23 Dumbu lyekuloṟa-loṟa hamu na mrima mbicho Nyi kii cha kyoho kikifihisye mbosha tsa fesa.
Moṟika nyashi nawode dumbu lya wongo, Na ichu mohaaya nyi tondo.
Kipfa chando awonyi ipfo mrimenyi foke nyi wudo ai. Nekuwia, ee, lya, nyo; Indi mrima foke fui hamu na iyo pfo.
Wuta mbosha kiidi kya fesa, Nahong'u ochiwona kihiya ko ulya moela;
Kadeda madedo mecha kulamiidikye; Kipfa nawode isuo ka mfungade mrimenyi foke.
Shifaṟe umbike nyi mbuya nyi mkundana Indi ihekya momu lya mkituwa nyi lifoi mnu.
Ambuyang'u wakeri icha oshangunyi lopfo makamba kui makamba cha wandu wako, wakawekuadanyia kilya ukeri iwaongoya, kyaindi wekewuta kilya owawia wawutepfo. Ambuya nyi wekehamba ke nyi wawode ikunda kyaindi nyi wakeri ipfula shilya shechiwainenga kiira kyawo tupu.
Ochia lonu nyo walosha wa mawawaso na Wafarisayo mui makulembetseṟe, nyi ilindi mufananyi na shipfu kundo mnying'a yeṟiko shichope shikawada kiweṟe kyeambuya ipfo kya nja. Kyaindi ipfo kiidi shikaichuo mafuo ha mnying'a na shindo shiendye tsung'a orio mbaṟi yose.
Mndumii kambia, “Nyo Wafarisayo nyi mokesanja shirahu na shitela ipfo kya-nja, kyaindi ipfo kiidi kyanu nyi kuichuo wusoki na wuwicho.