MAWOOKIONYI 41:8 - Bibilia Kui Mdedie fo Kimochi

⁸ Tane ngamenyi ngoo yake ikaeṟewe; kaduma wandu walahe wahanga wose wa Misri, na wandu wose wawode osaṟe wakeripfo. Farao kawaongoya ndodo yake, ma kulawoneke sa aleidima itambahaluya Farao mbonyitso.

MAWOOKIONYI 41:8 ပူးပေါင်းရင်းမြစ်များ

MAWOOKIONYI 40:6

Yosefu kawachea ngamenyi, kawawona wai wasokie nyi fowa.

MAWOOKIONYI 40:8

Wakambia, “Lulelodia ndodo manya luwode msa aidima ilutambahaluyapfo.” Yosefu kawawia, “Itambahaluo chi iṟunda lya Ruwa? Hoinyi kenjiwienyi ndodo tso tsanu.”

MAWOOKIONYI 41:15

Farao kawia Yosefu, “Njilelodia ndodo, ma kuipfo aidima injitambahaluyapfo; na inyi ngaicho mbonyi tsapfo, ke komeicho ndodo, nokeidima iitambahaluo.”

MAWOOKIONYI 41:24

Mahaa halya hai mafila hakameṟa mahaa halya mfungade mecha. Na inyi ngawia wahangawo ma kuwode msa aleidima injiloṟa kitewe kyayopfo.”

MAWOOKIONYI 41:7

Naho mahaa halya masise mfungade hakameṟa mahaa halya mfungade hang'anyi haṟee. Nahong'u Farao kakure ate nyi ndodo tupu.

SHIIMBO SHA DAWIDI 25:14

Kiṟike kya Mndumii kii ko walya wamwowoe, Nao nechiwamanyishia mkundana foke.

IWUKA 7:11

Nalyo Farao nao kalaha waṟango wake na wasawi; nawo weambia wana wa Misri wakawewuta wado kui wuhangawo wowo.

IWUKA 7:22

Kyaindi wahanga wa Misri wakawewuta mfanano fo isho kui wuhanga wowo na mrima fo Farao fukawa muumu, manya nalawaadanyie, chandu Mndumii-Ruwa alewehamba.

IWUKA 8:7

Walasha nawo wakawewika wado kui wuhanga wowo; wakaende ngele orukenyi lo Misri.

IWUKA 9:11

Nawo walasha walya walaidime ihoṟoka oshangunyi lo Mose kipfa kya maude halya, cha kipfa na walashawo walewewado nyi maude, na Wamisri wose wawewodo.

YESAYA 19:3

Na mumuyo fo Misri fochidekadeka kiidi kyake, na Inyi njechifurunja chila tsake, nawo wechiosha sanamu tsawo, na wahanga, na walasha na wasawi na weruwia wuṟoi.

YESAYA 29:14

Kui kipfa ikyo, Inyi njechiwuta ṟiho kiidi kya wanduwa, maṟunda hang'anyi na shichano; na wuṟango wo waṟango wochideka.”

YESAYA 8:19

Na ilyi mandi wechikuwia shiha mbonyi ko wandu wawode waṟufu wa ngafu na wasawi; wekefihiṟa cha shilehe na iweweda; alewo, kiwaṟi wandu washihe mbonyi ko Ruwa owo? Ale! Wahende ko wandu wapfiie kipfa kya wandu wai na moo?

DANIELI 1:20

Orio kindo kya wulaanyi na wuṟango mangi alekiwesa wakawoneka ke wo nyi waichi ngoseṟa ka ikumi kota wahanga na walaanyi wa mangi.

DANIELI 4:18

“Inyi Nebukadneza njilelodia ndodo ii na iyo Belteshaza njiwia mdambuye foyo, kipfa wose wenyi wuṟango wai kiidi kya oruka loko wechiidima injiwia lyahambaki pfo indi iyo nochiidima, kipfa mumuyo fo Ruwa mwele fui kiidi kyapfo.”

