MAWOOKIONYI 27:29 - Bibilia Kui Mdedie fo Kimochi

²⁹ Mkambo ya wandu wakecha ikuṟundia Na mbaṟi tsa wandu wache ikuolokia nndenyi Nowe mndumii o wana wa mayo, Na wana wa mayo wakecha ikuolokia nndenyi Msa echikaa nakusese nao namsese Na msa echikuwikia ona nao nawikio ona.”

MAWOOKIONYI 27:29 ပူးပေါင်းရင်းမြစ်များ

MAWOOKIONYI 12:3

Na inyi njechiwikya ona iwo wekuwikia ona, na ichu mokusesa njechimsesa; na ipfo kopfo iyo mbaṟi tsa wandu wa masangenyi wose wechicha iwikio ona.”

MAWOOKIONYI 25:33

Yakobo kambia, “Kyemenjiliia nyamu kuwoka. Nao kamliia nyamu, kakumbia ‘Yakobo wusongoru woke wofeo.’”

MAWOOKIONYI 27:30

Kyikawa Isaki amemarisa iwikia Yakobo ona, na nawelyo Yakobo amewuka oshangunyi lo ndee, Isaki, peṟeseng'u mano mae Esau kacha awuka kilasionyi kyake.

MAWOOKIONYI 27:37

Isaki kahaluo, kawia Esau, “Ambuya, ngamtana nawe mndumii opfo, na wana wa mae wose ngamnenga wawe waṟundi wake; ngawemsumba Ngano na mpfinyo, njikuwutie ki wulalu manoko?”

MAWOOKIONYI 27:40

Nochihenda ochiluya moo fopfa na oshu, nowecha isingya mana o mayo. Kyaindi kukae kushike koka nyi o chikutambahanyia mnu nochikuwuta kirisi kyake kii ipfo nzingonyi yapfo.”

MAWOOKIONYI 37:10

Kawia ndee na wana wa mae; ndee kampomia kambia, “Ndodo njiki iyo olodia? Ngesa! Inyi na mayo na wana wa mayo lochicha ikuaramia tane wanda?”

MAWOOKIONYI 37:7

Ambuya, so luwekeri ipfunga shimale kulya demenyi, ate! Kimale kyako kikakure kikahoṟoka, ambuya shimale shanu shikatengeta shikaaramia kimale kilya kyako.”

MAWOOKIONYI 9:27

Ruwa nasuṟishe Yafeti, nakae kiidi kya ihema lya Shemu, Kanaani nawe isinga lyake.

1WAMANGI 22:47

Ma kuwewode Mangi kiidi kya Edomu pfo, mtarami nyio awei Mangi Yehoshafati kasungusia merikebu tsa Tarshishi tsihende Ofiri iende sahabu, kyaindi tsilehenda pfo, kipfa merikebu tsilefunjika ipfo Esion Geberi.

1WAMANGI 4:21

Wumangi wo Solomoni wukawokia meda fo Eufrate mṟasa oruka lo Wafilisti, kashika mṟasenyi na Misri. Wandu wose wakaṟundia Mangi, wakataa okamba kiheri kyose kya moo foke.

1MBONYI TSA MAHERI 5:2

Nyi oshari lo Yuda luwewode pfyinya kota wana wa mae wake wose, na nyi koke wamangi wa shishari shose wawukie; ma chandu Yosefu awemuinengie wusumuhanyi wo mana o kuwoka.

SHIIMBO SHA DAWIDI 72:8

Nawade wuitoṟi wokia ipalyipalyi mṟasa ipalyipalyi, Wokia meda mṟasa mtsitsionyi fo oruka.

YESAYA 45:14

Mndumii nahamba adi, “Iṟunda lya Misri, na shindo sha mbucha sha Kushi, na Waseba, wandu waleshe, wechikuchea, nawo wechiwa wapfo; wechikuosha; wechicha wai wapfunge nyi shiwoho sha menya; wo nyi wechioloka wanda oshangunyi lopfo, wechikuterewa, wehamba, ‘Nyi lohi Ruwa ai kiidi kyapfo; ma kuwode-se ungipfo, kuwode Ruwa ungi sepfo.’”

YESAYA 49:23

Wamangi wechiwa wandee wapfo welela, na wakamangi wawo, wamayo wapfo welela; wechihongoma na iho wanda na kyamu oshangunyi lopfo, wakombe kiluli kii madendenyi hapfo, na iyo nomanye ke inyi nyi Mndumii, na walya wenjiwedia wechisonu-pfo.

YESAYA 49:7

Mndumii mkiṟi o Israeli, Mwele oke, nawia adi ichu ammine nyi wandu; ichu asuikie ko oshari lu lo wandu; ichu ai mṟundi o iwa waitoṟie; “Wamangi wechiwona, wechihoṟoka; wanene nawo wechipfira ndi; kipfa kya Mndumii ai mhendeli, Mwele o Israeli alekusambuṟa.”

YESAYA 60:12

Kipfa orio oshari na wumangi wo wandu, Walya walakunda ikuṟundia wechiarisika; Ee, wandu wa mkambo-yo wechinyamaṟo kichikichi.

YESAYA 60:14

Wana wa wandu walya walekulisa wukiwa, Wechicha na kopfo wakuolokie; Walya wose walekupiṟa Wechioloka washike madendenyi hapfo; nawo wechikulaha, “Mṟi fo Mndumii,” Sioni o Mwele o Israeli.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

MAITALA 23:8

Njechiwawonyia njida mti wandu Mndumii-Ruwa alalewawonyia mti?’

MAITALA 24:18

Edomu yechichilio nyio, Seiri yechiwa masaa hake, Israeli yechiinengo iwinza ling'anyi.

MAITALA 24:9

Nechiwalayalaya wanda cha miso, nyiu echikaria imwamtsa Nawikio ona icho oose echimuwikia ona lanye Israeli, naseso icho oose echimusesa.”

MATAYO 25:40

Na mangi nahaluo nawawie, nyi kya lohi ngambia, ‘Orio kindo kyose chando mulewutya wanawawama wako iwo watutu ya wose ma ichu umu-ho nyio inyi mulenjiwutya.’”

MATAYO 25:45

Nalyo echiwahaluo nahambe, ‘Nyi kya lohi ngambia, orio kindo kyose chando muleda mulawutya iwo watutu ya wose ma ichu umu-ho nyio inyi muleda mulanjiwutya.’

WAROMA 9:12

Kilahendeke kyechiwa na mweke fo ngaata tsa mndu kya indi kiwukye ko Ruwa ichu modika ndaho kikyenyi, nakyo kiwei kiile, ke wawae nyi echisingya manawo.

OTAMBAHALUO LO YOHANE 19:16

Arie rina lii-iṟehye nguwo-hu ipfo owaenyi loke ke nyi, “Mangi ya wamangi na Mndumii o wandumii.”