya yaanduya, meku na wanene wa wandu wake; Nyi nyo mulelya mdemi fo msabibu; shilya mulewada sha mesa aisho shii ipfo mbenyi tsanu.

YESAYA 32:7

Shombo sha ichu amuumu nyi shiwicho; nekehia kui mtambo mbicho, kundu warumatse iwo wai wafafa kui madedo ha wongo, mndu ahuṟi ma kadeda madedo hawode wulohi.

YESAYA 5:8

Ochia lo walya waiengeṟa mba numa ya mba na iwika dema hafui na dema, kulawonoho handu, nanyo kimuwaṟi ikaa handu hamu muwenyi orukenyi.

YESAYA 59:3

Kipfa mawoko hanu hafanyi ngafu ya samu, na shimnyo shanu shifanyi ngafu ya wukika; madumbu hanu hadedie wongo na njolimi tsanu tsikasiria wuwicho.

YEREMIA 18:18

“Nalyong'u wakahamba njonyi ludede kya Yeremia, kipfa wuwawaso wochidekia mkohanyi pfo na wulaanyi wodekia menyi wuṟango pfo, ma idedo lechidekia Mwikimbi pfo. Njonyi lumkape kui idedo lyake amonyi, ma lulaadanyie idedo lyake ma limu.”

EZEKIELI 11:2

Nalyo Mndumii kanjiwia, “Wandu wa nyiwo wekesaya mbonyi njiwicho na iinenga wandu chila njiwicho kunu mṟinyi.

EZEKIELI 33:26

Kyamba nyo nyi mukusirie shisha shanu, mukawewuta mawuto hawichuṟie, na orio msoṟo kiidi kyanu nyi aichumia na mka o monomaye! “Nyi mokusaṟa ke mochiinengo oruka lu luhende iwa kyoṟa kyanu?

EZEKIELI 38:10

“Iyo Gogu! Nyi Inyi Mndumii-Ruwa ngahamba njidi: Ambuya mfiri fo fukashika nyiochiwoka ikusaṟa mahiyo mawicho mrimenyi fopfo,

EZEKIELI 46:18

Kiwaṟi mangi nasoke wandu wake teripfo. Teri yose echiinenga wana wake wa kisoṟo nyi kiwaṟi iwe nyi iya yake tupu. Kii kidi echiidima isoka wandu wake teripfo.”

MIKA 6:12

Wasuṟi wa mṟi yawo waichuo wulembi, wenyi mṟi wawo wekededa wongo, orio kindo wadeda nyi wulembi.

NAHUMU 1:11

Kokure umu kiidi kyapfo kakusaṟa mawicho ha Mndumii, kadeda chila ilawaṟi.

ZEKARIA 7:10

Mulawonye mkusu, ma mngoeda, ma mhenu, ma mkiwa, ma mndu kawa ada kiidi kyanu, ma kulakae akusaṟa kya owicho wosuo manomae.

MARIKO 15:1

Kyasia ngamenyi kilawo wakohanyi wanene wakaruwa kyama hando hamu na wasongoru na walosha wa wuwawaso na walya wa menge Sinedrio wose wakapfunga Yesu na shiwoho wakamduo wakamdambikya Pilato.

LUKA 20:19

Walaanyi wa shitapu na wakohanyi wakakunda imleshia mawoko wambade kiheri kilya kilya, indi wakaowuo wandu, kipfa nyi walemanya ke ifano lilya nyi lyahambo kipfa kyawo.

YOHANE 19:11

Yesu kamhalwo, “Kuwewode pfinya na inyi kima chila kuleinengo iwuka huye ko Ruwapfo. Nakyo kiinengye ichu anjidambikye kunu kopfo kawada wunyamaṟi wung'anying'anyi.”

MAWUTO HA WASU 23:12

Koikikya ngamenyi kuwepfo Wayuda wakalya mma wakakupfunga na nyamu wehamba, walalye kindo ma inyo mṟinga itane wamaa iwaha Paulo.

MAWUTO HA WASU 23:15

Kyasiang'u wulalu nyo kimu na wameku wa chila muitikeitike mchili cho ang'anyi namsotse na iya konu cha ili mkundi imanya mbonyi tsake necha lya wuera. Natso luiho lukuṟeheṟye imbaha alamemushikya nyo.”

WAROMA 1:30

Nyi wekeduo wandu aaṟu, wesuo Ruwa, wai waami, wechumia useṟeṟi wai wa mtengelele, wandu wasumi, wepiṟa wafee.

NGUMBUO YA MAWAWASO 28:32

Wana wanu wa kisoṟo na wa kika wechiinengio ko wandu wengi kunu mochituluya meso mfiri puti mochiwedia wawuye, kyaindi mochiidima iwuta kindokyo kyosepfo.