MFANANO 17:23 - Bibilia Kui Mdedie fo Kimochi

²³ Alai na wusumhanyi nyi eketsutsuma kipeetenyi, kundu nadetse mwanduye.

MFANANO 17:23 ပူးပေါင်းရင်းမြစ်များ

IWUKA 23:8

Na iyo kulaambie kindo ketsutsumo; cha kipfa kitsutsumo kekepfumba meso ha iwo wawonyi, na ipfuluo madedo ha walya wasumhanyi.

MFANANO 17:8

Kiinengo nyi cha kindo kya wuhuru mesonyi ko ulya akiwode; orio kechihaluka kechiwoneka.

MFANANO 18:16

Shisa sha nnga shainenga mndu mwaanya Nekeendo oshangunyi lo wanene.

MFANANO 21:14

Kisumbo kya kiṟika kekehooṟa nyashi, Na itsutsuma kitsinyi lyehooṟa ngapo ing'anyi.

KOHELETI 7:7

Nyi lohi wulang'a woketondosha ulya mṟango, Na itsutsuma lyikanyamaṟa imanya.

YESAYA 1:23

Wanene wapfo nyi watahachi, na mbuya tsa mbafu; orio mndu nakundi itsutsumo, wekeosha itao, wechiinenga ngoeda kilya kyake kisumhanyipfo, wekeicho kieṟeṟo kya mkusu pfo.

YESAYA 5:23

nyi walekia menge ili watsutsuma, na ichu awinga wamfurunjia ikuwonia kilya kisumhanyi.

EZEKIELI 22:12

Kiidi kyapfo kuwode wandu wekeambia fesa kundu wawahe. Koweambia ngeṟia tsa wulembi kundu ukusuṟishe, kochiotoya manawomayo, konjihadima inyi piu.” Nyi wudi Mndumii-Ruwa ahamba.

EZEKIELI 22:27

Wanene wawo nyi wafananyi na shisii shekeranduo shilya shewada madumbunyi hasho kyamba wakeri iwaha na iwada wusuṟi wulawaṟi.

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

MIKA 3:9

Adanyienyi mbonyi i nyo wasongoru wa oshari lo Yakobo, adanyienyi nyo waitoṟi wa Israeli. Nyo musuo mbonyi tsa wulohi mukadetsa chile.

MIKA 7:3

Wose nyi wewuta mawicho tupu; wanene na wenyi menge wakundi itsutsumo, walya wang'anyi waloṟie na pata wuwicho wowo, na iwuta kui wulembi kulawode wuowo.

NGUMBUO YA MAWAWASO 16:19

Mulapfuluo kiilohi; mulawade ikundia, manya mulaambie kitsutsumo, kyamba itsutsuma lyekewaaha meso ha wandu wawode osaaṟe na ipfuluo mondu fo mndu o wusumhanyi.

1SAMWELI 12:3

Aichu njikeri iya na kokoya njilemewuta kindo kiwicho kyose; kyeṟingishienyi nyo muwenyi iya oshangunyi lo Mndumii-Ruwa na oshangunyi lo mangi yanu njisambuṟe. Ngesa, njilemesoka mndu oose mmbe yake ang'u nzoi yake Ngesa, njilemewonyia mndu oose. Ngesa, njilemeapfinyia mndu oose Ngesa, njilemeambia kitsutsumo ko mndu oose kundu njipfuluo mondu kiilohi kyake. Inyi njechimbihiṟia ikyo kyose.”

1SAMWELI 8:3

Kyaindi wanawo waleosha mchumie fo ndeawopfo. Indi walewooka ikushihia kiira. Walewoka iambia kitsutsumo wakapfuluo kiilohi.