MFANANO 5:22 - Bibilia Kui Mdedie fo Kimochi

²² Shiwicho shechihoya wewuta sha mkika, Nao nechiwado nyi shiwoho sha njonyamaṟo tsake

MFANANO 5:22 ပူးပေါင်းရင်းမြစ်များ

1WAMANGI 18:18

Nao kamhaluo, ‘Chi inyi njiletuuṟa Waisraeli pfo, indi nyi iyo na mba ya ndeo, kipfa mleda mlaosha mawawaso ha Mndumii mkaosha Mabaali.

ESTA 9:25

Kyaindi Esta kiheri alehendia Mangi, nao mangi kawuta iwawaso kui mṟeho ke mtambo fulya Hamani awewode fowaha Wayuda fumkoye o amonyi, na ke o na wana wake wawoho wechimaso ikidihu lyewahia.

YOBU 18:8

Kipfa namkumbe kiidi kya ndusu tsinjioke maṟaushi na madende hake amonyi, nao kahenda huya maṟaushi.

SHIIMBO SHA DAWIDI 40:12

Kipfa mawicho helechiwa iitala; hanjitengetie inyi. Mawicho hako hanjikoya, ma njechiidima iwona-pfo. Hafoi kota njui tsa mdo foko, na mrima foko fonjida.

SHIIMBO SHA DAWIDI 9:15

Wandu wa mkambo walesoṟowia ṟungunyi, walisumie, Ndusu tsinjioke maṟaushi watsiṟikie tsiledeha madende hawo.

SHIIMBO SHA DAWIDI 9:17

Watahachi wechiwuya na ko wapfu, Ee-da, wa mkambo yose wahadimie Ruwa.

MFANANO 1:18

Na iwo wekelaaya samu yawo wawenyi, Wekeowelya moo yawo wawenyi.

MFANANO 11:3

Wusumhanyi wo wenyi wucha wochiwasongoya, Indi okachu lowo lo wuṟiingi lochiwarumatsa.

MFANANO 11:5

Wulohi wo mndu mhendeli wochimloṟa njia yake; Indi mndu mbicho nechiolotso nyi owicho loke.

MFANANO 11:6

Wulohi wo wahendeli wochiwakiṟa, Indi waṟiingi wechiwado ipfo mtambonyi yawo wawenyi.

MFANANO 12:14

Mndu nechiihuda mecha kui ndunda tsa dumbu lyake, Na mndu nechiwihiṟyo mawuto ha mawoko hake.

MFANANO 14:32

Mndu mbicho nyechikumbalyo kipfa kya wuwicho woke, Indi mhendeli nakusirye kiidi kya ipfa lyake.

MFANANO 18:7

Dumbu lya tondo nyi ikunyamaṟa amonyi, Na madedo hake nyi mdeho fo moo foke

MFANANO 24:12

Kochihamba, so luweichi isho pfo, Ngesa icho mohesha mrima chio aichi? Na icho moringa mrima fopfo chio aweichi? Ngesa echitaa mndu king'ang'anyi na iṟunda lyake?

MFANANO 26:27

Mosuma rina nyi echiolokiapfo amonyi; Na mopiṟimitsa iho lyechimbuuya.

KOHELETI 7:26

Kindo kimu njilechaimanya, kii kiwicho na ielewetsa kota opfu, nyi mndu mka sa mrima foke nyi mdeho na maraushi na mawoko hake nyi cha mshe. Kyaindi mndu ulya mochihiṟa Mndumii-Ruwa, nechikurisa na mndumka cho, na ulya ai mnyamaṟi nechiwado mdeho nao.

YEREMIA 2:19

Wuwicho wopfo wochikuwuuya, madedo hapfo hechikukapa; umanye, kyasia uwone ke nyi kindo kiwicho mnu na kiendie wusutsu ida Mndumii-Ruwa opfo, ma kiidi kya mrima fopfo kuwode injiowuopfo Mndumii ahamba; Mndumii menyi matorito.”

SHILIO 1:14

“Ambuya nyi aletala madeko hako hose, kahawumbia handu hamu; kahapfungia nzingonyi yako cha oṟo. Wulemeri woho wukanjisoka pfinya tsako, Mndumii-Ruwa nyi alenjiolotsa mawokonyi hawo, wandu njilawewode pfinya yelimbana nawo.

OBADIA 1:15

Kipfa mkonu fo Mndumii fui hafui ko wandu wa mkambo wose; chando kulewuta, nyi wudo ochiwutio; wueri wopfo wochikuwuya wuche huya mdo fopfo iyo kumonyi.

MAITALA 32:23

Kyaindi ngamuikimba ke mulameawutsie kiasaki kyanu, kechiwa mowutia Mndumii-Ruwa wunyamaṟi; manyenyi kya lohi ke mochiwona ngapo.

WAEBRANIA 13:4

Wasangi wo wasanze wali wumu wuhendelyo nyi wose na kisima kyawo kilahendesutso. Kyamba wamelumelu na waṟuhui nyio Ruwa echiwaanduya.

WACHILI 20:41

Nalyo Waisraeli wakahaluka na wandu wa kishari kya Benyameni wakawado nyi wuowu wung'anyi kipfa walewona isaramaya lyawo lyashika kufui.

WACHILI 9:57

Kake Ruwa nalewetewa wandu wa Shekemu wahoṟuyo kipfa kya wuwicho wowo walewuuta. Ko ikyo oseso lo Yothamu mana o Yerubaali lukawakoya.