MFANANO 11:13 - Bibilia Kui Mdedie fo Kimochi

¹³ Mndu o sheeṟe kahaaya nechihamba kiṟike; Indi mndu o mrima mhendeli nekeṟika shindo.

MFANANO 11:13 ပူးပေါင်းရင်းမြစ်များ

MFANANO 10:19

Handu kuwode madedo hafoi kochiwuṟika wuwicho pfo, Kyaindi ichu mokanga dumbu lyake namṟango.

MFANANO 11:12

Mndu alai mṟango nekepiṟa manomae; Indi mndu aichi kindo neketsia sau.

MFANANO 12:23

Mndu menyi wulaanyi nyi awode wuṟango; Indi mrima fo tondo fokeonguo wutondo.

MFANANO 14:5

Mṟingishi mhendeli echihamba wongo pfo; Indi mṟingishi o wongo, mṟufu foke nyi wongo.

MFANANO 19:11

Wuṟango wo mndu woketiṟisha nyashi yake, Nyi kiṟumi kyake ihooṟia ideko.

MFANANO 20:19

Mndu o mboru katsihamba nededa shiṟike; Ko-ikyo ulakae nao ichu echideda mbonyi tsake mnu.

MFANANO 25:9

Limbana na manomayo nyo muwawi tupu, Indi kulahambe kiṟike kya mndu ungi;

YEREMIA 38:27

Kiidima wasongoru walya wakachea Yeremia wakammbesa mbonyi tso, nao kahaluo chandu mangi alempfunda. Nalyo wakada ideda nao kipfa kulawewode mndu alewaicho sumu tsilya tsawo.

WALEWI 19:16

Kulaideide kochiṟiingia wandu wa mbaṟi yapfo manyale. Kulatwaaṟe mndu o mṟasa opfo kui madedo hapfo. Inyi nyi Ruwa Menyipfinya.

1TIMOTEO 5:13

Hamu na iki wakakuichiwiṟa idokuo na iṟahaṟaha nja tsa wandu. Indi chi wai wadoko tupupfo indi na wemelemele na wadimi-dimi wededadeda shilasumhanyi.

YOSHUA 2:14

Nalyo wandu walya wakahaluo, “Moo yanu nyi moo yadu, kokoya mulechiluhamba, ili mandi Mndumii-Ruwa echiluinenga orukalu nyi lochimuwutia sha mawucha.”

YOSHUA 2:20

Ko ora lungi kokoya iyo ochiwia mndu ose kya mbonyi tsi tsadu, so lochipfungo se kya nyamu ii lolya na iyopfo.”