MAWOOKIONYI 2:17 - Bibilia Kui Mdedie fo Kimochi

¹⁷ kyaindi ndunda tsa ikidilyo lyemanya shindo shicha na shiwicho manya kulalye, cha kipfa mkonu ochilya ndunda tsa ikidilyo kya lohi nochipfa.”

MAWOOKIONYI 2:17 ပူးပေါင်းရင်းမြစ်များ

MAWOOKIONYI 2:9

Mndumii-Ruwa kaoṟisha orukenyi orio ikidi lya kiweṟe keambuya na iloda hakaweloda ikuliaho; na ikidi lya moo ipfo makidi hawi ha mhunda fulya, na ikidi lya wuṟango lyemanyisha shicha na shiwicho.

MAWOOKIONYI 20:7

Ko ikyo nowihiṟe mkachu o mndu wulalu kipfa o nyi mwikimbi nao nechikuterewia nokie. Indi koda kulambihiṟa manya kya lohi ke nochipfa iyo na wandu wose ui nawo.

MAWOOKIONYI 3:11

Mndumii-Ruwa kahamba, “Nyiu akuwia nyi ui kitaṟe? Nyi uliie ndunda ipfo ikidihu handu ndekuwawasa kulalye-ho?”

MAWOOKIONYI 3:17

Kawia na Adamu: “Omtana omeidikia kidedo kya mka opfo kolya ndunda tsa ikidi lilya ndekututuma ngakuwia; makulalye-ho; mdemifo fukae fui msese kipfa kyapfo iyo, nokulie shelya kui mawina mandi ui na moo hose,

MAWOOKIONYI 3:19

Ochihenda ochikulia kando kapfo kui mbiṟuko fo kyamu mtano owuya na ipfo terinyi kyamba mpfo kundo umbute. Cha kipfa ukeri kiluli na nochikaa nowuye na kilulinyi.”

1WAMANGI 2:37

Kipfa mkonu fo ochiwukapfo, umanye na pata ke nochipfa, na samu yapfo yechikaa huya mdo fopfo.”

1WAMANGI 2:42

Naho Mangi kaduma wandu kalaha Shimei, kambia, “Ngesa njilekulyisiṟa nyamu ko Mndumii, ngawekuṟingishia ke, mkonu ochiwuka ipfo mba kopfo kohenda handu hengi kose ke nochipfa? Na iyo konjihaluo, idedo lyo uleliicho lyiwei licha?

YEREMIA 26:8

Yeremia ammaa ihamba madedo hose Mndumii alembawawasa nawie wandu wose, nlyo walaanyi na waikimbi na wandu wose wakambada, wakahamba, “Nyi kya lohi nyi ochipfa!

EZEKIELI 18:13

nawei mndu ekeakuya wandu kundu nawone ngeria. Ngesa mndu cha ichu neidima ikaa na moo? Echiidima ikaa na moo pfo. Kipfa kya mawuto ho hose mawicho owutie nechipfa kyaindi nyio amonyi akuendie opfulo.”

EZEKIELI 18:32

Kyamba njikundi manya umu onu nadekepfo.” Nyi wudo Mndumii-Ruwa ahamba. Koikyo, “Dumbuyenyi njonyamaṟo tsanu muhende ikia.”

EZEKIELI 18:4

Kyaindi manyenying'u ke mrima yose nyi yako, mrima fo mfee na fo mana, yose nyi yako, koikyo mrima fulya fochihenda inyamaṟo fochihenda ipfa.

EZEKIELI 33:14

Kyaindi, kokoya ngawia mndu mnyamaṟi nechipfa kipfa kya wunyamaṟi woke, indi kokoya ahenda indumbuya nalakiwutese wunyamaṟi kawuta sha wusumuhanyi, echipfasepfo;

EZEKIELI 33:8

Ili mandi njechiwia mndu mnyamaṟi nechipfa kipfa kya wunyamaṟi woke, na iyo ulakunde immbia kundu nalekane na wunyamaṟi wo woke, ambuya mndu cho nechipfa kya wunyamaṟi wo woke, kyaindi umanye ke nyi njechiwuwuya samu ya mnduchu ipfo mawokonyi hapfo.

