MFANANO 30:9 - Bibilia Kui Mdedie fo Kimochi

⁹ Ndaihude njilekane na iyo, Njechihamba Mndumii nyiu? Ma njilawe mkiwa mnu njiiwe, Na isenda rina lya Ruwa oko kya maai.

MFANANO 30:9 ပူးပေါင်းရင်းမြစ်များ

SHIIMBO SHA DAWIDI 125:3

Kyamba ndichi ya wukika, yechikaa huya ohawi lo walya wa wusumhanyipfo, wawode wusumhanyi walashike ilesha mawoko hawo wuwichonyi.

IWUKA 20:7

“Kulasende rina lya Mndumii-Ruwa, Ruwa opfo kya maai, cha kipfa Mndumii-Ruwa alechida alakapa ichu masenda rina lyake kya maai.

IWUKA 5:2

Farao kahamba, “Mndumii-Ruwa nyiu, tane ngaicho ṟu lyake, na iinenga Waisraeli momu wakuhendie kowo? Inyi njiichi Mndumii-Ruwapfo, manya njechiinenga Waisraeli wahende kowopfo.”

MFANANO 29:24

Mosanza na miiwi nasuo moo foke amonyi Nekeicho kiṟaache, ma awode idedo-pfo.

YESAYA 59:13

kiidi kya madeko na, lukadeda kui orikiki na inyamaṟa, lukakusaṟa madedo ha wongo na ihawuta mrimenyi.

YEREMIA 2:31

Lanye kishari keambuyenyi idedo lya Mndumii. Ale, nyi ngawa nuka ya msanga ko Israeli Ang'u oruka kuwode meema riti Nkili wandu wako wahamba, so lulekusheṟuo lukundi icha na kopfo-pfo.

YEREMIA 5:12

Wo nyi waleleha Mndumii wehamba, “Chio-pfo ma kuwode mawicho hechilukoya-pfo, lochikoyana na oshu manya njaa-pfo.

EZEKIELI 23:35

Koikyo Inyi Mndumii-Ruwa Menyi Matorito ngahamba kyamba nulenjihadima na injikumba mhongo, nochiambiang'u weri wo wumeluki na wuṟuhui wopfo.”

DANIELI 4:17

Mwanduye fu focha kipfa kya waringi, na iwawaso lyi kui idedo lya waele; kundu iwa wai na moo wamanye ke ichu ai huye nyi aitoṟie wamangi wa wandu, nao nyi ekekuinengia ichu amkundi na ishimbuo ichu ai mfafa.”

DANIELI 4:30

Mangi kadeda kahamba: “Mṟifu fo Babeli fung'anyi njilefuwika inyi fuwe mṟi fo wumangi, kui pfinya tsako, kundu fuwade kiṟumi kya wuitoṟi woko!”

HOSEA 13:6

Kyaindi kiheri mulelya mukaihuda, mukawoka ikudosa mukatana monjihadima.

WALEWI 5:1

Na mndu oose kawuta wunyamaṟi kyamba naicho ṟu lyelisiṟa nyamu, na kawa mṟingishi, ke nalewona ang'u nalemanya, alemehambe na pata idedo-lyo-pfo, nlyondi echikudika wunyamaṟi woke amonyi;

MATAYO 26:72

Nao kakana lingi kelia-ho na nyamu kehamba, “Manya njichi mndu-chu inyipfo.”

MATAYO 26:74

Nalyo kawoka ikusesa na ilya nyamu kehamba, “Manya njichi mndu-chupfo.” Naho adi olong'onyi lukakapa.

NGUMBUO YA MAWAWASO 31:20

Kiheri njechiwaduo orukenyi luiletseka maruwa na wuki, chandu njileliiya nyamu wakuwawo, nawo wakalya wakaihuda wakanuo, wechinjipiṟa wahalukie maruwa hengi na iwaṟundia wechifunja mkundana foko.

NGUMBUO YA MAWAWASO 32:15

“Waisraeli walewa wasuṟi wakadekio Mndumii, Waleihuda wakachia kui fana, numa wakalekana na Mndumii-Ruwa alewawumba, wakapiṟa iṟaṟa lya, okiṟo lowo.

YOSHUA 24:27

Kyasia Yoshua kawia wandu walya, “Ambuyenyi iho li nyi lyawa mṟingishi odu, kyamba nyi lyaicho madedo halya hose Mndumii adeda naso, koikyo nyi lyechiwa mṟingishi kiidi kyanu kundu mulahende ilekana na Mndumii-Ruwa, Ruwa onu.”