MFANANO 2:19 - Bibilia Kui Mdedie fo Kimochi

¹⁹ Woose wechimhendia kochiwuya manya umupfo, Manya ishikia njia tsa moo.

MFANANO 2:19 ပူးပေါင်းရင်းမြစ်များ

SHIIMBO SHA DAWIDI 16:11

Nochinjiloṟa njia ya moo, Oshangunyi kopfo kuwode sia sele, Mahinyi hapfo na owoko lopfo lo kulyo, Kuwode mecha ha mlungana.

SHIIMBO SHA DAWIDI 81:12

Ngawada wakahenda kui orikiki lo mrima yawo; wachumie kiidi kya mdumbuye yawo.

MFANANO 4:18

Indi njia ya wenyi wusumhanyi ii cha sa iwaa, Ikaweengeṟa iwaa mfiri puti.

MFANANO 5:11

Na iyo kosumukia maka yapfo ya ifurumia, Kiheri nyama yapfo na mbihu fopfo ilyi shechisaramaya

MFANANO 5:6

Ma alaidime iwona njia isumuhanyi ya moo; Ohendo loke loṟuha manya aichi pfo

MFANANO 6:32

Mndu kaṟuhuya na mndu mka awode oṟongopfo; Nawuta kindo kechimwarisia wanda moo foke.

KOHELETI 7:26

Kindo kimu njilechaimanya, kii kiwicho na ielewetsa kota opfu, nyi mndu mka sa mrima foke nyi mdeho na maraushi na mawoko hake nyi cha mshe. Kyaindi mndu ulya mochihiṟa Mndumii-Ruwa, nechikurisa na mndumka cho, na ulya ai mnyamaṟi nechiwado mdeho nao.

YEREMIA 13:23

Ale, Mkushi naidima iilacha fana ya mbihu foke, ang'u rumu matoṟetoṟe halyo? Kokoya echiidima, manya nyo mochiidima iwuta mecha, nyo muichiwie iwuta mawicho.

HOSEA 4:14

Kyaindi njechihoṟuo wana wanu wa kika kiheri wawuta wumelukimeluki-pfo, ma wamali wanu kiheri waiwuta wuṟuhui-pfo, kipfa, wasoṟo wawenyi nyiwo waioshana na wamelukiwo, na iwuta nawo shidaso kiidi kya miindie ya wumeluki. Wandu wa watuṟie wuṟango kya lohi wechirumara!

WAEBRANIA 6:18

Kundu lukae wakarishe kui pfinya lukuwode na njowiko tsiwi tsihoṟoki tsilawewa iwiko nyi Ruwa tsa wongo lochiwingya ikuwada na owedo lulya lui wasumbe.