MFANANO 1:27 - Bibilia Kui Mdedie fo Kimochi

²⁷ Wuowu wonu wukamuchea cha otanu lo kiwiriwiri Na mkuinadye fonu fochimuchea cha owira Wukiwa na waale ilyi shechimuchea.

MFANANO 1:27 ပူးပေါင်းရင်းမြစ်များ

YOBU 27:9

Ngesa, Ruwa nechiicho kifihiṟo kyake. Ili mandi waale womshikia?

SHIIMBO SHA DAWIDI 58:9

Ilimandi nungu tsanu tsilamehya modo fo msha, nyechiiwiwita cha otanu sa lwapfinya, iya njiwishi na iyo ii modo.

YESAYA 17:13

Wandu wa mkambo waringona cha ndiṟimo ya mṟinga fufoi; Indi nechiwadedia, nawo wadichie kuleshe mnu. Wechiwingio cha muulu fumvuhu kui otanu, Na cha kiluli kundu kui kiwiriwiri.

YEREMIA 23:19

Ambuya otanu lo Mndumii, nyiyo nyashi yake yacha, nyi otanu lurie masinano hang'anyi, yechiduikia mdohu ya wandu watahachi wose.

NAHUMU 1:3

Mndumii ekeduika nyashipfo, nawode pfinya ing'anyi, manya echihamba mndu mnyamaṟi awode wunyamaṟipfo. Mndumii nawode otende loke kiidi kya otanu lung'anyi, mapuchi nyi kiluli kya madende hake.

WAROMA 2:9

Kiwi na fowa na mawawio shechiwada orio mrima fo mndu ose mowuta sha wuwicho, wokia Myuda shika Mgriki.

1WATESALONYIKYE 5:3

Mandi waihamba, ofoṟo na owanzo, na hondo orumatso lowatumukya pereseng'u cha okoṟa lohoya mka ai mnene, walaidima idicha.