MFANANO 22:7 - Bibilia Kui Mdedie fo Kimochi

⁷ Msuṟi nechiikolonyia mkiwa, Na ichu moakuo nyi isinga lya ichu moakuya;

MFANANO 22:7 ပူးပေါင်းရင်းမြစ်များ

2WAMANGI 4:1

Kyasia mndu mka umu kiidi kya waka wa wana wa Waikimbi kacha ifihiṟia Elisha kahamba, “Mṟundi opfo mii oko nalepfa, na iyo noweichi ke mṟundi opfo naweindie Mndumii, mosile oke nacha naduo wana wako wawi masinga kipfa ndawode ketaa sile iya.”

MFANANO 14:31

Mowonyia mkiwa nyi imina mombika, Indi mosaṟiya walya wahuṟi wekemiindiya.

MFANANO 18:23

Mkiwa neketerewa Mndumii; Indi msuṟi nekehaluo na wulang'a.

MFANANO 22:16

Icho ekewonyia wakiwa kundu naengeṟe masaa hake, Na ichu moinengya msuṟi, nechilya wukiwa.

MFANANO 22:22

Kulasoke mkiwa, kipfa nyi ai mkiwa; Manya kuladuo kya mbari kya mndu mfafa kichuminyi;

YESAYA 24:2

Na kechiwa chandu kikeri ko wandu, nyi wudo kechiwa ko mkohanyi; chandu kikeri ko isinga, nyi wudo kechiwa ko mndumii olyo; chandu kii ko isinga ika, nyi wudo kechiwa ko mka mangi; chandu kii ko mohuṟa, nyi wudo kechiwa ko mokumba; chandu kii ko moinengia, nyi wudo kechiwa ko moinengio; chandu kii ko ulya o mbucha aiṟimiṟa, nyi wudo kechiwa ko icho momtarama kaiṟimiṟa.

AMOSI 2:6

Iha nyiho Mndumii ahamba; Kwi madeko haṟaṟu ha Israeli, ee, kipfa kya haana, njechiima nyashi yako ilechimhoyapfo; kipfa walekumba walya wasumhanyi kwi fesa, na wahuṟi kwi mṟaaye fumu fo shaadu;

AMOSI 4:1

Adanyienyi idedolyi nyo mbe tsa Bashanyi, mokekaa fumvuhu lya Samaria, mukawonyia wakiwa, na ikapa walya wahuṟi; mokewia wasoṟo wawo, Wulalu endenyi, lunyo.

AMOSI 8:4

Adanyienyi, iki, nyo mukundi imeṟa walya wahuṟi na iowesha wakiwa wa orukenyi,

AMOSI 8:6

Kundu luidime ihuṟa wakiwa kui fesa, na wahuṟi kui mṟae fo shaadu; luwekumba mbosha ya ngano.

MATAYO 18:25

Nao alawode ketaa Mndumii ulya kawawasa wahende kumbo wuhuru na mka na wana na shose awode kuwoneke shetaa.

YAKOBO 2:6

Indi nyo momleha iindya ichu mkiwa. Chi wasuṟi wekemwapfinya, chiwo wekemduo mengenyi?

YAKOBO 5:1

Kendeng'u-wo wulalu nyo mui wasuṟi, muhende lia na ifuha kya marohyo hanu hechimhoya.

YAKOBO 5:4

Ambuya, wuṟundi wo waṟundi walya walemnyo nyiwo wuifuha, na shifuha sha wawehi walya shamaa ishika henda madunyi ha Mndumii menyi matorito.