MAWOOKIONYI 24:27 - Bibilia Kui Mdedie fo Kimochi

²⁷ Kahamba, “Kuichiko Mndumii, Ruwa o mndumii oko Abrahamu, alaleima isaṟia lyake na lohi yake ko mndumii oko. Mndumii kanjiteteṟa inyi njienyi tane mmbenyi ya wana wa mae wa mndumii oko.”

MAWOOKIONYI 24:27 ပူးပေါင်းရင်းမြစ်များ

MAWOOKIONYI 13:8

Abramu kawia Loti, “Nahong'u, kulakaepfo kiloyo kiidi kyako inyi na iyo, manya kiidi kya welisa wapfo na welisa wako, kyamba lukeri wana wa mka.

MAWOOKIONYI 14:20

Kuadapfumo Ruwa chu ai huye mnu, alewika wakituwa wapfo mawokonyi hapfo. Abramu kamnenga kienga kya ikumi kya shindo shose.

MAWOOKIONYI 24:12

Nao kahamba, “Hoi Mndumii, Ruwa o mndumii oko Abrahamu, ngakuterewa mbonyi tsako notsihoṟokie inu tsichie, noonyishie mndumii oko Abrahamu,

MAWOOKIONYI 24:21

Kyasiang'u mndu ulya kamtuluya meso, katsia, naambuye kokoya Mndumii-Ruwa aleawutsia necha kyaṟo kyake, ang'u ote.

MAWOOKIONYI 24:4

kya indi henda tane kulya orukenyi loko, na ko wana wa wama wako nowonyiepfo manachu oko Isaki mka.”

MAWOOKIONYI 24:42

“Na inyi ngacha na o ṟungunyi lya mṟinga inu, ngahamba, ‘Hoi Mndumii-Ruwa, Ruwa o mndumii oko Abrahamu, konjiduo na injionyishia necha kiidi kya kyaṟo ki kyako njikeri ihenda inyi,

MAWOOKIONYI 24:48

Ngaarama, ngaindia Mndumii-Ruwa, ngaṟumisha Mndumii-Ruwa o mndumii oko Abrahamu, alenjiteteṟa njienyi, njidaaye mana o mndumii oko mka kiidi kya wana wa kika wa wana wa mae.

MAWOOKIONYI 32:10

Inyi njiwaṟi manyalepfo isaṟialyo lyose na lohi yo yose kulewutia isinga lyapfo; kyamba njileambada medafo fo Yordani na ndichi yako tupu, na wulalu ngamewa makamba hawi.

MAWOOKIONYI 32:11

Wulalu ngakuterewa kenjiashuo na owoko lo mano wama, owoko lo Esau, kyamba inyi ngamwowuo, nalache ilusaṟikia na iluwaaha; wana na wamayawo.

MAWOOKIONYI 9:26

Kahamba-se, “Kuichiko Mndumii-Ruwa o Shemu; Kanaani nawe isinga lyake.”

2SAMWELI 18:28

Kyasia, Ahimaasi kadeda na Mangi Dawidi kambia, “Mbonyi tsinjicha, kuwode kindo kiwicho pfo.” Kyasia, Ahimaasi kahalukia Mangi, kampfiria ndi tsake na iinenga Mangi kiṟumi kyake kahalutsia mdo foke wanda, na ihamba, “Mndumii-Ruwa, Ruwa opfo, nainengo kiṟumi kipfa narumatsa watahachi walya walekaria iira mawoko hawo ikapana na iyo Mangi yako.”

SHIIMBO SHA DAWIDI 100:5

Kyamba Mndumii nai mcha, isaṟia lyake nyi lya mlungana; na wuhendeli woke oshari na oshari.

SHIIMBO SHA DAWIDI 68:19

Kuichimbiṟo Mndumii, mkonu kui mkonu nyekeduo ṟio lyadu; Ruwa nyio okiṟo lodu.

SHIIMBO SHA DAWIDI 98:3

Nalekumbuo isaṟia lyake, na wuhendeli woke ko mba ya Israeli. Mtsitsionyi yose ya wuyana ilewuwona, okiro lo Ruwa odu.

IWUKA 18:10

Naho Yetro kahamba, “Kuichiko Mndumii-Ruwa chu alewaashuo na mawoko ha Wamisri na owoko lo Farao; aleashuo wanduwo wawuke mawokonyi ha Wamisri.

IWUKA 2:11

Nalyo mafiri halya, Mose kekiwa mndu ashitsie, kakure nahende ko wana wa mae, Waebri, kawona maṟio hawo. Kawona Mmisri kechikapa Mwebri, umu o wana wa mae.

IWUKA 2:13

Kakure ili lya ngama, ambuya, wandu wawi wa Kiebri waikapana. Kawia ulya aiwonyia odoye, “Nki ili uikapa odoo?”

IWUKA 34:6

Mndumii-Ruwa kasonguo mbele yake, kaedia, Mndumii-Ruwa, Mndumii-Ruwa, Ruwa aichuo woloru, awode makulili, elekeicho nyashi owinyi, aichuo isaṟia na wukilohi;

MFANANO 3:6

Kiidi kya ohendo lopfo mwidikie o, Nao nechihoṟotsa njayo tsapfo.

MFANANO 8:20

Njiida kiidi kya njia ya wusumhanyi, kiidi kya ohendo lo mwanduye.

MIKA 7:20

Nochiloṟa wuhendeli wopfo na isaṟia lyapfo, ko kishari kya Abrahamu na kya Yakobo, chandu kulewikia waku wadu kyasa wokia kacha.

LUKA 1:68

“Kuhende kochikuidapfumyo Mndumii-chu ai Ruwa o Israeli; nyi ili indi amsahia wandu wake na ikuwawonyiia okiio.

YOHANE 1:17

Cha kipfa Ruwa naleende wuwawaso wulya kui Mose, indi wutonga na wukilohi, wo nyi wuleendo nyi Yesu Kristo.

WAEFESO 1:3

Nawikyo kiṟumi Ruwa ichu Nde o Mndumii odu Yesu Kristo ameluonyisha na ona lo kimumuyo lose lurie shisumbo sha ruwehu shii na Kristo.

1TIMOTEO 1:17

Indi mangi ii ya maheri halunganyi ichu alasia alawono, o Ruwa amonyi nakae echiindyo na iichiko maheri hose na hose halunganyi. Amenyi.

RUTI 4:14

Na waka walya wakawia Noemi, “Mndumii naichiko, ichu alalekuda kulai na kishari kya afui, rina lya ichu ling'ane kiidi kya wandu wa mkambo fo Israeli.

1SAMWELI 25:32

Dawidi kawia Abigaili, “Kuichiko Mndumii-Ruwa, Ruwa o Wasraeli, ichu akuduma inu noche ikumbuhana na inyi.

1SAMWELI 25:39

Kiheri Dawidi aleicho ke Nabali napfa, nalehamba, “Kuichiko Mndumii-Ruwa ichu aletaa Nabali kiṟaache kipfa kya ili alenjiruma, nao Mndumii-Ruwa nalenjiashuo inyi mṟundi oke iwuwuya Nabali kya wuwicho woke.” Numa Dawidi kaduma wandu wamdaaye Abigaili nawe mka oke.