DANIELI 4:19

Naalyo Danieli, amlahe rina lyake Belteshaza, kaṟihiyo handu ha oweṟe makusaṟo hake halakae sumuhana. Mangi kawia Belteshaza, “Ambuya ndodo i ilakuṟihishe ma mdambuye foyo.” Kyasia Belteshaza kambia ndodo i ikoye iwo wose wakusuo na mdambuye foyo fukoye wakituwa wapfo.

DANIELI 4:5

Ngalodia ndodo ilenjiowesha mahio na makusaṟo hako mbei naho hakanjitewa ngaeṟewe mnu.

DANIELI 4:6

Ngawuta iwawaso ke walaho wandu wose wa Babeli wenyi wuṟango kundu wanjidambuye ndodo iya.

DANIELI 4:7

Nlyong'u walecha wahanga, walashi na wasawi wa Ukalidayo wose na waeṟie wuṟango; ngawaongoya ndodo iya walaidime injidambuya.

DANIELI 5:11

Kuwode mndu kiidi kya wumangi wopfo amiichuṟe mumuyo fo maruwa hose hai maele fui kiidi kyake; mandi halya ndeo awode wumangi; ngeela na wulaanyi na wuṟango shilewoneka koke; na Mangi Nebukadneza ndeo kamng'anyisha kambikaho mnene o wahanga, na walaanyi na Wakalidayo na Shisuku.

DANIELI 7:28

“Ifu nyi mtsitsionyi fo mbonyi iya. Na inyi Danieli mhio foko fukaeṟewe na oshangu loko lukailachika; indi ngawika kindo ki mrimenyi foko.”

DANIELI 8:27

Na inyi Danieli ngauma, ngaluo mfiri maata; kiidima ngakure, ngaṟunda maṟunda hako ha mangi; ngaṟihisho nyi mawonesio halya kyaindi kuwode msa alemanya pfo.

WALEWI 19:31

“Mulahendie walashi wa waṟumu manya wasawi kundu muwaterewe wamulashie na kudo mkakuteṟefutsa. Inyi nyio Ruwa Menyipfinya, Ruwa onu kundu nomwindie; na iyo noadapfume Ruwa opfo. Inyi nyio Ruwa Menyipfinya.

WALEWI 20:6

“Kokoya mndu oose ekehenda ko walasha wa waṟumu na wasawi kaṟuhuya nawo kada alanjiindia Inyi njechikoyana nao meso ko meso na imletsana na wandu wake.

HABAKUKI 3:16

Ngaicho na ndeu yako ikadedema, Momu yako ikadedema kya ṟu lilya; Ndaṟe ikaida mafuonyi, Ngadedema mtara; Kundu njiwedie mkonu fulya fo kiwi, Ili siṟi ya wandu wa mbahanyi wechicha Ikapana.

MATAYO 2:1

Yesu kekifeo kulya Betlehemu, fuwei mṟi fo Yudaya, mandi ha mangi Herode, wadi a-walya wandu walaanyi wacha na kulya Yerusalemu, wawuka kya kulya ora la ngamenyi, wakahamba,

MAWUTO HA WASU 17:18

Nahong'u wandu wa wulanyi wo Epikuro maata-ho na wa wulanyi wo Stoa wakasumbuhanana nao. Kuwepfo wehamba, “A mndu chu o Makideda nkyo iki akundi hamba?” Wengi wakahamba, “Nyi ai cha nyi moongwo mbonyi tsa waṟufu wahenu.” Nyi kipfa aweionguo ndumi ya sia ya Yesu na ya maṟukyonyi.

MAWUTO HA WASU 7:22

Mose kalosho wuṟango wo Misiri wose kawa mbahanyi o madedo na mawuto.”

1 WAKORINTO 1:19

Kyamba kii-kiṟehye kii-le; Njechirumatsa wuṟango wo iwo wai waṟango na ikombetsa wulaanyi wo iwo welaya shindo.

1SAMWELI 6:2

Wafilisti walelaha wakohanyi wawo na walasha wawo wakawawesa, “Luwike luda na isandukulyi lya Mndumii-Ruwa? Luwienyi chandu lochiidima iliwihiṟa na handu halyo.”