MAWOOKIONYI 22:4 - Bibilia Kui Mdedie fo Kimochi

⁴ Mkonu fo kaṟaṟu Abrahamu kairia meso hake kawona handu halya ai haleshe.

MAWOOKIONYI 22:4 ပူးပေါင်းရင်းမြစ်များ

MAWOOKIONYI 22:3

Abrahamu kakure ngamenyi otuko, kaṟeheṟa nzoi yake, kaduo wanake wawi handu hamu nao, na mana oke Isaki, kapaṟapaṟa na ngu kipfa kya kidasokyo kemaya modonyi, kakure, kahenda tane handu halya ewio nyi Ruwa.

MAWOOKIONYI 22:5

Abrahamu kawia wanake walya wake, “Nyo kaenyi iya handu hamu na nzoi ii, na inyi na mana lochihenda kulya, luhende iterewa, numa lochimuwuyase.”

2WAMANGI 20:5

“Wulalu wuya uwie Hezekia mnene o wandu wa Mndumii-Ruwa; Inyi Mndumii-Ruwa, Ruwa o sahuyapfo Dawidi, ngaicho kiterewo kyapfo ngawewona na mchenyeṟe yapfo. Njechikuchiṟa na numa ya mfiri iṟaṟu nochihenda mbenyi ya Mndumii-Ruwa.

ESTA 5:1

Kyasia mkonu, fo kaṟaṟu fo kuotoya, Esta kaṟaa nguwo tsake tsa mkamangi kahenda kahoṟoka kiidi kya osa lo kyamba lo mba ya mangi luambuyanyi na handu hekumbuhana. Mangi nawei mba loṟikehu loke lo wuitoṟi kaambuya kya mongo fo mba ya mangi.

IWUKA 15:22

Mose kaduo Waisraeli wahende mbele kuwuka ipalyipalyinyi lya Shamu nawo wakachea nuka ya msanga ya Shuri; wakachumia kyaṟo kya mkonu iṟaṟu walawone mṟinga.

IWUKA 19:11

wakuṟeheṟe kya ili lya kilalau, kyamba mkonufo kaṟaṟu Mndumii-Ruwa nechisoka fumvunyi lya Sinai mesonyi ha wanduwa wose.

IWUKA 19:15

Kawia wandu, “Mukae mukuṟeheṟie mkonu fo kaṟaṟu, mulasembelie mndu mka.”

IWUKA 5:3

Wakahamba, “Ruwa o Waebri alekumbuhana naso; lokuterewa, luinenge momu luhende kyaṟo kya mkonu iṟaṟu kulya nuka, luwutiepfo Mndumii-Ruwa, Ruwa odu kidaso; nalachekukapa kui ndaaṟe ang'u oshu.”

HOSEA 6:2

Mfiri iwi ikameida nyi echiluinenga se moo, iyee, na mfiri fo kaṟaṟu nyi echiluṟutsa, kundu luidimese ikaa handu hamu nao.

WALEWI 7:17

indi ikyo kechitsuhaa, kiidi kya nyamatso tsa kidasokyo itane ili lya kaṟaṟu kechikoṟo na modo.

MAITALA 10:33

Kyasia, wandu wakakure wokia Sinai fumvuhu lya Mndumii-Ruwa, mchumie fo mkonu iṟaṟu. Isanduku lya Mndumii-Ruwa lya mkundana likawasongoya handu ha mfiri iṟaṟu iwashihia handu hewika handu hesia moo.

MAITALA 19:12

Mfiri fo kaṟaṟu na fo mfungade mnducho nechisamba na mṟinga fulya foheṟemtsa, nao nechiheṟemka. Kyaindi kada alakuheṟemtsa mfiri fo kaṟaṟu na fo mfungade nechikaa aterefukie.

MAITALA 19:19

Mkonu fo kaṟaṟu na fo mfungade, mndu sa amheṟemtsu nechiolia mndu aterefukie mṟingafo; nyi wudo echiheṟemtsa mnducho aterefukie mfirifo fo mfungade, nao nechisanja nguo tsake nawesamba kose, na kyukanyi nechiheṟemka.

MAITALA 31:19

Walya wose wai kiidi kyanu sa walemewaaha mndu ang'u wakapaaya mnying'a kiwaṟi wakae kulya nja ya mfiṟiha ko mfiri mfungade; kuheṟemtsenyi handu hamu na wapfungo wanu wa shidenyi ko mkonu fo kaṟaṟu na fo mfungade.

MATAYO 17:23

Nawo iwaha wambahe, indi ili mfiri fo kaṟaṟu naṟuke.” Nawo wakasokyo mnu nyi fowa ing'anyi.

LUKA 13:32

Nao kawawia, “Hendenyi muwie ipaara-lyo; Ambuya nyi njiifuna mṟufu mbicho na ichiṟa njimarise ichiṟa wandu inu na ngama, na kilalau nyi njechikooya njimarisie.

1 WAKORINTO 15:4

Kiidima na ke nyi amṟike na ili lya kaṟaṟu aṟukye chando kuwei kuṟehye.

YOSHUA 1:11

“Tengetenyi ipfo shiṟaṟonyi muwie wandu wo wateseheṟe shelya kyamba kiidi kya mfiri iṟaṟu nyi mukeri ihenda iambada meda fo Yordani muide na orukenyi lulya Mndumii-Ruwa onu akeri imuinenga luhende iwa kyoṟa kyanu.”

1SAMWELI 26:13

Kiidima, Dawidi kahenda ora lo kawi lo pichilyo, kahoṟoka kitoṟomosohu kya fumvu kuleshe na mamiingi fo wandu wa Sauli.