MAWOOKIONYI 40:15 - Bibilia Kui Mdedie fo Kimochi

¹⁵ Kipfa kya lohi njileiwo kuwuka orukenyi lo Waebri; manya iya daa njiwutie kindo kyose kiwicho tane wanjiwika kipfungonyipfo.”

MAWOOKIONYI 40:15 ပူးပေါင်းရင်းမြစ်များ

MAWOOKIONYI 14:13

Mndu umu sa alekusheṟuopfo kahenda kashitsia Abramu ai Mwebrania mbonyi; Kiheri kyo Abramu nawekeri ikaa kufui na mashidi ha Mamre Mwamori; Mamre ai manomaye o Eshkoli na Aneri, nawo wawewode mbuya na Abramu.

MAWOOKIONYI 39:20

Mndumii oke kaira Yosefu kammbika kipfungonyi, handu wapfungo wa mangi wekepfungio.

MAWOOKIONYI 40:16

Mnene o walya wekahaṟa mkate kekiwona ke otambahaluolo nyi lo mecha, kawia Yosefu, “Na inyi-da njiwewei kilodionyi kya ndodo yako; na ambuya, kuwode mapongo haṟaṟu ha mkate miili huya mdo foko.

MAWOOKIONYI 41:12

Na ipfo hamu naso kuweipfo na manake Mwebri, mṟundi o mnene o Waskari, lukamwongoya, nao kalutambahaluya ndodo tsadu; katambahaluya orio mndu chando ndodo yake iwei.

SHIIMBO SHA DAWIDI 105:18

Wakawawiṟa madende hake ko mshe, kawiko mnyonyoṟonyi ya menya.

SHIIMBO SHA DAWIDI 109:2

Kyamba walenjiaṟamia madumbu hawo; dumbu lya mndu alawode wusumhanyi, o mtambo, walededa na inyi kui olimi lo wongo.

IWUKA 21:16

Ichu moiwa mndu, na imkumba, ang'u amhaluo isinga lyake, icho kiwaṟi nawoho,

DANIELI 6:22

Ruwa oko naleduma wamalaika wake wakawada madumbu ha miiso ilanjiwutie ma kindo; kipfa kuwode kindo njilenyamaṟa ma kya mtambopfo mangi, ma oshangunyi lopfo pfo.”

YOHANE 10:32

Yesu kawahalwo, “Maṟunda hafoi sa mecha ngamaa imbonesya nyo hawuka ko Wande. Ipfo kiidi kyaho nyi liki lyemtewa munjikape na maho ngesa?”

YOHANE 15:25

Kya indi kilehendaka kido kundu idedo lilya liinukye-ho lilya lii-ṟehye ipfo wuwawasonyi wowo lyehamba, ‘Walenjisuo isuo lilawode tewe.’”

NGUMBUO YA MAWAWASO 24:7

“Mndu oose kaiwa Mwisraeli odoe, kamhaluo isinga lyake, ang'u kamkumba wusingenyi, mnducho mowuta ado kimbaṟi nawoho. Nyi wudo mochitoromisha wuwicho kiidi kyanu.

1TIMOTEO 1:10

Waṟuhui, wewichuṟa wanake, weiwa wandu, wededa wongo wefunja nyamu;

1SAMWELI 24:11

Ambuya, wande oko, ailyi ikechuli lya nguo yapfo mawokonyi hako; kui idumbuo ikyechu lya ṟao lyapfo njilakikuwaahe, nochiidima imanya wulalu ke kya lohi inyi chi mndu mmbicho manya mbahipfo. Inyi njilemekuwutie wunyamaṟipfo manya chando uinjiṟinjawia.