MAWOOKIONYI 39:9 - Bibilia Kui Mdedie fo Kimochi

⁹ Kuipfo mnene kunu mba kota inyipfo, manya anjiimie kindo kyo kyose shila iyopfo, kyamba iyo nyi mka oke. Njiwute wuwichowu wung'anyi wudi njidekio Ruwa?”

MAWOOKIONYI 39:9 ပူးပေါင်းရင်းမြစ်များ

MAWOOKIONYI 13:13

Kyaindi wandu wa Sodoma wawei wawicho, wenyamaṟia mnu Mndumii.

MAWOOKIONYI 20:3

Kyaindi Ruwa kachea Abimeleki kui ndodo ili kio, kambia, “Iyo nochipfa kipfa kya mkachu omduo, kyamba nyi mka o mndu.”

MAWOOKIONYI 20:6

Naho Ruwa kambia kiidi kya ndodo. Na inyi ngawemanya ke kui wulalutsu wo mrima fopfo nowuta kudo, lyong'u, na inyi ngakuima kulanjiwutie wunyamaṟi, njilakulekie nompaaye.

MAWOOKIONYI 20:9

Naho Abimeleki kalaha Abrahamu, kambia, “Nkiki oluwutia? Nkiki njilekudekio, tane oende huyako na huya wumangi woko wunyamaṟi wung'anyi? Nonjiwutia mawuto halawaṟi iwuto.”

MAWOOKIONYI 24:2

Abrahamu kawia mṟundi oke, mmeku o kulya mba koke, awechilie shindo shake shose, “Hoi kewika owoko lopfo shi ya matambonyi hako.

MAWOOKIONYI 39:10

Kawa moengeṟa ideda na Yosefu orio mkonu, manya Yosefu nalakunde ilaa nao ma ideda nao.

MAWOOKIONYI 41:40

Kyasia iyo nochiwa mokalia oruka loko, na kui idedo lyapfo wandu wako wechichilio. Nyi loṟikehu lo wuitoṟi tupu njechiwa mnene kota iyo.”

MAWOOKIONYI 42:18

Yosefu kawawia mkonu fo kaṟaṟu, “Wikeni mudi, mukie, kyamba ma inyi nji mhendeli o Ruwa.

2SAMWELI 11:27

Kiheri kya makulili kikasia, Dawidi kaduma Bathsheba naendo na kanyi koke, kawa mka oke na ifee nao mana o kisoṟo. Ruwa kasuo mnu kya kilya Dawidi alewuta.

2SAMWELI 12:13

Nahong'u Dawidi kahaluo Nathani kambia, “Ngadekio Ruwa ko wunyamaṟi wu woko.” Kyasia, Nathani kamhaluo kambia, “Ee nyi udo, na Mndumii amekuhoṟia, na ochipfa kipfa kya wunyamaṟi wu pfo.

NEHEMIA 5:15

Wanene walenjisongoya wawei mhanda mlemeri ko wandu kyamba nyi wawekewawesa shelya na mvinyo, wakawewawesa wawatae fesa tsilemeri tsiwode shekeli makumi haana (40) tsa fesa. Waṟundi wawo wakawewonyia wandu. Kya indi inyi njilewuta njidopfo, kyamba nyi njiweowoye Mndumii-Ruwa.

NEHEMIA 6:11

Na inyi ngakuwesa mrimenyi foko, “Ngesa mndu cha inyi na kinjiwaṟi idicha? Ngesa mndu cha inyi na kiwaṟi idichia mba ya Ruwa kundu njikae na moo? Ambuya njechiida na hekalunyi manya le pfo.”

YOBU 31:23

Kipfa kilio kiwukie ko Ruwa kiwei keṟihisha koko, kipfa kya wunene woko njileidima iwuta kindo-pfo.

SHIIMBO SHA DAWIDI 51:4

Njilekudekio Iyo Ruwa kumonyi, na iwuta wunyamaṟi oshangunyi lopfo. Iyo umanyike nyi usumhanyi ili mandi odeda, Nyui mheṟemtsu ipfo mwanduyenyi yapfo.

IWUKA 20:14

Kulaṟuhuye.

MFANANO 6:29

Nyi udo ai ulya ekehenda ko mka o wamṟasa oke; mndu mokuwasha nao newada mti.

MFANANO 6:32

Mndu kaṟuhuya na mndu mka awode oṟongopfo; Nawuta kindo kechimwarisia wanda moo foke.

KOHELETI 7:26

Kindo kimu njilechaimanya, kii kiwicho na ielewetsa kota opfu, nyi mndu mka sa mrima foke nyi mdeho na maraushi na mawoko hake nyi cha mshe. Kyaindi mndu ulya mochihiṟa Mndumii-Ruwa, nechikurisa na mndumka cho, na ulya ai mnyamaṟi nechiwado mdeho nao.

YEREMIA 28:16

Mndumii nahamba adi, “Ngakuduma uwuke huya ya oruka maka fu nyi ochipfa kipfa nyi ulededa madedo mawicho huya ya Mndumii.”

YEREMIA 50:7

Wandu wose walehakoya walehawaha, na wakituwa waho wakahamba, luwode mti sopfo, kipfa ho haledekio Mndumii-Ruwa ai kanyi kawo kalohi; Mndumii-Ruwa ichu ai kikusirio kya waku wawo!

WALEWI 20:10

“Kokoya mndumsoṟo aṟuhuya na mka o mndu o mṟasa oke, na ate wawoho wawawi.

WALEWI 6:2

“Mndu oose kawuta wunyamaṟi, na itehia Mndumii, kalemba odoye kui mbonyi tsa mbucha ang'u tsa maidikiano, ang'u tsa imsoka, ang'u iwonyia odoye;

MAITALA 32:23

Kyaindi ngamuikimba ke mulameawutsie kiasaki kyanu, kechiwa mowutia Mndumii-Ruwa wunyamaṟi; manyenyi kya lohi ke mochiwona ngapo.

LUKA 12:48

Na ichu alaweichi, kawuta sa shechimwendie ikapo, o nyiechikapo kyake kitutu. Orio amnenge shifoi, koke nyi shechiweso shifoi, ma ichu amwaṟie shifoi mnu, nyi wechimbesa sha ngoseṟa.”

1 WAKORINTO 4:2

Kikawa kido kitsuhae kyeringa waheki nyi nashike iwono ai mteechi.

TITO 2:10

Walaṟoṟokuo, kya indi wamanyishieho wuhendeli wucha wose, kundu wawikye wupfundi wo mkiṟi odu Ruwa kiṟumi kicha kui shindo shose.

WAEBRANIA 13:4

Wasangi wo wasanze wali wumu wuhendelyo nyi wose na kisima kyawo kilahendesutso. Kyamba wamelumelu na waṟuhui nyio Ruwa echiwaanduya.

1YOHANE 3:9

Orio ose alefeo nyi Ruwa awuta wunyamaṟipfo kyamba mbeu yake ikaa nao. Nao alaidima inyamaṟa nyi kipfa nyi amfee nyi Ruwa.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.