MAWOOKIONYI 24:40 - Bibilia Kui Mdedie fo Kimochi

⁴⁰ Kanjiwia, ‘Mndumii ichu njii mhendeli oshangunyi loke, nechidika malaika oke hamu na iyo, nechiawutsia necha kyaṟo kyapfo; na iyo nodaaye manachu oko mka kuwuka ko wana wa wama wako, na wa kanyi ko wande oko.

MAWOOKIONYI 24:40 ပူးပေါင်းရင်းမြစ်များ

MAWOOKIONYI 17:1

Kiheri Abramu awei mndu o maaka makumi kenda na kenda, Mndumii-Ruwa kachea Abramu, kambia, “Inyi nyi Ruwa. Menyi wuitoṟi, chumia oshangunyi loko, kulawode tewe.

MAWOOKIONYI 24:56

“Kyaindi nao kawawia, mlanjikeleshe, kyamba Mndumii-Ruwa amenjionyishia njia yako; njinengenyi momu njihende ko mndumii oko.”

MAWOOKIONYI 24:7

Mndumii, Ruwa chu o ruwehu, alenjiwuta kanyi ko wande, kadeda na inyi kulya orukenyi kundu njilefeeyo, nalenjiliia nyamu kahamba, “Njechiinenga luwa lyapfo orukalu, o nechiduma malaika oke oshangunyi lopfo, na iyo nochidaaya manachu oko mka kuwuka ipfo;

MAWOOKIONYI 48:15

Kawikia Yosefu mboṟa, kahamba, “Ruwa ichu wande wako Abrahamu na Isaki walechumia oshangunyi loke, o Ruwa chu alenjiteteṟa ohendo lo moo foko fose mṟasa inu,

MAWOOKIONYI 5:22

Enoki kahendelia Ruwa amfee Metusela maaka mahana haṟaṟu kafee wana wa kiumi, na wa kika.

MAWOOKIONYI 5:24

Enoki kahendelia Ruwa kiheri kyake kyose, nalawonose, kyamba nyi Ruwa alemduo.

MAWOOKIONYI 6:9

Iki nyi kishari kya Noe. Noe nawei mndu o wusumhanyi, mhendeli ipfo kisharinyi kyake; Noe kawa mhendeli kachumia ai na Ruwa.

1WAMANGI 2:3

Wada tapu mbonyi tsa Mndumii, Ruwa opfo, uwechumia njienyi tsake, uwode mawawaso na mwanduye yake, na wukiilohi woke, chandu kikiṟehiye wuwawasonyi wo Mose, kundu uiṟimiṟe kiidi kya orio kindo ochikiṟunda, na kilya ukusirie ihenda iwuta;

1WAMANGI 3:6

Solomoni kahamba, “Nolewutia isinga lyapfo wande Dawidi osaṟio lung'anyi, chando alekuosha kiidi kya wulohi na wahendeli wose, kui mrima foke fuwei na iyo; kui isaṟia lyapfo komnenga modamia loṟikehu loke lo wuitoṟi chandu kikeri inu.

1WAMANGI 8:23

Kahamba, “Hoi Mndumii-Ruwa o Israeli, kulawode Ruwa cha iyo, huye ruwehu ang'u orukenyi, ekekumbuo shasa na iloṟa ikunda lyake ko shisinga shake walya wemuosha kui mrima yawo yose.

2WAMANGI 20:3

“Hoi Mndumii-Ruwa ngakuterewa ukumbuo chandu njilekuṟundia kui wuhendeli wose na kui mrima foko fose na iwuta chandu uwekundi sumuhana na iyo.” Hezekia kafihiṟa amsokie nyi fowa.

SHIIMBO SHA DAWIDI 1:3

Nyechifanana na ikidi lilidonge Mbai ya soka tsa mṟinga, Lyekekumbia ndunda kui kiheri kyalyo, Maṟa halyo hechinaa malepfo; Orio kindo echikitana nyi kechiawukya.

SHIIMBO SHA DAWIDI 16:8

Njiwikie Ruwa kusonguo koko orio kiheri, Kyamba ai ora loko lo kulyo njechidekapfo.

SHIIMBO SHA DAWIDI 91:11

Kyamba nechikudikia wamalaika wake; wakuringe njienyi tsapfo tsose.

IWUKA 23:20

Ambuya, inyi njiduma malaika nakusongoe, kundu nakuringe njienyi, nawekuduo mṟasa alya handu njilekuteseheṟia.

IWUKA 33:2

na inyi njechiduma malaika nakusongoe oshangunyi lopfo; na inyi njechifuna Mkanaani, na Mhiti, na Mwamori, na Mperizi na Mhivi, na Myebusi;

DANIELI 3:28

Nebukadneza kahamba, “Naṟumisho Ruwa o Shadraki, Meshaki na Abednego; ichu aleduma Malaika oke kakiṟa waṟundi wake wakumsirie, iwo waleilacha idedo lya mangi, wakawuta mbihu yawo ilasingie maruwa hengi shile Ruwa owo wawenyi.

WAEBRANIA 1:14

Chi wai mumuyo yaṟunda wose iii-mme yeekyana na walya wai wateṟie okiio kyoṟa kyawo?

OTAMBAHALUO LO YOHANE 22:16

“Inyi nyio Yesu ngamduma malaika oko namuṟingishye nyo ishi kya siṟi tsilya. Inyi nyio njana ya Dawidi njii oshari loke. Inyi njikeri Nyenyeri iya ya Ahera iya iwaa ngamenyi.”

OTAMBAHALUO LO YOHANE 22:8

Na inyi Yohane ngammaa icho na iwona ngameshiwona. Ngammaa iicho na ishiwona ngakukumba wanda ipfo madendenyi ha msu ulya alenjiloṟa isho njimwindie.