MFANANO 15:9 - Bibilia Kui Mdedie fo Kimochi

⁹ Njia ya mndu mbicho nyi iwichuṟye Mndumii; Indi nyi akundi mndu ekeosha mecha.

MFANANO 15:9 ပူးပေါင်းရင်းမြစ်များ

SHIIMBO SHA DAWIDI 1:6

Kipfa Mudumii nyi aichi njia ya wasumhanyi, Indi kyama kya wamkika nyi kechideka.

SHIIMBO SHA DAWIDI 11:7

Kipfa Mndumii nyi o wusumhanyi, Nyi akundi mawuto hasumhanyi Walya wahoṟotsu kui mrima wechimbona.

SHIIMBO SHA DAWIDI 139:24

Nowone kokoya kuipfo ieweṟo kiidi kyako, nokenjiteteṟa kiidi kya ohendo lo mlungana.

SHIIMBO SHA DAWIDI 5:5

Wekyekushela wechihoṟokaoshangunyi lopfo-pfo, Nyi usuye wewuta sha mkika wose.

MFANANO 15:10

Ngapo ing'anyi nyi ya ulya moda njia njicha; Na ulya mosuo idedio nyi echipfa.

MFANANO 21:21

Moosha wulohi na isaṟia, Nechiwona moo na lohi na kiṟumi.

MFANANO 21:4

Meso ha orikiki, na mrima fokudosa, Manya idema lya wawicho, nyi wunyamaṟi

MFANANO 21:8

Njia ya ulya amrohie wunyamaṟi idekekie mnu. Indi mndu amhendeli, iṟunda lyake nyi lihoṟoki.

MFANANO 4:19

Njia ya wawicho ikeri cha mema; Waichi nyi kindo kida kiwaima pfo.

MFANANO 8:13

Iindia Mndumii nyi isuo wuwicho, Orikiki na ikushela; na njia njiwicho; Na dumbu lya wulemeshi nalyo njilisuo.

YESAYA 26:7

Okondo lo ulya asumhanyi lui luhoṟotsu; Iyo ui mhoṟotsu nyi ui ihoṟotsa njia ya ulya asumhanyi.

YESAYA 51:1

“Njiadanyienyi, nyo muishiha kilya kisumuhanyi; nyo mui ishiha Mndumii; ambuyeni iṟaṟa lilya mulewutoho kui ilitsana, na ṟungu lilya mulewutoho kui ilisuma.

YESAYA 51:7

“Njiadanyienyi nyo wewuta sha wusumhanyi, wandu wawode chila yako mrimenyi yawo, mulaowuo shirumo sha wandu, ma mularihinyike imina lyawo.

YEREMIA 44:4

Manya kudo, inyi orio kiheri njilemudikia waṟundi wako waikimbi njechihamba; Mulawute kindo-ki kiwicho njikisuuye!

HOSEA 6:3

Ko ikyo lumanye, luweengeṟa imanya Mndumii-Ruwa, icha lyake nyi lii lya lohi, cha icha lya mkonu, ambuya nyi echilucheya, cha mataṟataṟa ha mvuo, chandu mvuo ya kisie yekenosa oruka.

HABAKUKI 1:13

Iyo uwode meso mecha ulechiambuya wuwicho, iyo ulechiambuya wupiṟi nkili ukeri iambuya wewuta mtambo na ikutsia sau, ili mndu mbicho awonyia menyi wusumhanyi kota o;

MATAYO 7:13

“Keidenyi alya kichuminyi ki kisise, kifa nyi kuipfo kichumi kikualiye na njia yakyo njilandari, kitsitsionyi kyayo nyi kidekionyi, na weida napfo nyi wafoi.

NGUMBUO YA MAWAWASO 7:13

Nechimukunda na imuinenga ona, nanyo mochiengeṟeka muwe luwa lyifoi; nechiwikia madema hanu mboṟa muwone shilimu, mvinyo na mafuda; nechionyisha na imuinenga mmbe na machondi hafoi ipfo orukenyi kundu aleteṟia waku wanu ke nechiwainenga.

1TIMOTEO 6:11

Indi iyo ili ui mndu o Ruwa, dicha ishi, ke wingya-wo wuhoṟotsu na wuindi na wuidiki na mkundie na mutirisie na wuoloṟu.

2TIMOTEO 2:22

Dicha malang'a halya ha ki-wanake, indi uwingye wuhoṟotsu na wuidiki na makundano na ofoṟo urianyi na wandu walya waiterewa Mndumii wawode ngoo tsiharami.