MIKA 1:16 - Bibilia Kui Mdedie fo Kimochi

¹⁶ Nanyo wandu wa Yuda, odenyi ohaa, ifihiṟia wana wanu wakunde, landaṟenyi ohaa lonu lulandae cha lo owishi, kipfa wana wanu wadao wusingenyi kuleshe.

MIKA 1:16 ပူးပေါင်းရင်းမြစ်များ

2WAMANGI 17:6

Kiidi kya maka fo kenda fo wumangi wo Hoshea, mangi o Ashuru kaduo Samaria, kaduo wandu wa Israeli wapfungo mṟasa Ashuru, wandu maata kawawika mṟinyi fo Hala, na wengi afui na meda Habori, meda Gozani na wengi mṟi ya Media.

YOBU 1:20

Kiidima Yobu kahoṟoka, karanduo maṟao hake, kaoda njui tsake, kakukumba wanda na kyaamu kaidapfuma Ruwa

YESAYA 15:2

Waido huye mṟasa Bayiti na Diboni, mṟasa handu ha huye kundu wafuhe; huye ya Nebo na huye ya Medeba Wamoabu waifuha; wawukie ohaa huya mdo yawo yose; orio ngerero tsiode.

YESAYA 22:12

Mkonu fo Mndumii, Mndumii menyi Matorito, kalaha wandu wache wafihiṟe na ikapa kilio, na ioda njui tsawo, na iṟaa nguwo tsa masaṟa.

YEREMIA 16:6

Wose wang'anyi na watutu wechipfa. Kiidi kya orukalu; wechiṟiko-pfo, kochiwoneka mowakapia kilio pfo, kuwode mokusaṟasaṟa na iwuta njui tseawuka pfo.

YEREMIA 4:8

Kokoya mbonyi nyi wudo tsii, ṟaenyi nguo tsa masaṟa; fihiṟenyi na ikuinadia hamu na ikuotoya; kipfa nyashi njiwawo ya Mndumii ilakunda iololia na iluda.

YEREMIA 47:5

Wandu wa Gaza waodie ohaa wekapa kilio; mṟi fo Askeloni forumara. Lanye wandu wa Anahimu mletsuhaa, mṟasa indii mochikuwehaweha mui na mkuinadie?

YEREMIA 6:26

Nyo wandu wako, ṟaenyi nguwo tsa makunyia na idamia kiidi kya mafu na ikapa kilio, cha kilio kya mana kimumu kilio kiwicho mnu, kipfa ichu aleduo wapfungo wa shida naicha huye yadu faṟa.

YEREMIA 7:29

“Odenyi njui tsanu nyo wandu wa oruka lo Yerusalemu, mutsikumbe; kapenyi kilio kya wukiwa shitoṟomosonyi sha mafumvu, kipfa Mndumii amesesa oshari lu, lui luteṟiye nyashi yake kalukumbalia nja.

SHILIO 2:19

Kio taṟaṟaa ukure ochifihiṟa. Tambaṟuya Mndumii-Ruwa kilya kikeri mrimenyi fopfo, uwemleshia mawoko hapfo ochiterewia wana wapfo, wana wapfo wakeri iuma handu hose ipfo mtandarenyi.

AMOSI 7:11

Kipfa Amosi nahamba adi, Yeroboamu nechipfa ko oshu, nankya lohi Israeli nechidao ampfunge lang'u, nawuto orukenyi loke.

AMOSI 7:17

Ko ikyo Mndumii nyi ahamba adi, Mka opfo nyechiwa mmeluki na mṟuhui mṟinyi, wana wapfo wa kika na wa kiumi wechiwooho nyi oshu, na dema lyapfo lyechihawo kui shiwoho-kyahu kui kyahu; na iyo kumonyi nyi ochipfa orukenyi lo ngafu; na kya lohi Israeli nyechidao kuleshe ai mpfungo awuka orukenyi loke.”

AMOSI 8:10

Na inyi Njechihaluo mfiri yanu nnene ya sia iwe ya shilio na shiimbo shanu naawo shiwe kilio; mochiṟaa masaṟa shitsinyi shose, mbewika njohaa huye ya orio mdo; njechiende ishi shose shiwe kilio kipfa mana kimumu na ifurumia cha kiheri kya mawawio.

NGUMBUO YA MAWAWASO 28:41

Mochifee wana wa kisoṟo na wa kika, kyaindi wechiwa wanupfo, wechidao wusaminyi.