MFANANO 20:1 - Bibilia Kui Mdedie fo Kimochi

¹ Mvinyo fukeri motaluo, mṟinga fonanza fukeri mofahya; orio mowuka-pfo echitengeluka akeri-se mṟangopfo.

MFANANO 20:1 ပူးပေါင်းရင်းမြစ်များ

2SAMWELI 11:13

Dawidi kamlaha kanyi koke ko kelya kya kyukani kamnanza na wari. Kyaindi Uria alakihende kanyi kio kilya kalaase mongonyi ko Mangi handu waaskari walya weringa mongo wawei.

2SAMWELI 13:28

Kyasia, Absalomu kadeda na waṟundi wake kawawia, “Wedenyi mṟasa Amnoni nanyo wari nanango; kiheri njechimuwia mumbahe, wutenyi kudo ma mulaowuo kindo kipfa nyi inyi ngamuwawasa.”

MFANANO 23:20

Ulawe kiidi kya walya wenyo mvinyo; Kiidi kya walya welya nyama wohukya

MFANANO 31:4

Ho! Lemweli, inyo mvinyo fuwaṟi wamangi-pfo, kiwaṟi wamangi-pfo. Manya kiwaṟi wanene wawese, nku kuwode kindo kyenanza?

YESAYA 28:7

Ma kudo, iwa nawo wadeko kui mvinyo, wadekie kui kenanza; mkohanyi na mwikimbi wadekie kui wunanzi, wai wameṟe nyi mvinyo, wadekie kui kenanza; wekedeko shiwonesioni, wakakapa mtulia kiidi kya mwanduye.

YESAYA 5:11

Ochia lo walya walawa ikure ngamenyi kilawo, waoshe wunanzi; wakatsinda pfo mfiri puti itane kio makidi hawi, itane wari woaka cha modo kiidi kyawo.

YESAYA 5:22

Ochia lo walya wakutana waapfinya kui inyo mvinyo, wandu wasoṟo wawode pfinya, yelongalonga mṟinga fonanza,

YESAYA 56:12

Wekehamba, “Njonyi luhende ishiha mvinyo, Na luwenyo mnu wari! Ngama yewa cha inu, luchihiyo lya wueṟa.”

HOSEA 4:11

Mvinyo mhya na fo kacha, fokesoka wandu wulaanyi.

HOSEA 7:5

Mfiri mnene fo mangi nyi, wekenanza wasongoru wo wawo, ko mvinyo na mangi kawelya na waseṟeṟi .

WALEWI 10:9

“Kulanyo mpfinyo manya wunanzi wo wose, iyo manya wana wapfo handu hamu na iyo, ili mochiida na ipfo ihemenyi lyesanzia, kundu mulashike ipfa; iwawasolyi lyechiwa iwawaso lya mlungana ipfo shisharinyi shanu;

HABAKUKI 2:5

Ee hamu na isho mvinyo fokelemba, mndu o orikiki elekekaa kanyi koke nekeengeṟa lango tsake cha ko wapfu, nakeri cha opfu, echiwa iihutsapfo; o nekesanyia wandu na njoshari tsa wandu kui mhanda.

1 WAKORINTO 6:10

Manya waiwi, manya wenyi-wuehi, manya makinango, manya makiruma, manya wasoki.

WAGALATIA 5:21

Wunanzi, itandaluo ndeu, na shindo shingi cha ishi, kyasho ngasonguo imbia chando njilewembia, ke wewuta wado wo wechikudaya wumangi wo Ruwa wuwe kyoṟapfo.

WAEFESO 5:18

Ma mulakunanze na mpfinyo fuwode kidetsa okiio, indi muichuṟo nyi Mumuyo Mwele.