MAWOOKIONYI 26:24 - Bibilia Kui Mdedie fo Kimochi

²⁴ Mndumii-Ruwa kamchea kio kilya kilya, kahamba, “Inyi nyi Ruwa o ndeo Abrahamu, kulaowuo, kyamba inyi njii hamu na iyo, njechikuwikia ona na ipfumbutsa oshari lopfo kipfa kya Abrahamu mṟundi oko.”

MAWOOKIONYI 26:24 ပူးပေါင်းရင်းမြစ်များ

MAWOOKIONYI 13:16

Njechipfumbutsa luwa lyapfo cha kiluli; na kokoya mndu kechiidima iitala kiluli, na luwa lyapfo nawo nechiidima iliitala.

MAWOOKIONYI 15:1

Isho shose shameida, idedo lya Mndumii-Ruwa likachea Abramu ndodonyi, lyehamba, “Manya kulaowuo Abramu! Inyi nyi ngawo yapfo na njechikuinenga mboṟa ing'anyi mnu.”

MAWOOKIONYI 17:7

Mkundana foko na iyo njechifuwanza, na shishari shapfo shose shechikuituma. Mkundanafu, fochiwa mkundano fo mlungana, ke njechiwa Ruwa kowo na ko washari wawo wechikuituma iyo.

MAWOOKIONYI 17:8

Na Inyi njechikuinenga iyo na oshari lopfo lochiituma numa yapfo orukalu ukeri wuhenunyi, oruka lose lo Kanaanyi, noluitoṟie mlungana; na inyi njechiwa Ruwa owo.”

MAWOOKIONYI 21:17

Ruwa kaicho ṟu lya mleu ulya. Malaika o Ruwa kalaha Hajiri kuwuka ruwehu, kambia, “Nki ki kikuwode, Hajiri? Manya kulaowuo, cha kipfa Ruwa ameicho ṟu lya mleu ulya ipfo kundu ai.

MAWOOKIONYI 22:17

iwikya mboṟa njechikuwikia mboṟa, na ipfumbutsa, njechipfumbutsa oshari lopfo cha nyenyeri tsa ruwehu na cha msanga fo ipfo mawambao ha ipalyipalyi na oshari lopfo lochiitoṟia wakituwa wapfo;

MAWOOKIONYI 22:19

Abrahamu kawuya na ko waleu walya wake, wakakure, wakakuhendia mṟasa Beer-sheba; Abrahamu kakaa kulya Beer-sheba.

MAWOOKIONYI 24:12

Nao kahamba, “Hoi Mndumii, Ruwa o mndumii oko Abrahamu, ngakuterewa mbonyi tsako notsihoṟokie inu tsichie, noonyishie mndumii oko Abrahamu,

MAWOOKIONYI 28:13

Ambuya, Mndumii-Ruwa nahoṟokiho, kechihamba, “Inyi nyi Mndumii, Ruwa o ndeo Abrahamu, na Ruwa o Isaki; orukalu uleepfo njechikuinenga iyo na oshari lopfo.

MAWOOKIONYI 28:15

Ambuya, inyi njikeri hamu na iyo, njechikuringa orio handu ohenda, na inyi njechikuendese mṟasa iya orukenyi, kyamba njechikudapfo, na tane ngakuwutia isho njilekuwia.”

MAWOOKIONYI 28:3

Na Ruwa ichu Menyi pfinya nakuwikie ona, nakupfumbutse na ikuengeṟa, kundu nowe mamwingi fo mkambo ya wandu.

MAWOOKIONYI 30:27

Labani kambia, “Chandu njilewona mecha mesonyi hapfo, kekaa, kipfa njikumburie ke Mndumii-Ruwa nanjiinengie ona kipfa kyapfo.”

MAWOOKIONYI 31:5

“Njiwonyi oshangu lo ndeanu, ke ainjiambuyase necha cha ukou na ichopfo Kyaindi Ruwa o wande oko nakeri hamu na inyi.

MAWOOKIONYI 39:2

Mndumii-Ruwa kakaa hamu na Yosefu, nao kaengeṟeka; nao nawei mmbenyi ya mndumii oke, Mmisri ulya.

MAWOOKIONYI 39:3

Mndumii oke kawona ke Mndumii-Ruwa nakeri hamu nao; na ke Mndumii-Ruwa naonyishie shindo shose mawokonyi hake.

