MAWOOKIONYI 41:42 - Bibilia Kui Mdedie fo Kimochi

⁴² Farao kawuta pete yake ya mhuri o wokonyi loke, kaiwika owokonyi lo Yosefu; kamṟika maṟao ha nguo mecha, na immbikia mshe fo sahapu nzingonyi yake.

MAWOOKIONYI 41:42 ပူးပေါင်းရင်းမြစ်များ

MAWOOKIONYI 38:18

Njikuinenge kiki ochikaa kowada? Kamhaluo, “Pete yapfo iwode mhuri, na mshe foyo, na ndichi yapfo ii owokonyi lopfo.” Nahong'u kashimnengia, kaida nakoke, nao kakapika.

MAWOOKIONYI 41:43

Kamdosia ikarinyi lyake lya kawi awei nalyo. Na wandu wakawika kitohio mbele yake, “Pfirenyi ndi.” Ko ikyo kammbika huya oruka lose lo Misri.

ESTA 10:3

Mordekai, Myuda nawei o kuwoka wanda ya Ahasuero mangi kiidi kya wuchili woke. Nawemkunde nyi Wayuda, kipfa nalewawutia mecha na iwalangia ofoṟo oshari lowo lose.

ESTA 3:10

Mangi kawuta rachi iwekekapo handu cha mhuri kainengia Hamani mana o Hamedata, Mwagagi, mkituwa o Wayuda.

ESTA 3:12

Kyasia, mkonu fo ikumi na kaṟaṟu fo meri fo kuwoka Hamani kalaha waṟehi wose wa mangi, kawainenga mbonyi iwaṟi isungusio kui mdedie fo orio umu na kui mṟeho kiidi kya wumangi wo nduma kudiko ndumi tso tsiṟehie kose ko wachili wa isanga na isanga shose, na ko wanene wa shishari shose, tsiwode shishomo shose shekededo. Mbonyi tsi tsinjiwute kui rina lya Mangi Ahasuero na ikapo ofano loke lui nyi rachi yake.

ESTA 8:10

Kaṟehia kui rina lya mangi Ahasuero, na itsikapa ofano kui rachi ya mangi. Walya waletsiduo nyi waringi, waledoya frasi tsiwode pfinya na njiangu iwikia mteeṟa.

ESTA 8:15

Mordekai kekiwuka mbenyi ya mangi naweṟee maṟao ha ki wumangi ha fana ya opuko na njiili, naweṟee oṟo ing'anyi ya sahapu, na ikonya lya kitanyi njicha ya fana ya sambarao. Mṟi fose fo Susa wakairia maṟu hawo wechichihiyo wakakapa mṟoṟo ya sia.

ESTA 8:2

Mangi kawuta rachi yake ya ofano, iya awesokie Hamani kainengia Mordekai. Esta kainenga Mordekai naitoṟie masaa hose ha Hamani.

ESTA 8:8

Wulalu mochiidima iṟehia Wayuda kyose mukundi. Kake, mochiidima iṟehia na kui rina lyako na ikapa ofano lo mangi kipfa kulawode mndu moilacha mṟeho fui kui rina lya mangi na ofano loke.”

SHIIMBO SHA DAWIDI 73:6

Orikiki lui shilukuta nzingonyi kowo, ikudosa likawa cha nguwo.

MFANANO 1:9

Kipfa isho shechiwa kitambaa kya osaṟio mdohu kopfo, Na rachi nzingonyi kopfo.

MFANANO 31:22

Nekeoka nguwo tseala wanda tsa kisa; Mṟae yake nyi kitanyi na tsa king'ari-ng'ari.

MFANANO 31:24

Nekesaya nguwo tsa kitanyi katsikumba; Nekeinenga wekapa mbucha ngowa tsepfunga kitsinyi

SHIIMBO SHA SOLOMONI 1:10

Nguchu tsapfo tsi njicha cha oṟo Nzingo yapfo ko mshe fo wuhuru.

SHIIMBO SHA SOLOMONI 4:9

Nonjiṟihisha mrima mshiki oko, mpora, nonjiṟihisha mrima, kui mkumbie fopfo fo riso lyapfo, na mshe fumu fo nzingonyi yapfo.

YESAYA 3:23

na shilola shitutu, na nguo tsa katanyi na kitambaa kya mdonyi keṟao nyi wasoṟo hamu na oṟo.

YEREMIA 52:33

Naho Yehoyakini naleilacha maṟao hake ha wupfungo kawa mokuliia kando kiheri kyose mesenyi ko mangi.

EZEKIELI 27:7

Kitambaa kiikichope wuka Misri nyi kyo kilechopa tanga lya ngalawayo ing'anyi, kikawewa nyi yo pendeṟa yapfo. Chandaluo yapfo iwenjisungusie, ko fana tsa buluu na king'ari ng'ari tsiwukie kisiwa kya Elisha.

DANIELI 5:16

Indi ngaicho ke iyo nyi okedambuo na imanya mbonyi tsa kiṟika; wulalu kokoya ochiidima isoma maṟeho ho na injidambuya kiṟike kyo nyi ochiṟiko nguo tsa king'aring'ari, na mshe fo sahabu nzingonyi kopfo nowe mndu o kaṟaṟu o kiidi kya wumangi woko.”

DANIELI 5:29

Nalyo Belshaza kawuta uwawaso, wakaṟika Danieli nguo tsa king'aring'ari, wakawemṟika mshe fo sahabu nzingonyi, wakakapa ombe na ionguo mbonyi tsake, ke o nyi mndu o kaṟaṟu kiidi kya wumangi.

DANIELI 5:7

Mangi kafuha na ṟu ling'anyi, kaduma walaho wahanga na wasawi na Wakalidayo na walya welasha. Mangi kadeda na wenyi wuṟango wa Babeli, kahamba, mndu echiidima injisomia mṟehoyo na injidambuya necha nechiṟiko maṟao ha king'aring'ari na mshe fo sahabu nzingonyi nao nyi echiwa o kaṟaṟu kiidi kya wumangi woko.

LUKA 15:22

Kyaindi ndeye kawia masinga hake, ‘Kambienyi owinyi muhende yende nguwo ya wuitoṟi iya ichihiye tsingi mumṟike, muwembika na rachi ipfo kimnyonyi kyake na shaadu ipfo madende.

1SAMWELI 18:4

Nalekuatuo ṟao lyake aweṟee kainengia Dawidi handu hamu na shisha shake, na oshu, uda na kiṟota kyake.