MFANANO 15:30 - Bibilia Kui Mdedie fo Kimochi

³⁰ Iwaa lya meso lyechihiṟa mrima. Mbonyi tsa sia tsenuṟisha mafuo.

MFANANO 15:30 ပူးပေါင်းရင်းမြစ်များ

EZRA 9:8

Kyaindi wulalu Mndumii-Ruwa odu ameluloṟa mkundie foke so lui waangu, kaweluinenga ikaa na ofoṟo iya handu haihaele. Koikyo Ruwa odu kaluwuta usinga kaweluinenga sia na moo mhya.

SHIIMBO SHA DAWIDI 89:15

Nanga wandu walya waichi ṟu lya sia. Ewo Mndumii, wekechumia kiidi kya sa ya kyamu kyafo.

MFANANO 12:25

Mndu amsokie fowa, mrima foke fochihongoma; Indi idedo licha lechichihiṟa.

MFANANO 13:9

Sa ya mndu o wusumhanyi yechiwaa mnu; Indi taa ya mndu mbicho yechiruma.

MFANANO 15:29

Mndumii nai kuleshe na walai na wusumhanyi; Indi nekeicho shiterewo sha wenyi wusumhanyi.

MFANANO 15:31

Kudu kochiadanyia owingo lo lohi; Kochikaa kiidi kya waṟango.

MFANANO 17:22

Mrima mlalutsu nyi mdi mcha; Indi ngoo ikunyiiṟiye yehadutsa mafuo.

MFANANO 25:25

Cha mṟinga mcha fuichelela ko mndu mangari, Nyi wudo kii ko ndumi njicha icheiye oruka lo kuleshi.

MFANANO 3:8

Isho nyi shi shicha imanya, Nochiwa cha moongo mafuonyi hapfo.

KOHELETI 11:7

Lohi saa nyi injicha, na kindo kichihiṟie riso iambuya mnengeṟi.

YESAYA 58:11

Nao Mndumii nechikusongoya mafiri hose; nechikuinenga kando handu halawode mṟinga, na iinenga mafuo hapfo pfinya, nochiwa cha dema linose, na soka ilekeumia.

OTAMBAHALUO LO YOHANE 21:23

Na mṟi fu fuwuṟye ma mnengeṟi ma meri ifuwayepfo, kyamba wusuṟi wo Ruwa wuifulimikia, na kifulimisha nyi Kidahina kilya.

OTAMBAHALUO LO YOHANE 22:5

Na kio kyechikaaseho-pfo, walawuṟie ilimikyo nyi taa ang'u sa ma nyi mnengeṟi, kyamba nyi Mndumii-Ruwa echiwalimikia, nawo wechiitoṟya-ho maheri hose halanganyi.