MFANANO 28:1 - Bibilia Kui Mdedie fo Kimochi

¹ Wawicho wekedicha walaosho nyi wandu; Wenyi wusumhanyi nyi wai wakari cha miso.

MFANANO 28:1 ပူးပေါင်းရင်းမြစ်များ

1WAMANGI 1:49

Nalyo wahenu wose wawei na Adonyia wakaowuo, wakakure, wakahenda orio mndu kikoke.

2WAMANGI 7:15

Wakawalatia mṟasa Yordani, ate njia yose iweichuo maṟao na shihia, shilekumbo ipfo na ipfo kipfa Washamu wa waleowuo na iwona ke wakahenda nasho wechikoyo kipfa shiwe chiwalemia. Wandu walya waledumo nyi mangi wakawuya wakawia Mangi chandu walekoya.

NEHEMIA 6:11

Na inyi ngakuwesa mrimenyi foko, “Ngesa mndu cha inyi na kinjiwaṟi idicha? Ngesa mndu cha inyi na kiwaṟi idichia mba ya Ruwa kundu njikae na moo? Ambuya njechiida na hekalunyi manya le pfo.”

YOBU 15:21

Kifahiyo keowesha kechiichio madunyi hawo, kiheri echikusaṟa wulalu nawuyo mmoo, monyamaṟa nechimchea.

SHIIMBO SHA DAWIDI 112:7

Echiowuo mbonyi njiwichopfo; mrima foke fumbanzi fochikusiria Mndumii.

SHIIMBO SHA DAWIDI 53:5

Nyi hondu waleowuo handu halaweoweshie, kipfa Ruwa naleolaola mafuo ha ulya alekutengetia. Kulewahutsia sonu, cha Kipfa Ruwa nalewamina.

SHIIMBO SHA DAWIDI 53:6

Samanya okiṟo lo Israeli luwuke ipfo Sioni! Nyi Ruwa kechiwihiṟa wapfungo wa wandu wake; Yakobo naweitola kya sia, Israeli nechifuda.

IWUKA 11:8

Na waṟundiwo wapfo wose wechisoka na koko inyi, nawo wechinjindia wehamba, kure iyo, na wanduwa wapfo wose waitumanyi na iyo; na numa ya isho njechikure.” Nahong'u kawuka ko Farao na nyashi ing'anyi.

MFANANO 10:9

Mohenda kui wusumhanyi nechihenda kipuo; Kyaindi modetsa ohendo loke nechimanyika.

MFANANO 27:27

Kochiwoneka ho maruwa ha mburu, Hakushikye ko kelya kyapfo, Na kelya kya wandu wa kanyi kopfo, Na kilayo kya shisinga shapfo.

YESAYA 30:17

Kiku kimu (1,000) wechidicha wadedio nyi mndu umu; kui idedio nyi watanu mochidicha; mṟasa mochideo cha ndichi ihoṟotsu huya kitoṟomoso, na bendeṟa huya kifumvu.”

YESAYA 7:2

Nduma wandu wa mba ya Dawidi wakawio ke Shamu waidikiana na Efraimu. Naho wakawuko madima kiidi kyawo, wakawado nyi kitaku cha otanu losingitsa mashidi ha ngeṟenyi.

YEREMIA 20:4

Kipfa Mndumii nahamba adi, “Njechikuamtsia wuowu wung'anyi kopfo iyo, na mbuya tsapfo tsose wechioloka kui oshu lo wakituwa wawo na meso hapfo hechiwona isho, na inyi njechidambika Yuda yose mawokonyi ha mangi ya Babeli, nawaduo wapfungo wa shida nawawahe kui oshu.

WALEWI 26:17

Njechikoyana nanyo, nanyo mochikapo nyi wakituwa wanu; mochichilio nyi walya wamsuo. Mochikangaṟika na idicha ma kokoya kulawode mndu oose aimuwingia.

WALEWI 26:36

Na iwo maata wanu wechikiapfo njechiwaenenga wuowu mrimenyi yawo; kulya orukenyi lo wakituwa wawo; manya iṟa likawiwito nyi otanu wechilidicha. Wechidicha cha ili mndu aidicha shida. Wechidicha na ioloka ma kokoya kulawode mndu aiwawingia.

MAWUTO HA WASU 14:3

Kyasia wakakaa-pfo kiheri kileshe wechionguo mndumii kui wukahari nao Mndumii aweiwakanya iṟingi-shya idedo lilya lya wutonga woke kechiwainenga pfinya yetana ngata na maṟihyo kui mawoko hawo.

MAWUTO HA WASU 4:13

Kyasia wekiwona wuṟamtsu wo Petro na Yohane na imanya ke nyi wai wandu walai waloshe wo ilosho wakatiṟi mnu, wakawamanya ke nyi wawekeri kimu na Yesu.

NGUMBUO YA MAWAWASO 28:25

“Mndumii-Ruwa nechimutana muwingo nyi wakituwa wanu. Nyo mochihenda ikapana nawo kui njia mfungade. Nanyo mochiwa kindo kiwode riiri ko wandu wose wa wuyana.

NGUMBUO YA MAWAWASO 28:7

“Wakituwa wanu wakamuiria shida, Mndumii nechimuinenga wuwinzi. Wakacha na njia imu wechiwuya na njia mfungade wechidicha.

1WATESALONYIKYE 2:2

Indi ili luwemewawiṟo na ituro ipfo Filipi chando muichi lukawekukahaṟa na Ruwa chu odu luwehenda ihamba ipfo konu ndumi ya sia ya okiio na ngapano ing'anyi.