MAWOOKIONYI 7:14 - Bibilia Kui Mdedie fo Kimochi

¹⁴ wo na orio indo lya nja kwi mbaṟi yaho, na orio indo lya mba kui mbaṟi yaho, na orio indo lyekukuruo wanda hekekukuruo iya orukenyi kui mbaṟi yakyo, na shilya shekerunduka kui mbaṟi yasho, na orio mbaṟi yose ya malehe.

MAWOOKIONYI 7:14 ပူးပေါင်းရင်းမြစ်များ

MAWOOKIONYI 1:21

Ruwa kawumba mando hai na moo hang'anyi ha ipfo ipalyipalyinyi na orio kindo kii na moo kyose shilya shawa mokuṟengutsa-ṟengutsa, mṟinga fukaichuṟo nasho, na orio malehe hose; Ruwa kawona shii shicha.

MAWOOKIONYI 1:24

Ruwa kahamba: “Oruka lualutse shindo shii na moo kui mbaṟi yasho, shuma na shindo shekukuruo wanda, na mando ha ngeṟenyi kui mbaṟi yaho.” Nakyo kikakuwia kido.

MAWOOKIONYI 6:19

Na orio kindo kiwode mbihu kii na moo kyose, wawi wawi wa orio mbaṟi nochiwaitsa na ipfo safinenyi, nowaiṟiche handu hamu na iyo; orio lya kisoṟo na lya kika.

MAWOOKIONYI 7:13

Mkonu fulya Noe kaida na kulya safinenyi, o na wana wake Shemu, Hamu na Yafeti na mka o Noe, na walyi wa wana waṟaṟu handu hamu nao;

MAWOOKIONYI 7:15

Shileida na kulya safinenyi kundu Noe ai, shiwi shiwi sha orio kiwode mbihu kii na mumuyo fo moo ipfo kiidi.