MFANANO 1:28 - Bibilia Kui Mdedie fo Kimochi

²⁸ Nlyondo wechinjilaha, indi njechiidikya pfo; Wechinjishiha mnu, wechinjiwona pfo

MFANANO 1:28 ပူးပေါင်းရင်းမြစ်များ

MAWOOKIONYI 6:3

Mndumii kahamba; Mumuyo foko fochiwinganase na mndu o wandu manta-pfo; cha kipfa nyi ai nyama; ko ikyo maaka yake yechiwa nyi maaka ihana na makumi hawi (120).

YOBU 27:9

Ngesa, Ruwa nechiicho kifihiṟo kyake. Ili mandi waale womshikia?

YOBU 35:12

Nekefihiṟa, kyaindi kuwode mohaluo pfo kipfa kya orikiki lo wandu wawicho.

SHIIMBO SHA DAWIDI 18:41

Waleeṟeṟa kyaindi kuwode mowakiṟa pfo Walelaha mndumii nalawahaluo.

SHIIMBO SHA DAWIDI 18:42

Njilewapaṟapaṟa wakawa cha kiluli kiwiwito nyi otanu, Ngawakumba nja cha madoko ha njienyi.

SHIIMBO SHA DAWIDI 66:18

Kima njilekusaṟa mawicho ngoonyi yako, Mndumii aweicho-pfo.

MFANANO 15:29

Mndumii nai kuleshe na walai na wusumhanyi; Indi nekeicho shiterewo sha wenyi wusumhanyi.

MFANANO 8:17

Njikundi walya wanjikundi, Na walya wechinjishiha mnu na mrima wechinjiwona

SHIIMBO SHA SOLOMONI 5:6

Njileṟuhuo mongo kyaindi mkunde oko awemahenda. Mrima foko fulekeseka lyando awededa, indi mkunde oko awemhaluka kaida; ngamshiha, njilambone, ngamlaha, nalanjiidikie.

YESAYA 1:15

Nanyo mkahoṟuo mawoko hanu, njechishinga meso hako njilechimuambuya; yee, mukaterewa shiterewo shifoi njechiichopfo; kipfa mawoko hanu haichuo samu.

YEREMIA 11:11

Kyasia Mndumii nahamba adi, “Njechiende mawicho huya wo, walechiidima ihadicha, wechinjililia kyaindi njechiwaichopfo.

YEREMIA 14:12

Manya wakakuotoya njechiicho kiterewo kyawo-pfo, wakawuta mwano na shidaso shemaya madonyi hamu na shilimu njechiambilia-pfo, njechiwarumatsa kui oshu, na njaa na ndaṟe ya makokoi.”

EZEKIELI 8:18

Ko kipfa kya ikyo, nyashi yako yechiwasokia, manya riso lyako lyechiwaliliapfo, manya njechiwasaṟia pfo ma kokoya wechicha ifihiṟia madunyi hako, njechiwaadanyiapfo.”

HOSEA 5:15

Ambuya nyi njiwuya na handu hako na ikuashuo na wo, mṟasa mandi wechiwona ideko lyawo wanjiwuuye, wukiwa wowo nyi wochiwatewa wanjipfule wechihamba;

HOSEA 5:6

Ambuya nyi wechihenda na mapo hawo ha mbe na machondi; wechishiha Mndumii-Ruwa; kyaindi wechiidima imbona pfo, kyamba amekuletsana nawo.

AMOSI 8:12

Nawo wechiṟahaṟaha wuka ipalyipalyi itane ipalyipalyi; na wuka ora lo mtsudu na lo ngamenyi; wechiwika mteeṟa ipfo na ipfo, wechishiha idedo lya Mndumii walechiliwona.

MIKA 3:4

Kuwode kiheri kechicha mfuhiye Mndumii-Ruwa, kyaindi echimhaluo-pfo. Nechiṟika kyamu kyake mandi-ho, kipfa muwutie mawuto mawicho.

ZEKARIA 7:13

Kipfa lilyandi alefihiṟa walakunde iicho nawo wechifihiṟa ma njechiadanyiapfo, nyi wudo Mndumii Menyi Matorito ahamba.

NGUMBUO YA MAWAWASO 1:45

Nlyondi mulewuya, mkafihiṟia Mndumii-Ruwa kyaindi Mndumii-Ruwa nalamuadanyie ma nalamusaṟie.

YAKOBO 4:3

Moterewa mulaambya nyi kipfa moketerewa owicho kundu mushifole-fole mochilisiṟa nasho lango tsanu.

1SAMWELI 8:18

Kiherikyo, nyo mochinunuwa kipfa kya mangi yanu ichu mulekusambuṟa nyo muwenyi. Kyaindi Mndumii-Ruwa echimuadanyi pfo.”