MFANANO 30:4 - Bibilia Kui Mdedie fo Kimochi

⁴ Nyiu adooye huye kasokya wanda? Nyiu alewada otanu na mawoko hake? Nyiu alepfungia mṟinga nguonyi tsake? Nyiu alewanza mambo tsose tsa oruka? Rina lyake nyiu, a rina lya mana oke kokoya na uichi?

MFANANO 30:4 ပူးပေါင်းရင်းမြစ်များ

MAWOOKIONYI 32:29

Yakobo kammbesa, kahamba, “Kyenjiwia hoi, rina lyapfo?” Kahamba, “Nki ili onjiwesa rina lyako?” Kammbikiapfo mboṟa

YOBU 11:7

“Ngesa nochiidima isonjokoṟa shiṟike sha Ruwa, na imanya mtsitsionyi fo Ruwa menyi pfinya?

YOBU 11:8

Wunene woke wuidie nginehu iyo nyi kiki oidima? Wuleshe woke woida kowaṟumu iyo nkiki oidima imanya?

YOBU 26:8

Nekeshinga mṟinga kiidi kya mapuchi hake malemeri, na ipuchi lyo lyiranduka wanda yalyo-pfo.

SHIIMBO SHA DAWIDI 135:7

Nyio ekedosa mmeṟa kuwuka mtsitsionyi fo oruka, Nekeinenga mvuo mbawa, kaende otanu kuwuka kimaenyi kyalo.

SHIIMBO SHA DAWIDI 2:7

Njechionguo mawawaso; Mndumii alenjiwia, nyi iyo manoko, Inyi nyi inu ngakufee.

SHIIMBO SHA DAWIDI 22:27

Mtsitsionyi yose ya wuyana yechimkumbuo, Wandu wechiwuya mawokonyi ha Mndumii. Wandu wa mbaṟi tsose tsa wandu wechimiindya.

SHIIMBO SHA DAWIDI 24:2

Kyamba nyio awikie otende loke huya ipalyipalyi, Kaweluwika huye ya meda ya mṟinga.

SHIIMBO SHA DAWIDI 68:18

Iyo nyuledo ruwehu, kowada wuitoṟi, koinengo shiinengo kiidi kya wandu; Ee, ma walya walemi, Mndumii-Ruwa nakae nawo.

IWUKA 15:10

Kuledihina kui otanu lopfo, ipalyipalyi lyikawapfinyikia. Wakasoṟowia cha mboro kiidi kya mṟinga fufoi.

IWUKA 6:3

na Inyi njilewonekia Abrahamu, na Isaki, na Yakobo, cha Ruwa Menyiwuitoṟi, indi kui rina lyako Mndumii-Ruwa njilemanyika kowopfo.

YESAYA 45:18

Kipfa Mndumii ichu alewumba ruwehu nahamba ke o nyio Ruwa; nyio alewumba wuyana; nyio alewuwanza; alewumba wawe wulyapfo, nalewumba kundu wandu wakae kiidi kyawo; Inyi nyi Mndumii kuwode ungipfo.

YESAYA 53:8

Kui iwonyio na ianduyo walembada, Nyiu echiidima ionguo kyake? Nalewuto kiidi kya wandu wa isanga; Kakapo kipfa kya madeko ha wandu wako.

YESAYA 7:14

Ko ikyo Mndumii amonyi nyi echimuinenga kichano. Ambuya mana mkeha nechikapika, nechifee mana o womi, nao nechimlaha Imanueli.

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

YEREMIA 23:6

Kiidi kya mkonu yake, Yuda nechikiṟo na Israeli nechikaa kipuo, na rina lyake echilaho nyi ili, ‘Mndumii nyi wulohi wodu.’”

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

LUKA 10:22

Kaindukia walya wa kiloshionyi kyake kahamba, “Shindo shose nyi njiledambikio nyi Wande, ma kuwode msa aichi ke Mana nyiupfo, shile na Wande, ma ke Wande nyiu, shila na Mana, na ichu Mana akundi imdambuya.”

YOHANE 3:13

Ma kulelemedoe mndu kulya ruwehupfo, na ichu alewesoka ruwehu nyio Mana o Mndu ai ipfo ruwehu.

WAROMA 10:6

Kya indi wuhoṟotsu-wu oshangunyi lo Ruwa wuṟukye wuidikinyi wo wuhambye wudi, “Kulawone koihamba, mrimenyi fopfo, nyi o ku echidoya ruvehu?” (Lyo liwewa isotsa Kristo na wanda.)

NGUMBUO YA MAWAWASO 28:58

“Kokoya mulaindia necha iawutsia madedo hose ha mawawasoha hamaṟehie kunu kitapunyi na mulameindie na iṟumisha rina liwode kiṟumi, lioweshie lya Mndumii-Ruwa, Ruwa onu,

NGUMBUO YA MAWAWASO 30:12

Chi hakeri ruwehu muhambe, “Nyiu echido na huye ruwehu nahaluendie luhawade na ihaindiapfo?

OTAMBAHALUO LO YOHANE 19:12

Meso hake hai cha olewo lo modo na ipfo mdohu foke aṟee oṟo nchope tsa wuitoṟi tsifoi na rina lii-iṟehye-pfo lyilamanyikye nyi mndu shila nao amonyi.

WACHILI 13:18

Malaika o Mndumii-Ruwa kamhaluo, “Nki ili ukundi imanya rina lyako, kipfa rina lyako lyiṟihishie?”