MFANANO 16:18 - Bibilia Kui Mdedie fo Kimochi

¹⁸ Orikiki losongoya orumatso; Na ngoo yekapa kawi yasongoya ioloka.

MFANANO 16:18 ပူးပေါင်းရင်းမြစ်များ

ESTA 3:5

Hamani kekiwona ke Mordekai ahongoma ma imuindiapfo kanyashiko mnu na kamu.

ESTA 6:6

Kyasia Hamani kaida na mba. Mangi kambesa, “Nyi wuda mangi echiwutia mndu akunda imng'anyisha na imṟumisha?” Hamani kadeda amonyi mrimenyi, “Nyiu ichu mangi akundi imng'anyisha na imnenga kiṟumi sile na inyi tupu.”

ESTA 7:10

Kyasia wakaduo Hamani wakamasa alya ikidihu handu ha Mordekai. Nyashi ya mangi ikahuo.

MFANANO 11:2

Hacheye orikiki hondu sonu ikeri; Indi wuṟango wukukerye na wekunyiiṟa.

MFANANO 17:19

Ulya akundi ngapano nakundi wunyamaṟi; moiria mnu mongo foke nashiha inyamaṟika.

MFANANO 18:12

Kulamewade inyamaṟika mrima fo mndu fokushela; Kulamewade wuindi kosonguo ikunyiiṟa.

MFANANO 29:23

Orikiki lo mndu lochimsotsa Indi ulya awode mrima fokunyiiṟa nechiindyo.

MFANANO 8:13

Iindia Mndumii nyi isuo wuwicho, Orikiki na ikushela; na njia njiwicho; Na dumbu lya wulemeshi nalyo njilisuo.

YESAYA 37:38

Kikashika kiheri awei iindia ruwa lyake lyelaho Nisroki, Adrameleki na Shareza, wana wake, wakambaha na oshu; wakadichia oruka lo Ararati; nao Esar-hadoni, mana oke, kawada wumangi kachilia handu hake.

YEREMIA 49:16

Mbonyi tseowesha na orikiki lopfo shakulemba, iyo okekaa kiidi kya mbako tsa ngaṟahamba tsa maho, kowekaa huya njowerihu tsa fumvu! Ma chando uwikie kanyi kopfo huye cha mbero, inyi njechikupuhutsa uwuke ipfo kundu ui. Nyi inyi Mndumii-Ruwa ngahamba.

YEREMIA 50:32

Menyi orikiki nechikapa mtulia naoloke, ma echiwona momiira pfo. Njechiatsa modo kiidi kya mṟi yake nafo fochikoṟa orio kindo kii mbarinyi koyo.”

EZEKIELI 28:17

Ambuya nuwekekushelia wucha wopfo Kowenyamaṟa wulaanyi wopfo Kipfa kya mng'ano fopfo. Ngakuhutsa wanda terinyi ngakutana kowa kindo kesetsa wamangi.

EZEKIELI 29:9

Kyamba nyi ulehamba meda fo Nili nyi fo pfo, ke nyi iyo ulefuwika, kyasiang'u oruka lopfo lo Misri lochiwa lo wulya na ihaluka nuka. Nyi lyondo wandu wechiwutaho imanya ke Inyi nyi Mndumii-Ruwa.

DANIELI 11:12

Kameduo wandu walya, mrima foke fochikurinyisha mnu; naweidima iombotsa wandu shiku ikumi (10,000) kyaindi echiengeṟio pfinya pfo.

DANIELI 5:22

Na iyo manoke iyo Belshaza ulakunde ikunyiiṟa mrimenyi manya chando uweichi mbonyitso.

DANIELI 5:24

Naalyo owoko lulya lukaendo luwuka koke, na maṟeho ha haleṟehyo.

MATAYO 26:74

Nalyo kawoka ikusesa na ilya nyamu kehamba, “Manya njichi mndu-chupfo.” Naho adi olong'onyi lukakapa.

LUKA 14:9

Na ulya amlahie mu-wawi nache nakuwie, Kesehia ichu; na iyo nyi ochiwooka iwado nyi rihima ili ochiwada kidembo kya numa ya wose.

WAROMA 11:20

Na kicha; ho halemepahwo nyi kipfa halaweidikye, indi iyo uhoṟoki-ho kui pfinya ya mwidikye. Ma ulakung'anyishe, indi owuo.

1TIMOTEO 3:6

Nalawe mwetsi kundu nalawone echikulandaṟisha nashike ihoya wudehelinyi wo Satana.

WACHILI 11:28

Indi mangi ya Amoni nalemina ndumi ii ya Yeftha.

1SAMWELI 17:42

Mfilisti ulya kaambuo kawona necha Dawidi, kampiṟa, kipfa Dawidi nawei manake tupu, awode oru na achihiṟie.