MAWOOKIONYI 46:1

Kikasia Israeli kaira kyaṟo kyake, handu hamu na shose awewode kacha na Beer-sheba, kashinjia Ruwa o ndee Isaki kidaso.

1WAMANGI 17:13

Elia kambia, “Ma kulaowuo, henda uwute chandu ohamba; kyaindi sungusia mkate unjiendie kuwoka; kiidima usungusie kyapfo na mana chu opfo.

IWUKA 14:13

Mose kawia wandu, “Mulaowuo, hoṟokenyi tupu muwone okiṟo lo Mndumii-Ruwa echimuwutia inu; cha kipfa Wamisri wa muwawonyi inu mochiwawonase mlunganapfo.

IWUKA 3:6

Kahambase, “Inyi nyi Ruwa o ndee, Ruwa o Abrahamu, Ruwa o Isaki, na Ruwa o Yakobo.” Mose kashikia kyamu kyake; kyamba naleowuo iambuya Ruwa.

YESAYA 12:2

Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YESAYA 44:2

Mndumii-Ruwa chu alekuwika na ikuwumba wuka wusunyi, ichu echikutarama nahamba adi, “Kulaowuo iyo Yakobo mṟundi oko, na iyo, Yeshuruni njilekusambuṟa.

YESAYA 51:12

“Inyi, ee, inyi njekewihiṟia moo; iyo nyiu itane oowuo mndu echipfa, na mndu echiwa cha maṟa?

YESAYA 51:7

“Njiadanyienyi nyo wewuta sha wusumhanyi, wandu wawode chila yako mrimenyi yawo, mulaowuo shirumo sha wandu, ma mularihinyike imina lyawo.

SHILIO 3:57

Konjiadanyia konjiwia manya njilaowuo.

WALEWI 26:42

nahong'u njechikumbuo mkundana foko na Abrahamu, Isaki na Yakobo, na ikumbuo oruka lulya njilewawikia kyasa.

WALEWI 26:45

Ote! Kipfa kyawo njechikumbuo mkundano njilefuwika na wameku wawo sa njilewawuta kulya orukenyi lo Misri, mkambo fo wandu fukaṟingishia, kundu Inyi njiwe Ruwa owo. Inyi nyio Mndumii-Ruwa.”

MATAYO 22:32

‘Inyi nyio Ruwa o Abrahamu na Ruwa o Isaki na Ruwa o Yakobo.’ Ruwa chi akeri o wapfupfo shila na o iwo wai na moo.”

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.

MAWUTO HA WASU 7:32

‘Inyi nyi njii Ruwa o waku wapfo, njii Ruwa o Abrahamu na o Isaki na o Yakobo.’ Mose kadedema nalakarye yambuya-ho.

NGUMBUO YA MAWAWASO 13:17

Orio kindo kyameendo kikoṟo na modo mulakiduose, kundu Mndumii-Ruwa nahooṟe nyashi iya yake njiwawo, nawaloṟe osaṟio na wucha, namupfumbutse, mufo mnu nakamu chando aweteṟie waku wanu,

NGUMBUO YA MAWAWASO 31:6

Wenyi watumuhari muwe ngohoda, manya mulaowuo ang'u ikangaṟitso nyiwo cha kipfa Mndumii-Ruwa Ruwa onu, nyio aihenda hamu nanyo. O echida alamutaramapfo; echimukumbapfo.”

WAEBRANIA 11:16

Indi wulalu nyi kilya kicha kota walekikuleshya, nakyo nyi kya ruwehu. Nkyo kimaduma Ruwa alawepfia sonu isendo Ruwa owo, kyamba nyi alewawikya mṟi.

WAEBRANIA 13:6

Nkyo kyalukarisha luihamba, “Ruwa oko nao Mndumii, njechiowuo kindopfo Mndu o wandu anjiidima ki?”

OTAMBAHALUO LO YOHANE 1:17

Na ili njilembona ngamwolokya ipfo madendenyi hake cha ili njiwei mpfu. Nao kanjihekia owoko lo kulyo kahamba, Kulaowuo. Inyi njii Mboki na Mwawutsi.

RUTI 3:11

Nahong'u manoko, kulaowuo, inyi njechikuwutia shose odeda; kipfa mṟi fose na wandu wako wose wakuichi ke nyi ui mndu mka mcha.