MFANANO 30:3 - Bibilia Kui Mdedie fo Kimochi

³ Ma njilekulosha wuṟango-pfo; Ma wuṟango womanya ichu ai mwele.

MFANANO 30:3 ပူးပေါင်းရင်းမြစ်များ

MFANANO 30:4

Nyiu adooye huye kasokya wanda? Nyiu alewada otanu na mawoko hake? Nyiu alepfungia mṟinga nguonyi tsake? Nyiu alewanza mambo tsose tsa oruka? Rina lyake nyiu, a rina lya mana oke kokoya na uichi?

MFANANO 9:10

Iindia Mndumii nyi mawookionyi ha wuṟango, Na imanya ichu mwele nyi wulaanyi.

YESAYA 30:11

wukenyi kiidi kya wulohi, halukenyi muuke okondonyi; haluonyi Mwele o Israeli natsitse oshangunyi lonu.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 6:10

Waha mahio ha wandu-wa, nowahe madu hawo, nowahe na meso hawo; kundu walawone kui meso hawo na iicho kui madu hawo, na imanya kui ngoo tsawo, na iwuya wakiṟo.”

YESAYA 6:3

Wakalahana, orio umu na odoye wechihamba, “Mwele, Mwele, Mwele, nyio Ruwa Mndumii-Ruwa Sabaoti, masanga haichuo kiṟumi kyake.”

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

MATAYO 16:17

Kyasia Yesu kahaluo kambia, “Ungusu iyo Simon Petro, kipfa manya chi nyama ma samu shakudambuya ishipfo chila na Wande o ipfo ruwehu.”

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

WAROMA 11:33

Apa wuleshe wo wusuṟi wo Ruwa na wo wuṟango woke na wulaanyi. Mdumbuye yake yedumbwo mondu chando shilechiwa isonjokoṟa chando tsilechiwa ihesho chandu kuikuṟehie.

OTAMBAHALUO LO YOHANE 3:7

“Na msu ulya o siṟi lya Filadelfia ochimṟehya;” Aii ndumi ichu ai Mwele Mokiilohi awode opfunguo lo Dawidi. Hando o apfunguo kwipfo sa echiidima ipfunga-pfo. Na hando o apfunga kwipfo sa echiidima ipfunguo-pfo.

OTAMBAHALUO LO YOHANE 4:8

Na maṟimu halya haana orio lyimu liwode makungo haṟandaṟu. Naho hawewode meso mbihu rambatanyi na ora lo kya nja na mba. Naho haideda mfiri na kio halaitsa-ho meke foonyonya hechihamba, “Mwele, mwele, mwele nyio Mndumii-Ruwa menyi pfinya tsose. Nyio aweipfo, ai-pfo mokaa echikaa-pfo ai echicha.”