MAWOOKIONYI 32:30 - Bibilia Kui Mdedie fo Kimochi

³⁰ Yakobo kadumbuya handu halya rina nyi Penieli, kipfa nalehamba, “Njilewonana na Ruwa kyamu kui kyamu, na mrima foko fokia.”

MAWOOKIONYI 32:30 ပူးပေါင်းရင်းမြစ်များ

MAWOOKIONYI 16:13

Hajiri kalaha rina lya Mndumii-Ruwa ulya alededa nao, “Iyo nyi ui Ruwa okewona;” kipfa nalehamba, “Na iya ngawewona Ruwa ichu anjiwonyi, kawededa na inyi.?”

MAWOOKIONYI 28:19

Kadumbuya handu halya rina nyi Beteli kyaindi rina lya mṟi fulya ili kuwoka nyi Luzu.

MAWOOKIONYI 35:9

Ruwa kawonekiase Yakobo, ili alewuya kuwuka Paddan-aramu, kambikia ona.

1WAMANGI 12:25

Naalyo Yeroboamu kawika Shekemu kiidi kya fumvu lya Efrahimu, kakaapfo, kawuka pfo kawika Penueli.

IWUKA 33:14

Kyasia, Mndumii kambia, ‘Kyamu kyako kechichumia na iyo, na inyi njikunenge sia.’”

YESAYA 6:5

Nalyo ngahamba, ochia loko kipfa njidekie; kipfa njiwode dumbu liichuo wunyamaṟi, na njikeri kiidi kya wandu wafanyi wunyamaṟi madumbunyi hawo; na meso hako hamewona Mangi, Mndumii menyi Matorito.

YESAYA 9:5

Kipfa shisha sha ichu menyi shisha kiheri kya mtiṟi, na maṟao hamachoweṟe samu, hechikoṟo na isaramaya, hechiwa ngu tseatsia modo.

MAITALA 12:8

Inyi njekededa nao napata kyamu kui kyamu chi kui semeṟipfo. O nekewona mbihu foko inyi Mndumii-Ruwa. Nkiling'u mlaleowuo ideda owicho mṟundichu oko Mose?”

YOHANE 1:18

Kuipfo mndu alemewona Ruwa ma indipfo. Ichu akeri Mana oke kimumu mfi ai cha Ruwa alunganyi na wande, nyio aleluongoya mbonyi tsa Ruwa.

1 WAKORINTO 13:12

Kiheri kya wulalu lushiwonyi cha mfano ya kilolenyi shii mangeṟingesha, indi kiheri kya numa lochishiwona oshangu kui oshangu; kiheri kya wulalu imanya lyako likeri lya mbetesa, kya indi ili numa njechikimanya kyose chando na inyi ngamanyo.

2 WAKORINTO 3:18

Indi so lose lukuilye ngeela ya Mndumii kui oshangu lushikukye loilachyo mfananyie fulya fulya fuitike yengeṟyo ngeela chando kohenda itano nyi Mndumii ai Mumuyo.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

WAGALATIA 1:6

Ngaṟihyo kyanu kya iweṟuka lyanu muweṟukye owinyi mudo mochiwuka ko ichu alemlaha kui wutonga wo ko Kristo mukawingya ndumi ingi.

WAEFESO 1:17

Kundu Ruwa chu o Mndumii odu Yesu Kristo nao nyio Wande menyi wuitoṟi ili molanga immanya namwenenge Mumuyo motambahalwo nawe momṟangusha.

NGUMBUO YA MAWAWASO 34:10

Kulemewonekese mwikimbi kiidi kya Waisraeli cha Mosepfo, sa Mndumii-Ruwa alededa nao kyamu kui kyamupfo.

NGUMBUO YA MAWAWASO 5:24

wakahamba, “Adanyia! Mndumii-Ruwa, Ruwa odu, amelutambaṟuya kiṟumi na mng'ano foke; loicho ṟu lyake liwuka kiidi kya modo fulya. Inu tichi lowona Ruwa kechideda na mndu o wandu, nao mndu o wandu handu aweipfa kawada moo!

WAKOLOSE 1:15

Kristo nyio mfano fo lohi fo Ruwa chu elekewono, ai Mowee o kuwoka mnene o shiumbe shose.

2TIMOTEO 1:10

Wukawewonesyo kodu wulalu ilindi Mkiṟa odu Kristo Yesu alewoneka kawuta-ho opfu kashika iwika-ho moo na mkae fulechisia kui Ndumi ya okiio.

WAEBRANIA 11:27

Nyi wuidiki wukaenenga aleda Misiri alechiowuo rihima ya mangi kyamba alekukarisha na ichu alawono cha ili ambonyi.

YOSHUA 5:13

Kyasia mkonu fumu Yoshua ahoṟoki hafui na mṟi fulya fo Yeriko, kudi peṟeseng'u kawona aichu mndu oshangunyi loke arie oshu mawokonyi hake. Nalyo Yoshua kamhendia kambesa, “Ngesa iyo nyi ukeri umu odu ang'u nyi umu o wakituwa wadu?”

WACHILI 13:17

Kyasia, Manoa kawia malaika cho o Mndumii-Ruwa, “Luwie rina lyapfo kundu lukuindie kiheri madedo hapfo hechishika.”

WACHILI 13:18

Malaika o Mndumii-Ruwa kamhaluo, “Nki ili ukundi imanya rina lyako, kipfa rina lyako lyiṟihishie?”

WACHILI 8:17

Na wudo kawunduo mnaṟa fo Penueli na iwaha wenyi mṟi wose.

WACHILI 8:8

Kawuka pfo kahendia wandu wa Penueli, katerewa ado-ado. Wandu wa Penueli wakahaluo cha wandu walya wa Sukothi.