MAWOOKIONYI 24:12 - Bibilia Kui Mdedie fo Kimochi

¹² Nao kahamba, “Hoi Mndumii, Ruwa o mndumii oko Abrahamu, ngakuterewa mbonyi tsako notsihoṟokie inu tsichie, noonyishie mndumii oko Abrahamu,

MAWOOKIONYI 24:12 ပူးပေါင်းရင်းမြစ်များ

MAWOOKIONYI 15:1

Isho shose shameida, idedo lya Mndumii-Ruwa likachea Abramu ndodonyi, lyehamba, “Manya kulaowuo Abramu! Inyi nyi ngawo yapfo na njechikuinenga mboṟa ing'anyi mnu.”

MAWOOKIONYI 24:21

Kyasiang'u mndu ulya kamtuluya meso, katsia, naambuye kokoya Mndumii-Ruwa aleawutsia necha kyaṟo kyake, ang'u ote.

MAWOOKIONYI 24:27

Kahamba, “Kuichiko Mndumii, Ruwa o mndumii oko Abrahamu, alaleima isaṟia lyake na lohi yake ko mndumii oko. Mndumii kanjiteteṟa inyi njienyi tane mmbenyi ya wana wa mae wa mndumii oko.”

MAWOOKIONYI 24:42

“Na inyi ngacha na o ṟungunyi lya mṟinga inu, ngahamba, ‘Hoi Mndumii-Ruwa, Ruwa o mndumii oko Abrahamu, konjiduo na injionyishia necha kiidi kya kyaṟo ki kyako njikeri ihenda inyi,

MAWOOKIONYI 24:48

Ngaarama, ngaindia Mndumii-Ruwa, ngaṟumisha Mndumii-Ruwa o mndumii oko Abrahamu, alenjiteteṟa njienyi, njidaaye mana o mndumii oko mka kiidi kya wana wa kika wa wana wa mae.

MAWOOKIONYI 26:24

Mndumii-Ruwa kamchea kio kilya kilya, kahamba, “Inyi nyi Ruwa o ndeo Abrahamu, kulaowuo, kyamba inyi njii hamu na iyo, njechikuwikia ona na ipfumbutsa oshari lopfo kipfa kya Abrahamu mṟundi oko.”

MAWOOKIONYI 27:10

Numa nodaaye ndeo, nalye, kundu nakuwikie ona alamepfa.”

MAWOOKIONYI 27:20

Isaki kawesa mana oke, “Kyawa kida kohuyo kudi owinyi, manoko?” Kahamba, “Kipfa Mndumii-Ruwa opfo, amenjionyisha.”

MAWOOKIONYI 28:13

Ambuya, Mndumii-Ruwa nahoṟokiho, kechihamba, “Inyi nyi Mndumii, Ruwa o ndeo Abrahamu, na Ruwa o Isaki; orukalu uleepfo njechikuinenga iyo na oshari lopfo.

MAWOOKIONYI 31:42

Kokoya Ruwa chu o wande, Ruwa o Abrahamu, na Menyikiṟumi o Isaki, alawei hamu na inyi, kya lohi wulalu nowechinjifuna na mawoko ha wulya. Maturo hako na maṟunda ha mawoko hako Ruwa naleshiwona, kakupomia kio kya inu.”

MAWOOKIONYI 32:10

Inyi njiwaṟi manyalepfo isaṟialyo lyose na lohi yo yose kulewutia isinga lyapfo; kyamba njileambada medafo fo Yordani na ndichi yako tupu, na wulalu ngamewa makamba hawi.

MAWOOKIONYI 32:9

Yakobo kahamba, “Hoi Ruwa o ndeako Abrahamu, na Ruwa o ndeako Isaki, Mndumii kulenjiwia, ‘Wuya nohende mṟasa orukenyi lopfo, na ko mbaṟi yapfo, na inyi njechikuwutia mecha.’

MAWOOKIONYI 43:14

Ruwa Menyi wuitori namuinenge osaṟio oshangunyi lo mnducho, kundu namupfunguye mano mayanu icho ungi, na Benyameni. Na inyi kokoya ngapfiiyo nyi wana wako, ngapfiiyo.

1WAMANGI 18:36

Kekishikia kiukanyi kiheri kya kidaso kya kiukanyi, mwikimbi Elia kasembelia, kahamba, “Iyo Mndumii-Ruwa o Abrahamu, na o Isaki na o Israeli, na kimanyike na pata, ke iyo nyio Ruwa kiidi kya Israeli, na ke inyi nyi mṟundi opfo, na ke ngawuta shose kui idedo lyapfo.

2WAMANGI 2:14

Kawada nguwo iya ya Elia ilemwolokia, kalachuo mṟinga kahamba, “Oku Mndumii-Ruwa o Elia.” Nao kiheri alelachuo mṟinga fulya, fukahawikana kunu na kunu, Elisha kaambada.

NEHEMIA 1:11

Hoi Mndumii, keadanyiawo kiterewo ki kyako na kya waṟundi wapfo wekechihiyo ikuindia iyo. Kyamba nyi njikuterewa njihende iidikio na iwona osaṟio oshangunyi lo Mndumii oko. Kyasia inyi njiwei mheṟi o mvinyo o mangi.’”

NEHEMIA 2:4

Nalyo mangi Artashasta kanjihaluo kanjiwesa, “A wulalu nyi kikiukundi iterewa?” Ngaterewa Mndumii-Ruwa, Ruwa o ipfo Ruwehu.

SHIIMBO SHA DAWIDI 118:25

Hoi Mndumii, kyelukiṟe, lokuterewa; Hoi Mndumii, uluinenge ihuyo, lokuterewa.

SHIIMBO SHA DAWIDI 122:6

Langienyi Yerusalemu ofoṟo; iwo wakukundi wahuyo;

SHIIMBO SHA DAWIDI 127:1

Mndumii kada alawika mba, walya wewika waiṟunda iṟunda lya wulya. Mndumii kada alaringa mṟi, ichu mofuringa nailaa dembo wulya.

SHIIMBO SHA DAWIDI 37:5

Dambikia Mndumii njia tsapfo, numa ukusirie koke, nao nyiechikuikanyia.

IWUKA 3:15

Ruwa kawiase Mose, “Wia wana wa Waisraeli madedo ha, MNDUMII Ruwa o ndeanu, Ruwa o Abrahamu, Ruwa o Isaki, Ruwa o Yakobo nanjiduma konu; ili nyilyo rina lyako tane mlungana, nalyo nyi ngumbuo yako tane marika hose.

IWUKA 3:6

Kahambase, “Inyi nyi Ruwa o ndee, Ruwa o Abrahamu, Ruwa o Isaki, na Ruwa o Yakobo.” Mose kashikia kyamu kyake; kyamba naleowuo iambuya Ruwa.

MFANANO 3:6

Kiidi kya ohendo lopfo mwidikie o, Nao nechihoṟotsa njayo tsapfo.

MATAYO 22:32

‘Inyi nyio Ruwa o Abrahamu na Ruwa o Isaki na Ruwa o Yakobo.’ Ruwa chi akeri o wapfupfo shila na o iwo wai na moo.”

WAFILIPI 4:6

Mulakuinadye kya kindo ma kida, indi shilya mushiwuṟye muwe moshisendya Ruwa kui wuindi na kui kifuhyo na kui mwaano.