MAWOOKIONYI 8:21 - Bibilia Kui Mdedie fo Kimochi

²¹ Mndumii-Ruwa kaicho opfamo lumchihiṟie, kahamba mrimenyi, “Njechisesa-se oruka numa ya ishi kipfa kya mndu o wandu-pfo kipfa mahio ha mrimenyi fo mndu o wandu, nyi hamawicho wokia wurika woke, manya njechikapa-se numa ya ishi orio kindo kii na moo chando njilewuta-pfo.

MAWOOKIONYI 8:21 ပူးပေါင်းရင်းမြစ်များ

MAWOOKIONYI 3:17

Kawia na Adamu: “Omtana omeidikia kidedo kya mka opfo kolya ndunda tsa ikidi lilya ndekututuma ngakuwia; makulalye-ho; mdemifo fukae fui msese kipfa kyapfo iyo, nokulie shelya kui mawina mandi ui na moo hose,

MAWOOKIONYI 4:12

kodema wandai yechikaa ikumbie-sepfo; nochihenda kochiwuṟi-wuṟi na iṟahaṟaha masangenyi.”

MAWOOKIONYI 5:29

Kamdumbuya rina nyi Noe, kahamba, “Ichu nyio echiluwihiṟia moo kya iṟunda lyadu na wukiwa wo mawoko hadu iya orukenyi luusese nyi Ruwa.”

MAWOOKIONYI 6:13

Mndumii kawia Noe, “Mtsitsionyi fo orio msa awode mbihu fui oshangunyi loko, kipfa waichuṟa wunesi kunu wuyana; njechiwarumatsa handu hamu na wuyanawu.

MAWOOKIONYI 6:17

Ambuya, njiende mfu fo mṟinga kunu orukenyi, njikombetsa orio kindo kiwode mbihu na moo, kilawonose iya shi ya ruwehu; Orio kindo kii na moo iya kechipfa.

MAWOOKIONYI 6:5

Mndumii kawona wunyamaṟi wo wandu nyi wung'anyi mnu wuyanenyi na orio kindo mndu aikusaṟa mrimenyi foke nyi kiwicho mkonu yose.

MAWOOKIONYI 6:7

Mndumii kahamba, “Wandu-wa ndewumba njechiwarumatsa iya orukenyi, mndu o wandu na mando ha nja na hekekukuruo wanda na malehe ha ruwehu; kipfa ngailacha mahiyo kya ili njilehawumba.”

YOBU 14:4

Nyiu echiidima iwuta kindo kicha kiwuke kiidi kya kindo kifanyi? Kuwode echiidima pfo.

SHIIMBO SHA DAWIDI 51:5

Ambuya, njimuumbe, kiidi kya madeko; Wusu wo wama wulenjiduo nyi wo wunyamaṟi.

SHIIMBO SHA DAWIDI 58:3

Walai wa wusumhanyi wakuutie kambenyi wokia ifeo lyawo; wadekie wechihamba wongo, kuwokia wusunyi.

SHIIMBO SHA DAWIDI 58:4

Wuṟoi wowo, wufananyi na wuṟoi wo njoka; wafananyi na molimo lipfu madu.

IWUKA 29:18

Na iyo nokoṟe ichondilyo lyose huya rasio lyisenekie; nyi kidaso kemaya modonyi kipfa kya Mndumii-Ruwa; nyi opfaamo lucha, kidaso kileinengo Mndumii-Ruwa kui njia ya modo.

IWUKA 29:25

Numa noire shindoshi mawokonyi hawo, noshirumatse rasionyi, huya kidaso kilya kemaya modonyi, shiwe opfamo lucha oshangunyi lo Mndumii-Ruwa; nyi kidaso kikiseheṟe ko Mndumii-Ruwa, kui njia ya modo.

MFANANO 20:9

Nyiu echiidima ihamba, “Njisanjie mrima foko; Njii mwele na wunyamaṟi woko?”

KOHELETI 7:20

Kya lohi, kuwode mhendeli kunu wuyana sa ekewuta mecha kiheri kyose alawute wunyamaṟi malepfo.

YESAYA 47:12

Hoṟoka wulalu na wuhanga wopfo, na mfoeṟa fo wusawi wopfo, uwekuwinyishie nawo wokia uwanakenyi wopfo; kofia nochiidima iwona kiira, kofia nochiidima iwinza.

YESAYA 47:15

Nyi wudo mbonyitso tsechiwa itso ulekulisa natso wukiwa; walya walekapa mbucha na iyo wokia uwanake wopfo wo nyi wechiṟaha-ṟaha kuleshe na iyo, orio mndu kechihenda koke, kulechiwada mndu mokukiṟa.”

YESAYA 48:8

Lohi uleichopfo; lohi uweichipfo; yee, wokia kacha kudu kopfo kuleṟuhukapfo; kipfa njiweichi ke iyo nokeṟunda na mtambo ifoi, na iyo kolaho nyi mdeko wokia kuifeo kopfo;

YESAYA 53:6

Luwerahanyikie lose cha machondi, Orio umu nawehalukie ora loke, Na Mndumii nawemdikie o njonyamaṟo tsadu so lose.

