MAWOOKIONYI 8:1 - Bibilia Kui Mdedie fo Kimochi

¹ Na Ruwa kakumbuo Noe, na orio kii na moo, na shuma shose shilya shiwei nao kulya safinenyi, Ruwa kawiwita otanu orukenyi mṟinga fukanyia

MAWOOKIONYI 8:1 ပူးပေါင်းရင်းမြစ်များ

MAWOOKIONYI 19:29

Nalyo kikawa Ruwa kekinyamaṟa mṟi iya ya kulya pichinyi, Ruwa kakumbuo Abrahamu, kawutapfo Loti kulya orumatsonyi lilya mandi awerumatsa mṟi iya Loti awekekaa.

MAWOOKIONYI 30:22

Ruwa kakumbuo Raheli; Ruwa kamwandanyia kapfunguo wusu wulya woke.

MAWOOKIONYI 9:10

na orio kiumbe kiwode moo; kii nanyo, shilehe, na shuma, na orio indo lya ngeṟenyi iya orukenyi handu hamu nanyo iwo wose wechiwuka kiidi kya safina, na orio kindo kii na moo iya orukenyi.

NEHEMIA 13:14

Kyekumbuowo hoi Mndumii-Ruwa oko, shindo shi shose njileshiwuta kipfa kya mba yapfo na wuindi woyo.

NEHEMIA 13:22

Nalyo ngawia Walewi wakuilishe wo wawenyi, wahende iringa mongo iya kundu mkonu fo Sabato fuidime itano mwele. “Kyekumbuo wo hoi Mndumii-Ruwa oko kipfa kya iki, uwenjisaṟia kipfa kya ikunda lyapfo ling'anyi.”

NEHEMIA 13:29

Ee wo Mndumii-Ruwa kekumbuowo chandu wandu wa walefanyitsa ukohanyi na mma iya ya kikohanyi uwelie nawo hamu na Walewi.

NEHEMIA 13:31

Ngawesungusia se kya ngu tsekoṟa shidaso shemaya modonyi tsiidime iendo kiheri tsinjikunde, na wandu wawende shidaso shawo sha kuwoka sha mso na ndunda tsa kuwoka. Kyekumbuowo iki hoi Mndumii unjisaṟie.

YOBU 12:15

Kashinga mvuo, oruka lukauma, kalekia mvuo oruka lukawona mboṟa.

YOBU 14:13

“Kima ulenjiowisha ko waṟumu, njiwechikaapfo mṟasa nyashi yapfo ihuo; na kiheri kilya uteseheṟie kikamesia nuwechinjikumbuo.

SHIIMBO SHA DAWIDI 105:42

Kipfa nalekumbuo kyasa kyake kiele; na Abrahamu, mṟundi oke.

SHIIMBO SHA DAWIDI 106:4

Hoi Mndumii, kenjikumbuowo inyi, kui momu ufuwode ko wandu wapfo. Unjicheye ko okiṟo lopfo.

SHIIMBO SHA DAWIDI 115:12

Mndumii nalelukumbuo, nao nechiluwikia so ona, nechiwikia ona mongo fo Israeli, nechiwikia ona mongo fo Aroni.

SHIIMBO SHA DAWIDI 132:1

Mndumii, kekumbuo wo Dawidi wukiwa woke wose alewulya.

SHIIMBO SHA DAWIDI 136:23

Alelukumbuo kiidi kya wufafa wodu, kyamba isaṟia lyake nyi lya mlungana.

SHIIMBO SHA DAWIDI 137:7

Hoi Mndumii, kekumbuo wo wana wa Edomu, mfiri fo iwado lya Yerusalemu. Walehamba, Wunduonyi! Wunduonyi mshike otendenyi!

SHIIMBO SHA DAWIDI 29:10

Mndumii nyi aledamya huya mfu fung'anyi Ee, Mndumii nyi adamye cha mangi mlungana.

SHIIMBO SHA DAWIDI 36:6

Wukiilohi wopfo cha mafumvu ha Ruwa, mwanduye fopfo cha oṟoonyi lo nduwa lung'anyi. Hoi Mndumii, nokekiṟa wandu na mando hai na moo.

