MAWOOKIONYI 47:12 - Bibilia Kui Mdedie fo Kimochi

¹² Nao Yosefu kawainenga shelya o ndee na wana wa mae na wa mba yose wa ndee, chando iitala lya wanawo wawo lyiwei.

MAWOOKIONYI 47:12 ပူးပေါင်းရင်းမြစ်များ

MAWOOKIONYI 45:10

Na iyo nochikaa orukenyi lo Gosheni, nochikaa kufui na inyi, iyo, na wana wapfo, na wana wa wana wapfo, na shuma shapfo, mmbe tsapfo, na shose uwode.

MAWOOKIONYI 45:11

Mkomcha na kunu Gosheni, njechiidima imuambuya necha. Kyamba kutsuhee ho maka ingi itanu ya njaa, na inyi njikundi iyo na mba yapfo na shuma shapfo shipfe na njaa pfo.’”

MAWOOKIONYI 45:7

Ruwa nalenjisongoṟa imteseheṟia mtsuhaṟo kunu orukenyi, na imukiṟa nyo kui okiṟo lung'anyi mnu.

MAWOOKIONYI 47:1

Nalyo Yosefu kacha kawia Farao, kahamba, “Wande oko na wana wa wama wako, na machondi hawo, na mmbe tsawo na shose wawode, wacha wawuka Kanaani, nawo wakakaa orukenyi lo Gosheni.”

MAWOOKIONYI 47:21

Yosefu kahaluo wandu wose wa Misri wakawa masinga ha Farao, kasamiṟa wanduwo kawawika mṟinyi wokia ora lumu lo Misri tane ora lungi.

MAWOOKIONYI 47:24

Kyechiwa kiheri kesambuo shilimu mochiinenga Farao kienga kya katanu, na sheenga shiina shechiwa shanu nyo muwenyi shiwe mbeu ya orukenyi na kelya kyanu, na kelya kya iwo wai kanyi konu, na kelya kya wana wanu.”

MAWOOKIONYI 50:21

Nahong'u wulalu mulaowuo; inyi njechimuihutsa, na wana wanu.” Kawawihiṟia moo, na ideda nawo necha.

IWUKA 20:12

“India ndeo na mayo; mkonu yapfo iengeṟeke kiidi kya oruka ochiinengo nyi Mndumii-Ruwa, Ruwa opfo.

YESAYA 22:24

“Nawo wechiala huyake wuitoṟi wose wo mba ya ndeye oke; wa oshari loke na wana wawo, orio kihia kitutu, wokai kihia kya nguṟuche mṟasa kihia kya matanaki shose piu.

1WATESALONYIKYE 2:7

Luwerie pfinya yekaa-ho na mkoromu cha wasu wa kristo indi lulemba wahoneri ipfo kiidi kyanu cha ili mka mwongo aikunjia shikoku shake ndenyi.

1TIMOTEO 4:8

Kya ikutsana lya mbaṟi ya kii-nyama mbucha iwukie-ho nyi sa ntutu. Indi wuindi wulya woengeṟia shose mwengeṟya fo wucha ili fumbikie kyasa kicha kya moo fo wulalu na kya fulya fungi fochicha.

1TIMOTEO 5:4

Indi kokoya mka mkusu awode wana ang'u wachuku, wo wakupfunde kuwoka iwika wuindi wo ipfo kanyi kowo kwenyi wechitaa sile tsilya walie ko wafee wawo. Kipfa iki kichihianyi na Ruwa.

1TIMOTEO 5:8

Indi kokoya mndu alalisiṟie mbaṟi yake, mnu wa kanyi koke, nyio alekaana wuidiki awichuo kota mndu alaidikye.

RUTI 4:15

Nao nyi echikuwihiṟia moo, na ikuambuya kiheri kya wuku wopfo; kyamba malyi chu opfo nakukundi, nao nakushikie kota wana mfungade ulewafee.”