MAWOOKIONYI 48:5 - Bibilia Kui Mdedie fo Kimochi

⁵ Kyasiang'u wulalu wana wapfo wawi kulewafee kulya orukenyi lo Misri kiheri njilawemeche kopfo kulya Misri nyi wana wako, nyiwo Efraimu na Manase wechiwa wako, cha Reubeni na Simeoni.

MAWOOKIONYI 48:5 ပူးပေါင်းရင်းမြစ်များ

MAWOOKIONYI 46:20

Walefeo ko Yosefu orukenyi lo Misri, Manase na Efraimu, sa Asinati alewafee, Asinati mana o Potifera, mkohanyi o Oni.

MAWOOKIONYI 48:1

Kikawa, mbonyitso tsameida, Yosefu kawio, “Ambuya ndeo namrohie;” kaira wana wake wawi, Manase na Efraimu, handu hamu nao.

MAWOOKIONYI 48:6

Na wana wapfo ochifee numa ya iwa wechiwa nyi wapfo; kui rina lya wana wa mae wechisendo ipfo kyoṟenyi kyawo.

SHIIMBO SHA DAWIDI 77:16

Hoi Ruwa, mṟinga fulya fulekuwona, mṟinga fulya fulekuwona, fukaowuo. Mṟinga fo kundu kuṟungukie mnu fukadedema,

YESAYA 43:1

Na wulalu, Mndumii-Ruwa alemuumba nyo wana wa Yakobo, kamuheluo muwe wandu welaho Waisraeli nahamba adi, “Manya kulaowuo; ngakulaha na imulaha kui rina lyako nyo nyi wandu wako.

EZEKIELI 16:8

“Kiheri njileidase ngakoya kiheri kyapfo kekoso kishikie. Ngawekushikia na nguo yako, nalyo ngawika kyasa na iyo kealikana. Nahong'u iyo kowa oko. Nyi wudo Inyi Mndumii-Ruwa ngahamba.

EZEKIELI 47:13

Mndumii-Ruwa kahamba, “Ii nyiyo mṟasa ya oruka chandu mochihawia njoshari tso ikumi na tsiwi tsa wana wa Israeli. Kyaindi oshari lo Yosefu nyi mochiluhawia kawi.

WALEWI 20:26

Kyamba Inyi Mndumii-Ruwa, Ruwa njii mwele, na Inyi njilemusahuo nyo kiidi kya mkambo ingi kundu muwe saa lyako, mochiwa waele.

MALAKI 3:17

“Wo wechiwa wako,” Mndumii menyi Matoṟito ahamba, Kiidi kya mkonu njifutana, wechiwa kisa kyako, “Inyi njechimulekia, cha mfee molekia mana oke ekemṟundia.

MAITALA 1:10

Kishari kya Efraimu: Elishama mana o Amihudi; Kishari kya Manase: Gamalieli mana o Pedasuri;

2 WAKORINTO 6:18

E-wo njechimbiia Wande nanyo mochinjiwiia wana wako wa nguo ii na ii. Lyo nyilyo Mndumii ahambe ai menyi-pfinya tsose.

WAEFESO 1:5

Nyi ikunda ili aleluteseheṟya wuwana wo koke amonyi kui Yesu Kristo chando kiwechihianyi na mhie foke.

WAEBRANIA 11:21

Nyi wuidiki wukaenenga Yakobo ilindi aweihenda ipfa alewikya orio ose o wana wa Yosefu ona keindya akulemye mdo-hu fo ndichi yake.

YOSHUA 13:7

Ambuya nyi ochihawia njoshari tsilya kenda na kenga kya oshari lo Manase walya walawemehawio kindo.”

YOSHUA 14:4

Wana wa Yosefu nyi wawei shishari shiwi; Manase na Efraimu. Kishari kya Lewi kileinengo kyoṟa kyose pfo sile nyi waleinengo mṟi yekaa tupu na handu helisa shuma shawo ko kelya kyawo.