MAWOOKIONYI 9:4 - Bibilia Kui Mdedie fo Kimochi

⁴ Indi nyama tsiwode samu manya mulalye.

MAWOOKIONYI 9:4 ပူးပေါင်းရင်းမြစ်များ

EZEKIELI 33:25

Kyaindi wawie kudi, Mndumii-Ruwa nahamba adi ngesa nyo chi muilya nyama na samu yayo, mukowedasia maruwa hengi na iwaha! Nyi wuda oruka lu lochiidima iwa kyoṟa kyanu?

WALEWI 19:26

“Mulalye nyamayo yose iwode samu. Mulalashe manya iwuta wusawi.

WALEWI 3:17

Idedolyi lechiwa iwawaso lya mlungana, ipfo shisharinyi shanu shose, kiidi kya mba tsanu tsose, ke mochilya mafuda manya samu manyalepfo.

WALEWI 7:26

Kingise, manya mlanyo samu yo yose ma ya kilehe, manya ya indo, ipfo mmbenyi tsanu tsose.

MAWUTO HA WASU 15:20

Kya indi luwaṟehye paruo yehamba, ke wakuletsane na isho sha ngafu shii shidambikye mafanano wawekuletsana na waṟuhui na shindo shi shiotsuo na samu.

MAWUTO HA WASU 15:25

Nkyo kimaduma lomwidikyana na ngoo imu ke lusambuṟe wandu na iwaduma konu handu hamu na wakunde wadu Barnaba na Paulo.

MAWUTO HA WASU 15:29

Mukae mochilehana na shindo shii shidasye mfanano na samu na shindo shii shiotsuo na wuṟuhui. Mukakuima isho le nyi mowuta necha. Kekaeny na kipwo.”

NGUMBUO YA MAWAWASO 12:16

Kyaindi mulanyo samu yasho; pusuyenyi samuyo wanda cha mṟinga.

NGUMBUO YA MAWAWASO 12:23

Indi ṟingishienyi ke mokenyo samupfo; kyamba samu nyi moo; ko ikyo, mlalye moo handu hamu na nyama.

NGUMBUO YA MAWAWASO 14:21

Mulalye kindo kyose kyapfa kikienyi; mochiidima iinenga mhenu ekekaa kiidi kyanu, nakuliie, ang'u mochiidima ikumbia mndu o mkambo fungi, cha kipfa mui waele na Mndumii-Ruwa, nyi Ruwa onu. Mulakoṟe kihuṟuwi ang'u kisuwana na maruwa ha mae.”

NGUMBUO YA MAWAWASO 15:23

Kyaindi kulalye samuyo cha kelio; indi nochipusuya wanda cha mringa.”

1TIMOTEO 4:4

Kipfa orio kii-kiwike nyi Ruwa kii kicha, kulaipfo kyechiwa ileha kokoya kikeri yambyo na imwaana.

1SAMWELI 14:32

Kyasia, wakawingia shilya waleende kuwuka shidenyi, wakaira machondi na mmbe na mahache, wakashinja, wakaliia alya alya nyama na samu.