MAWOOKIONYI 47:24 - Bibilia Kui Mdedie fo Kimochi

²⁴ Kyechiwa kiheri kesambuo shilimu mochiinenga Farao kienga kya katanu, na sheenga shiina shechiwa shanu nyo muwenyi shiwe mbeu ya orukenyi na kelya kyanu, na kelya kya iwo wai kanyi konu, na kelya kya wana wanu.”

MAWOOKIONYI 47:24 ပူးပေါင်းရင်းမြစ်များ

MAWOOKIONYI 41:34

Farao nawute adi, nawikese wehoṟokia orukalu, wakeira kienga kya katanu kiidi kya Misri, ko maaka ii mfungade ya mboṟa.

SHIIMBO SHA DAWIDI 112:5

Nanga msa ekesaṟia na iakuya; ekeachikia shindo shake kui sungusihu.

SHIIMBO SHA DAWIDI 41:1

Nanga ulya mokumbuo mfafa; Mndumii nyiechimwashuo kiheri kya kiwi.

WALEWI 27:32

Kya shuma, shikameitalo, orio kya ikumi kii kiele ko Mndumii-Ruwa.

MAWOOKIONYI 47:25

Wakahamba, “Nolukiṟa moo, lukekuwonyia iidikio mesonyi ha mndumii odu, naso lochiwa masinga ha Farao.”

MAWOOKIONYI 47:23

Yosefu kawia wandu, “Ambuyenyi, ngamemuhuṟa inu, nyo na oruka lonu, muwe masaa ha Farao; kyasiang'u mbeu tsanu aitsi, wayenying'u terinyi.

MAWOOKIONYI 14:20

Kuadapfumo Ruwa chu ai huye mnu, alewika wakituwa wapfo mawokonyi hapfo. Abramu kamnenga kienga kya ikumi kya shindo shose.

MAWOOKIONYI 14:21

Mangi ya Sodoma kawia Abramu, “Nenga inyi wandu-wo, na masaa ho nokudaaye iyo.”

MAWOOKIONYI 28:22

Na iholyi ngalihoṟotsa cha ngo lyechiwa mba ya Ruwa; na ko orio kindo ochinjiinenga nkya lohi njechikuutia-ho iyo kienga kya ikumi.

WALEWI 27:30

“Shiano sha shilimu kokoya nyi mbaṟi ya mso, ang'u ndunda tsa mashidinyi shose nyi masaa ha Mndumii-Ruwa; nyi shishiele ko Mndumii-Ruwa.

MAITALA 18:21

“Kya Walewi, wo njiwainengie mwano yose Waisraeli wekenjiendie shiwe kioṟa kyawo. Mwanoyo yechiwa wueri wowo kya mṟumo wekeṟunda ipfo ihemenyi lyako.

NGUMBUO YA MAWAWASO 14:22

“Wikenyi mwano ya shilimu shanu shose sha mademenyi orio maka.

NGUMBUO YA MAWAWASO 26:12

“Orio maka iṟaṟu ikamesia, orio umu onu nechilekia mwano kienga kya ikumi kya shilimu shake shose kipfa kya Walewi na wahenu, wangoeda na wakusu, kundu wawone kelya kyose wahuṟi kiheri wai mṟinyi yanu.