MAWOOKIONYI 2:8 - Bibilia Kui Mdedie fo Kimochi

⁸ Mndumii-Ruwa kodonga mdemi Edenyi kulya ora lo ngamenyi, kawikapfo mnducho alemwumba.

MAWOOKIONYI 2:8 ပူးပေါင်းရင်းမြစ်များ

MAWOOKIONYI 13:10

Loti kairia meso hake kawona pichi lyose lya Yordani, lyiwode mṟinga mandi Mndumii alawemekape Sodoma na Gomora, lyiwei cha mhunda fo Mndumii, cha oruka lulya lo Misri wohenda Soari.

MAWOOKIONYI 3:23

Mndumii-Ruwa kambuta kulya mhundenyi fo Edenyi, nademe terinyi ipfo kundo alewuto.

MAWOOKIONYI 3:24

Kyasia kafuna pfo mnducho, kawikapfo Makerubi, ora lo ngamenyi lo mhunda fulya fo Edenyi na oshu lo modo loweṟuka-weṟuka ipfo na ipfo, lochiringia njia ya ikidi lya moo.

MAWOOKIONYI 4:16

Kaini kakure alya oshangunyi lo Mndumii-Ruwa kahenda ikukaya kulya orukenyi lo Nodi mbele ya Edenyi ora lo ngamenyi.

2WAMANGI 19:12

Ngesa, maruwa ha mkambo halekiṟa Gozani, Harani, Resefu na Waedeni wawei Talasari, mkambo fo wandu walearisika waariso nyi wasahu wako?

YESAYA 51:3

Kipfa Mndumii nawihiṟia mṟi fo Sioni moo; nahaluo nuka ya msanga ikawa cha mdemi fo Edeni, na pata cha dema licha lya Mndumii; seko na sia shechiwono kiidi kyake, iana na ṟu lyeimba.

EZEKIELI 27:23

Wandu wawekekaa mṟi iya ya Harani, Kane na Edeni na wachuṟusi walya wa Ashuru na Kilmadi wakawekapa mbucha na iyo.

EZEKIELI 28:13

Nyi uwekeri Edeni mdeminyi fo Mndumii-Ruwa. Nyi uwei mchope ko orio kindo kii kicha kyose akiki, lopazi, yaspi, zabarajadi, berili, sardoniki, yakuti, samawi, almasi na zumaridi nuwemchope ko sahabu. Isho shose nuwemteseheṟie kiheri kya iwumbo.

EZEKIELI 31:16

Ambuya wandu wa mkambo nyi wechidedema kipfa kya chandu aihenda ioloka, kiheri kyo njechimsoṟowitsa ipfo ko wapfu hamu na iwo wose waisoṟowiapfo; hamu na mashidi hose ha Edeni, mashidi mecha hawemasambuṟe ha Lebanoni hawekenoso necha, iho nyi hechihenda iwihiṟio moo ipfo ko wapfu.

EZEKIELI 31:18

Ko wucha na mng'ano kuwode ikidi lyose ipfo mdeminyi fo Edeni lyewa iṟinganyisho na ikidi lyopfo. Ambuya wulalule, iyo Farao nyi iyo ikidilyo. Nuhenda ikumbo ko wapfu handu hamu na mashidi ha Edeni. Nyiochihenda ikaa hamu na walya walaichi Ruwa na walya walewoho ko oshu. Nyi wudong'u ochihenda iwa iyo Farao handu hamu na wandu wapfo. Nyi Inyi Mndumii-Ruwa ngahamba.”

YOELI 2:3

Chandu modo fukeṟumatsa, mbahanyi yo irumatsa orio kindo kikeri oshangunyi loyo, na ida mrumatso fung'amnyi fo orio kindo kikeri nduma yafo; mandi mbahanyiyo ilameidapfo, oruka luwekeri cha bustani ya Edeni; kyaindi ikameida, oruka lokedeo lui nuka ya msanga. Kuwode kindo kechiidima iliashukapfo!