MFANANO 20:2 - Bibilia Kui Mdedie fo Kimochi

² Iowesha lya mangi nyi cha ipoṟohoṟa lya mwiso; momsuiṟa nawutia mrima foke wunyamaṟi.

MFANANO 20:2 ပူးပေါင်းရင်းမြစ်များ

1WAMANGI 2:23

Mangi Solomoni kalya nyamu ko Mndumii-Ruwa kahamba, “Ruwa nanjiwutie ado na ngoseṟa, sile Adoniya nadeda adi kya moo foke amonyi.

1WAMANGI 2:24

So Mndumii ai na moo ichu alenjiṟingishia, kanjidamiṟa loṟikehu lo wuitoṟi lo Dawidi ndeako, kanjiwikia mba, chando alewika kyasa, nyi kya lohi Adoniya nechiwoho inu tichi.”

MFANANO 19:12

Nyashi ya mangi nyi cha miso fuipoṟohoṟa; Indi ndarama yake cha mlewi fui huya maṟa.

MFANANO 8:36

Kyaindi ulya monjiwuṟa nyi akunyamaṟa amonyi, Walya wanjisuo wakunda opfu.

KOHELETI 10:4

Mumuyo fo msongoru fukapfuluko kipfa kyapfo, ma kulakure handu ui; kipfa mumuyo fo wuhoo fokeoloṟa mawicho hang'anyi.

HOSEA 11:10

Ambuya wechicha injiosha inyi Mndumii-Ruwa, ili njechiringona cha miiso, kiheri kyo chechiringona nyi wechinjicheya wechichumia wawuka ora lo kyukanyi wechidedema.

AMOSI 3:8

Miiso fompoṟohoṟa, nyiu alechiowuo? Mndumii-Ruwa amededa nyiu aidima ideda shile nyi ihamba kisuku?

HABAKUKI 2:10

Iyo nyi uleṟundia mba yapfo shindo sha wusutsu kochiwaha wandu na idetsa moo fopfo.

MAITALA 16:38

Tsinjiele cha kipfa wanduwa waleshiende na rasionyi lya Mndumii-Ruwa. Kyasia ira nungutso tsa modo tsa wanduwo walewaaho kipfa kya wunyamari wowo tsisalaṟo tsihaluo kipfinko kya rasionyi. Iki kechiwa wuikimbi ko Waisraeli wose.”