18 kipfa kii kicha uharinge kiidi kyapfo, hechiwanga kiidi kya dumbu lyapfo.
Mapfundo hapfo hekenjilodia mnu, kota wuki dumbunyi lyako.
Wuṟingishi wopfo njilewuhaluo kyoṟa kya mlungana, kyamba nyiwo iṟamka lya mrima foko.
Kui momu yako njileonguo, Mdumbuye yose ya dumbu lyapfo.
Njimchihie nyi kyasa kyapfo, cha msa aende wapfungo wa shidenyi wafoi.
Momu yako ihambe kiṟumi, cha kipfa nokenjilosha mapfundo hapfo.
Fuendiye lango kota sahabu, Kota mfoeṟa fo sahabu njicha. Fokeloda kota wuki, Kota ihuo lya wuki.
Wuṟango wokewono dumbunyi lya mndu aichi; Kyaindi olyio luwaṟi mhongo fo ulya alaichi.
Dumbu lya mndu o wusumhanyi lyeihutsa wafoi, Kyaindi matondo hekepfa kipfa halaichi kindo.
Dumbu lya mndu o wusumhanyi lyekelosha mecha; Indi mrima fo tondo fochiwuta fudo pfo.
Awode wuṟango mrimenyi nelaho nyi menyi wulaanyi; Mlodo fo madedo fokeengeṟa wuṟango.
Kipfa wuṟango wochiida na ngoonyi yapfo, na wulaanyi wochichihiṟa mrima fopfo;
Kundu kikusiryo kyapfo ukiwike ko Mndumii, inu ngakumanyishia iyo ishi, ee da! Iyo.
Idedo lyededo kiheri kiwaṟi. Lifananyi na machunga kiidi kya mkunja fo fesa.
Ohendo loke sa luchihiṟiye mnu, Na njienyi tsake tsiwode ofoṟo.
Manoko, adanyia madedo hako; Deha kudu kopfo, uadanyie madedo hako.
Halawuke mesonyi hapfo, Haṟike kiidi kya mrima fopfo.
Adanyienyi, kipfa njechideda shii shicha, Ngatambaṟuo dumbu lyako kochiwada chile.
Njilewona madedo hapfo ngahalya, ngameṟa hakanjiinenga sia ing'anyi, hakaloda mrimenyi foko. Kipfa inyi njimanyikie kui rina lyapfo. Lyo Mndumii-Ruwa menyi matorito.
Kiwaṟi dumbu lya mkohanyi liwade wuṟango, wandu washihe wuwawaso dumbunyi lyake kipfa o nyi mngochi o Ruwa.
Mndu kanjiidikya inyi kyake kyechiwa chando kiikiṟehye kehamba, ke mndu chu ipfo mrimenyi foke kochisoka-pfo meda ya mra fo mṟinga fuwode moo.”
Lutsinde lochidambikya Ruwa odambiko lo mwano fochiwa lui nao fui momu-hu yechiichika rina lyake.