YESAYA 65:6

Ambuya idedo li lileṟehiyo oshangunyi loko. Njechitsia pfo, indi njechitaa, ee, inyi njechitaa kya woṟunda wowo ipfo kipetehu kyawo;

YEREMIA 17:9

“Mrima fo mndu fui mlembi kota shindo shose; fochiidima ichiṟo, ma kuwode sa echiidima ifumanya pfo!

YEREMIA 18:12

Kyaindi wo walehamba kuwode kikusirio kyose pfo, kipfa so lochiosha mahio hadu luwenyi, orio mndu nechiwuta kui wukahari wo ngoo yake shilya shii kiidi kya mrima foke mbicho.”

YEREMIA 8:6

Njileadanyia ngaicho, wakadeda sha mkika, kuwewode mndu ma umu aledumbuya kya wunyamaṟi-pfo, ma kahamba nkiki ngawuta. Orio umu nawuya mkaenyi yake amonyi cha frasi ikeri shidenyi.

EZEKIELI 20:41

Ngamemaa iwawuta ipfo njorukenyi muweṟaṟanyikie, kiidi kya mkambo fo wandu, njechimuambia, na iwasanyia sanyia, na rina lyako liele lyechihenda irumisho kiidi kya mkambo yo ya wandu.

WALEWI 1:13

Kyaindi maula hakyo, na madende hakyo, nechisanja na mṟinga; na mkohanyicho nechishiseheṟia shose ishirumatsia rasionyi; nyi kidaso kemaya modonyi; nyi kidaso keseheṟia kui modo kya opfamo luchihiṟie Mndumii-Ruwa.

WALEWI 1:17

Numa napahuo makungoho hakyo, kyaindi nalamanjuo njohawi tsiwi; numa mkohanyi nairumatse modonyi huya rasio, huya ngu tsii huya modo; nyi kidaso kemaya modonyi, kidaso keseheṟia modonyi kya opfamo luchihiṟie Mndumii-Ruwa.”

WALEWI 1:9

Kyaindi maula hayo, na masasio hayo nechishisanja na mṟinga; na mkohanyicho nechishikoṟa shose huye ya rasio, kundu shiwe kidaso kemaya modonyi, kidaso keseheṟia kui modo, kya opfamo luchihiṟie Mndumii-Ruwa.

WALEWI 26:31

Mṟi yanu njechiirumatsa, handu hanu haele njechihahaluo nuka ilawode mṟinga na njopfamo tsanu njicha tsa mwano yanu njechitsiidikia mantapfo.

WALEWI 4:31

Numa naire mafuda hakyo hose, chandu mafuda halya halewuto kiidi kya shidaso shilya sha ofoṟo; numa mkohanyi naharumatsie alya rasionyi, kiwe opfamo luchihiṟie Mndumii; na mkohanyi nawike kisanza kipfa kyake nao nechihooṟio.

WALEWI 8:28

Numa Mose kashiwutase mawokonyi hawo, na ishikombetsia modonyi alya rasionyi ya shidaso shemaya modonyi; shiwei shewatana washimbuo, nyi opfamo lucha, kiwei odambiko losembeṟia Mndumii kui modo.

MAITALA 15:3

mkanjiinenga mwano inyi Mndumii-Ruwa fuwuka mfiṟihenyi yanu ya shuma, kidaso kekoṟa ang'u mwano, kundu mndu naawutsie kyasa kyake aleteṟia, ang'u ilekia mwano fo nnga ang'u mwano fo kiheri kya mfiri mnene yanu injiteṟie, na isungusia opfaamo lucha lunjichihiṟie inyi Mndumii-Ruwa,

MATAYO 15:19

Cha kipfa ipfo kiidi kya mrima nyi kokedo-pfo mahio mawicho na wuwahi na mbonyi tsa iṟuhuya na tsa wulala na wuiwi na madedo ha wongo hewonya mndu owingo na shirumo.

YOHANE 3:6

Mndu nekefeo kimbihu nyi ndeye na mae, kya indi nekefeo kimrima nyi Mumuyo.

WAROMA 1:21

Kitewe nyi kipfa ili waweichi Ruwa, indi walawemwindya cha Ruwa manya imwaana, kya indi wakahenda ihanahana na wuṟango wo wongo, na mdo fowo fukatushia fukawa meema.

WAROMA 3:23

Kyamba wandu wose wawenyamaṟie na iwuṟa wawewuṟye ngeela ya Ruwa.

2 WAKORINTO 2:15

Kipfa so lowiia Ruwa mpfaamo fo Kristo fuchee iwo wehenda ikiṟo na iwo wehenda ideka.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.

1YOHANE 5:19

Luichi ke so lupaṟikye ko Ruwa na wuyana wose wuu-wulaṟe nyi mbicho.

1SAMWELI 26:19

Kyasia, wulalung'u mndumii oko mangi, kyeadanyia madedo ha mṟundi opfo. Kokoya Mndumii-Ruwa nyio aikutetekia nonjiwaahe kyasia, nakeambia kidaso kimnenge nailache makusaṟo hake. Kyaindi kokoya nyi wandu waimṟunga, kyasia Mndumii-Ruwa nawasese wanduwo cha kipfa wamenjiwingia kuwuka kulya kyoṟenyi luleinengo nyi Mndumii-Ruwa wechihamba, ‘Kurenyi muhende iṟundia maruwa hengi.’