MFANANO 14:10 - Bibilia Kui Mdedie fo Kimochi

¹⁰ Mrima fuichi iwawio lya mbihu, Manya mhenu echisonja manya sia yake pfo.

MFANANO 14:10 ပူးပေါင်းရင်းမြစ်များ

MAWOOKIONYI 42:21

Wakawiana, “Lohi so luledekio mano mayadu kyamba lulewona wukiwa wo mrima foke, lilya aletuterewa, manya lulaandanyie; ko ikyo wukiwawu wolukoya.”

2WAMANGI 4:27

Kiheri aleshika alya ko mndu o Ruwa kifumvuhu, kambada madende. Gehazi katikiria nambuteho, kyaindi mndu ulya o Ruwa kambia, “Mleke tupu, kipfa mrima foke fuichuo wukiwa na mawawio hang'anyi na Mndumii nanjiṟika anjiwiapfo.”

YOBU 10:1

Ohendo loko lo moo lochisuiṟa! Njideda njechinunuwa kulawode monjiima. Kilya kitewa mrima foko fukawawa-njechikihamba.

YOBU 21:25

Ungi kapfa amsokie nyi fowa ing'any i mrimenyi, alawode ma kicha kimu alesonja.

YOBU 7:11

“Njechiidima iima dumbu lyako ideda-pfo, njechideda kya matuuro ha mrima foko, njechifihiṟa kya mawawio ha mbihu foko.

YOBU 9:18

Anjileka njidose moo-pfo, ohendo loko lo moo naluichuṟie mawawio.

SHIIMBO SHA DAWIDI 25:14

Kiṟike kya Mndumii kii ko walya wamwowoe, Nao nechiwamanyishia mkundana foke.

MFANANO 15:13

Mrima mlalutsu fochihiṟa oshangu; Indi fowa ya mrima yekefunja ngoo.

MFANANO 18:14

Mrima fo mndu fochikarishya wufafa woke; Indi ngoo injisoke fowa nyiu echiikarishya?

EZEKIELI 3:14

Nalyo Mumuyo fo Ruwa fukanjiira alya fukanjiduo haleshe, ngahenda njii msokie nyi fowa na nyashi, kyaindi pfinya ya Ruwa iwei na inyi.

YOHANE 12:27

“Wulalu mrima foko fotautau, na inyi njihambe njida? ‘Ngesa njihambe,’ Hoi Wande, njiletsa na saa ii ikeri-ho? Kya indi kimaduma ngakoya saa ii nyikyo ikyo.

YOHANE 14:18

“Inyi ma njechimda-ho wangoendapfo, nyi njiicha-se na konu.

YOHANE 14:23

Yesu kahalwo kambia “Mndu kakaa-ho anjikundi nyi idedo lyo lyako echiliringa, nawo Wande chu oko echimkunda naso nyi lochicha ikaa koke.

WAFILIPI 4:7

Na ofoṟo lo Ruwa ilu lung'anye mahio hose nyilo lochiringa ngoo tsanu na makusaṟo hanu mui-walunge na Kristo Yesu.

1PETRO 1:8

Nao nyio mumkundi mulalemembone, mumwidikye mulambonyi, nyi mochikapa ngululu muwodo nyi sia ilechiwa ihambo ii-njilishe idi.

OTAMBAHALUO LO YOHANE 2:17

“Ichu awode-madu naadanye iki Mumuyo aiwia siṟi tsi.” Sa wechiwinga njechiwainenga manna iya ii-njiṟike njiwewainenga na kiho kii kiili pang'a kii kiṟehyo rina lyihya. Ma kulaipfo alimanya chila walya weliambya.

1SAMWELI 1:10

Hana nawewodo nyi fowa ing'anyi mnu nakamu. Na kiheri awe iterewa Mndumii-Ruwa kafihiṟa na isungulula.

1SAMWELI 1:15

Kyaindi Hana kamhaluo, “Chi wudopfo mndumii oko, inyi nyi mndumka njiwode mawukiwa hafoi; inyi ngamenyo mpfinyo manya wari wonanzapfo, shile njiwekeri iwia Mndumii-Ruwa ishi shikeri kunu mrimenyi foko.