IWUKA 14:21

Mose kahoṟuo owoko loke huya ipalyipalyi; Mndumii-Ruwa katana ipalyipalyi lyiwuye na numa kui otanu sa luapfinya luwuka ora lo ngamenyi, kio taṟaṟaa, katana handu hahadutsu kulya ipalyipalyinyi, mṟinga fukahawukana.

IWUKA 15:10

Kuledihina kui otanu lopfo, ipalyipalyi lyikawapfinyikia. Wakasoṟowia cha mboro kiidi kya mṟinga fufoi.

IWUKA 2:24

Ruwa kaicho isumukia lyawo, Ruwa kakumbuo mkundano foke alefuwika na Abrahamu na Isaki na Yakobo.

MFANANO 25:23

Otanu lo nuka lokeende mvuo; Kimu na mohaaya nekeende kyamu kya nyashi.

YESAYA 44:27

inyi njekewia ipalyipalyi, mṟinga fusoṟowie na inyi njiumiṟe meda yapfo;

YEREMIA 50:38

Kuwae mṟasa mṟinga fuumie fulechiwono! Kipfa Babeli nyi oruka lo sanamu tsa maruwa, wandu nyi wekesuko kya sanamu tsawo tsepacha wakatsihaluo ruwa.

AMOSI 8:7

Mndumii nyalya nyamu kui kiṟumi kya Yakobo, Nyi kya lohi njechihadima iṟunda lyawo ma limupfo.

YONA 4:11

Ngesa kiwenjiwaṟi isaṟia Niniwe mṟi fu fu ng'anyi fuwode wandu washike ngoseṟa ya shiku ihana na makumi hawi (120,000), walechiidima itambahaluo kiidi kya owoko lowo lo kulyo ang'u owoko lowo lo kumoso, ngoseṟa kuwode shuuma shifoi mnu?”

NAHUMU 1:4

Nekededya ipalyipalyi likahaduka, na ihadutsa meda yose; Bashanyi ikaloloma, na Karimeli; kiwaṟo kya Lebanonyi kikanaa.

HABAKUKI 3:2

“Hoi Mndumii, ndeicho mbonyi tsapfo, na inyi ngaowuo; Hoi Mndumii, ṟutsa iṟunda lyapfo kiidi kya maka; Kiidi kya maka, onguo mbonyi tsake Kiidi kya nyashi kumbuo isaṟia.

ZEKARIA 10:11

Nechiida kiidi kya ipalyipalyi lya wukiwa, nakape masinamu ha ipalyipalyi, maṟumbuchu ha meda fo Nili heuma; orikiki la Ashuru lochisotso; na ndichi ya wumangi wo Misri yechideka.

MAITALA 10:9

“Kiheri kya shida orukenyi lonu yekapana na wakituwa waimuṟinjawia, mochiloṟa kichano kya shida mochikapa taṟumbetatsi kundu Mndumii-Ruwa, Ruwa onu namukumbuo na imwashuo na wakituwa wanu.

MAITALA 22:32

Malaika o Mndumii-Ruwa kawia Balaamu, “Nki ili okapa nzoi ii yapfo makamba ha haṟaṟu? Ngacha ikutirimisha kipfa kya njia yapfo injiwicho.

OTAMBAHALUO LO YOHANE 16:19

Na mṟi fulya fung'anyi fukang'nalawuka fukapaṟakana fukawa shifunyo shiṟaṟu, na mṟi iya ya mkambo ya wandu ikawunduka. Na mṟi fulya fung'anyi fo Babilon Ruwa nalafuhadima. Kafurutsa kirahu kya mnyoe fo mwinyo fuichuo wutuke wo nyashi ya Ruwa.

OTAMBAHALUO LO YOHANE 18:5

Kipfa manyamaṟo hafo hafoi mnu, hekeṟindikana tane ruwehu, na Ruwa amekumbuo mawuto hafo mawicho.

1SAMWELI 1:19

Ilyi Iya ngama ngamenyi, Elikana na wa mba yake walekure ngamenyi otuko, wamemaa iindia Mndumii-Ruwa, walewuya na kanyi Rama. Elikana kamanya mka oke Hana na Mndumii-Ruwa kamkumbuo.