MAWOOKIONYI 31:3 - Bibilia Kui Mdedie fo Kimochi

³ Mndumii kawia Yakobo, “Wuya na orukenyi lo Wandee wapfo na wandu wapfo, na inyi njechikaa hamu na iyo.”

MAWOOKIONYI 31:3 ပူးပေါင်းရင်းမြစ်များ

MAWOOKIONYI 13:15

kyamba orukalu uluwonyi njechikuinenga iyo na luwa lyapfo tane mlungana.

MAWOOKIONYI 21:22

Kikashikia kiheri kilya Abimeleki, na Fikoli mnene o itorito lyake, wakawia Abrahamu, wehamba, “Ruwa nakeri na iyo ko orio kindo kyose okewuta.

MAWOOKIONYI 26:24

Mndumii-Ruwa kamchea kio kilya kilya, kahamba, “Inyi nyi Ruwa o ndeo Abrahamu, kulaowuo, kyamba inyi njii hamu na iyo, njechikuwikia ona na ipfumbutsa oshari lopfo kipfa kya Abrahamu mṟundi oko.”

MAWOOKIONYI 28:13

Ambuya, Mndumii-Ruwa nahoṟokiho, kechihamba, “Inyi nyi Mndumii, Ruwa o ndeo Abrahamu, na Ruwa o Isaki; orukalu uleepfo njechikuinenga iyo na oshari lopfo.

MAWOOKIONYI 28:15

Ambuya, inyi njikeri hamu na iyo, njechikuringa orio handu ohenda, na inyi njechikuendese mṟasa iya orukenyi, kyamba njechikudapfo, na tane ngakuwutia isho njilekuwia.”

MAWOOKIONYI 28:4

Nakunenge ona lo Abrahamu, iyo na oshari lopfo hamu na iyo, noidime ioṟa oruka lo kyaṟo kyapfo, Ruwa aweinengie Abrahamu.

MAWOOKIONYI 30:25

Nalyo Raheli kekifee Yosefu, Yakobo kawia Labani, “Nnenga momu njihende kodu, na orukenyi loko.

MAWOOKIONYI 31:13

Inyi nyi Ruwa o Beteli, kulya kundu kuleshia ngo mafuda, konjiwikia na kiasa. Kure wulalu, nowuke kunu orukenyi, nowuye na kulya orukenyi kundu kulefeeyo.’”

MAWOOKIONYI 31:18

Kaduo shuma shake shose, na masaa hake hose alesuṟia, na shuma alewada kulya Paddan-aramu kundu nashike ko ndee Isaki kulya orukenyi lo Kanaani.

MAWOOKIONYI 31:2

Yakobo kawona kyamu kya Labani ke aimwambuyase necha cha ukou na ichopfo.

MAWOOKIONYI 31:4

Yakobo kaduma wandu, kalaha Raheli na Lea wache na kulya nuka kundu shuma shake shikeri. Kawawia,

MAWOOKIONYI 32:10

Inyi njiwaṟi manyalepfo isaṟialyo lyose na lohi yo yose kulewutia isinga lyapfo; kyamba njileambada medafo fo Yordani na ndichi yako tupu, na wulalu ngamewa makamba hawi.

MAWOOKIONYI 32:5

na inyi njiwode mmbe, na nzoi, na machondi, na masinga na shisisnga sha kika; na inyi ngaduma wandu njiinenge mndumii oko mbonyitsi, njiwone osaṟio mesonyi hapfo.’”

MAWOOKIONYI 32:9

Yakobo kahamba, “Hoi Ruwa o ndeako Abrahamu, na Ruwa o ndeako Isaki, Mndumii kulenjiwia, ‘Wuya nohende mṟasa orukenyi lopfo, na ko mbaṟi yapfo, na inyi njechikuwutia mecha.’

MAWOOKIONYI 35:1

Ruwa kawia Yakobo, “Kure, nohende Betheli nokaepfo; nokesungusiapfo rasio lya Ruwa; ichu alekuwonekia kiheri kuledicha mano mayo Esau.”

MAWOOKIONYI 35:3

Lukaure, ludo luhende Betheli, na inyi njisungusiepfo rasio lya Ruwa; icho alenjiadanyia kiheri kya wukiwa woko, kakaa hamu na inyi orio handu njileida hose.”

MAWOOKIONYI 50:24

Yosefu kawia wana wa mae, “Inyi njikeripfa, kyaindi Ruwa nechimuchea nyo nechimudosa kuwuka kunu orukenyi, mṟasa kulya orukenyi aleliia Abrahamu, na Isaki na Yakobo nyamu.”

SHIIMBO SHA DAWIDI 46:1

Ruwa nyi handu hadu hedichia na pfinya, Kitarama kyechiwoneka mlungana kiheri kya matuuro.

SHIIMBO SHA DAWIDI 50:15

Unjilahe mkonu ya kiwi; Njechikukiṟa na iyo nochinjiṟumisha.

SHIIMBO SHA DAWIDI 90:15

Kyeluinenge wulalu maka ifoi ya sia, cha maka iya ifoi kuleluinenga ya matuuro.

IWUKA 3:12

Na Mndumii-Ruwa, kahamba, “Nkya lohi njechikaa hamu na iyo na kichano ke nyi inyi ngakuduma nkyo iki; komemarisa iwuta wanduwo ipfo Misri, mochiindia Ruwa kunu fumvunyi.”

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

WAEBRANIA 13:5

Mbuka yanu ilafane wueehi, kilya kyanu kii-ho kyo kimshikye. Kyamba o amonyi awehambie, “Njechikuda manya-lepfo, njechiwuta macha ipfo kofo ma indipfo.”