MAWOOKIONYI 9:2 - Bibilia Kui Mdedie fo Kimochi

² Orio indo lya nja iya orukenyi lyechimwowuo na idedema, na orio malehe ha ruwehu; na shindo shose shiichuṟie kunu wanda, na makunga hose ha ipalyipalyinyi; shishiwike mawokonyi hanu.

MAWOOKIONYI 9:2 ပူးပေါင်းရင်းမြစ်များ

MAWOOKIONYI 1:21

Ruwa kawumba mando hai na moo hang'anyi ha ipfo ipalyipalyinyi na orio kindo kii na moo kyose shilya shawa mokuṟengutsa-ṟengutsa, mṟinga fukaichuṟo nasho, na orio malehe hose; Ruwa kawona shii shicha.

MAWOOKIONYI 1:26

Ruwa kahamba: “Kyendenying'u luwumbe mndu kui ofano lodu; o mfananye fodu; wawechilia makunga ha ipfo mṟingenyi na malehe ha shia ruwehu na shumasho na orukalu lose, na orio kindo kekekukuruo wanda kyose.”

MAWOOKIONYI 1:28

Ruwa kawawikya ona, na iwawia, “Hendenyi mochifee muengeṟeke, muichuṟe masanga na ihaitoṟia; muchilie makunga ha ipfo mṟingenyi, na malehe ha ruwehu, na orio kii kiumbe kii na moo kii kunu orukenyi.”

MAWOOKIONYI 2:19

Mndumii-Ruwa kaende napfo mando hai na moo ha mbaṟi tsifoi ha ngeṟenyi ahawuta ipfo terinyi na orio ilehe lya ruwehu, kaendie mnducho naambuye chandu echihadumbuya marina; orio kiumbe kii na moo, rina mnducho alekidumbuya lyikawa nlyo rina lyakyo.

MAWOOKIONYI 35:5

Kiheri walewooka kyaṟo, wuowu wo Ruwa wukachea mṟi iya iwewaṟingichie, manya walaoshe wana wa Yakobo.

MAWOOKIONYI 9:1

Ruwa kawikia Noe mboṟa handu hamu na wana wake kawawia, “Pfumbukenyi, mufee muichuṟe masanga.

MAWOOKIONYI 9:3

Orio kindo kekechumia kii na moo kechiwa kelya kyanu, chandu njilemuinenga mboka tsa maṟa na wudo ngamuinenga ishi shose.

YOBU 39:11

Ngesa, nochimkusiria kipfa kya pfinya tsayo? Ang'u nochimdea iṟunda lyapfo?

EZEKIELI 34:25

Nyi wudo njechihenda iwikiana nawo mkundano fo ofoṟo. Njiwefuna mando malang'a ha ngeṟenyi orukenyi kundu machondi hako hakukae na ofoṟo mapatenyi hechikulaya ipfo ngeṟenyi.

HOSEA 2:18

Njechiwika mkundana na mando ha ngeṟenyi, na malehe ha nginehu handu hamu na shose sa shekeafuo, shilakufaṟe. Njechirumatsa wuda, oshu na nzohoṟa tsose tsa shida kiidi kya oruka, na ikutana nokae na ofoṟo.

WALEWI 26:22

Njechidika mando ha nja malang'a konu sa hechirakuo wana wanu, ilya shuma shanu, na ianguṟa iitala lyanu tane njomongo tsanu tsawa cha nuka ilawode mṟinga.

WALEWI 26:6

Njechimuinenga ofoṟo orukenyi tane molaa kulawode kindokyo kyose kechimuowesha. Njechiwuta mando ha nja malang'a orukenyi na oruka lonu kochikaapfo shidapfo.

YAKOBO 3:7

Kyamba mbika ya mando ha nja yose na ya sherunduka huye na ya sheafuo wanda wanda na ya shikuṟembye ipalyipalyinyi yahooṟo wanda na ikamaa ihooṟo nyi mbika ya mndu o wandu.