MAITALA 26:65

Mndumii-Ruwa nawehambie ke wose wechipfiia kulya nuka, na cha lohi kuwode ma umu owo aledeeyo na moopfo, shile Kalebi mana o Yefune, na Yoshua mana o Nuni.

WAROMA 1:32

Ma ili waichi kilya Ruwa awikye-ho ke wewuta wadi ate wawoho. Nawo naa wekewuta wado chi wo wawenyi tupupfo kyaindi wekeichika na walya wekewuta wado.

WAROMA 6:16

Aka mulaichi ke ichu mochikumdambikya cha masinga kyemwanguya madu nao nyio mombia masinga hake mochimwanguya madu kiwe kya wunyamaṟi woduo opfunyi kiwe kya wuidiki woende wuhoṟotsu oshangunyi lo Ruwa.

WAROMA 6:23

Kyamba wueri wosingya wunyamaṟi nyi opfu, indi kilya Ruwa aisumba nakyo mndu oke nyi moo fo mlungana fukukerye Kristo-hu Yesu Mndumii odu.

WAROMA 8:2

Kyamba wuwawaso-wu wo Mumuyo moende moo fukeri Kristo-hu Yesu, nyiwo wulenjiletsa na wuwawaso wulya woende wunyamaṟi na opfu.

1 WAKORINTO 15:22

Kyamba chando waihenda ipfa kui Adamu ulya wose na wudo-ng'u wechihenda iṟutsyo moo kui Kristo wose.

1 WAKORINTO 15:56

Hoo-iyo opfu lokapa nyilo wunyamaṟi, na pfinya iya wunyamaṟi wuiṟie nyiwo wuwawaso.

WAGALATIA 3:10

Indi walya wewinya mawiko halya wo wekaa shi ya oseso. Kyamba kii kiṟehye ke orio mndu ose alechikaa na shilya shii shiṟehye kitapunyi kya mawiko nawe moshiwuta o naseso.

WAEFESO 5:14

Kyamba shose shawutio kundo kuwode sa. Nkyo kimaduma; kohambo “Pang'uka iyo olaa, uṟukye uukye wapfunyi, nao Kristo echikulimika.”

NGUMBUO YA MAWAWASO 27:26

‘Naseso mndu oose alaidikie madedoha ha wuwawaso na ihaindia.’ Wandu wose waidikie, ‘Ameni!’”

NGUMBUO YA MAWAWASO 30:15

“Inu kudi, ngamuinenga msambuṟe kiidi kya mecha na mawicho; moo na opfu.

NGUMBUO YA MAWAWASO 30:19

Njechilaha ruwehu na oruka shiṟingishie inu tichi, ke ngamuinenga msambuṟe kiidi kya moo na opfu, kiidi kya mboṟa na oseso. Kyasia, sambuṟenying'u moo nyo na luwa lyanu muidime ikaa na moo.

WAKOLOSE 2:13

Kawemtana nanyo muwade moo fumu kimu nao nyo muwei wapfu kui manyamaṟo na kui wundaka wo nyama tsanu echimhoṟya manyamaṟo hanu hose.

1TIMOTEO 5:6

Indi ichu mseke ai mpfu, ma ili mbihu foke fuwode moo.

YAKOBO 1:15

Ilindi lango yamaa yambya yafee wunyamaṟi, indi wunyamaṟi wukamaa itano woende opfu.

1YOHANE 5:16

Ili mndu awona manomae echinyamaṟa wunyamaṟi wulaende-opfu namterewie ko Ruwa. Kuwode wunyamaṟi wuende opfu, kyawo ngahamba naterewepfo.

OTAMBAHALUO LO YOHANE 2:11

Ichu awode madu naicho iki Mumuyo aiwia siṟi tsi. Sa wechiwinga wechiwawiṟo nyi opfu lo kawipfo.

OTAMBAHALUO LO YOHANE 20:14

Na opfu na mfiṟiha fulya shikaombotso ipfo nduwenyi ya modo. Nyilo opfu lo kawi nduwa ii ya modo.

OTAMBAHALUO LO YOHANE 20:6

Iwa wawode nanga na osaṟio iwo wawode kita pfo kiṟukyonyi kya kuwoka. Iwa wai wadi opfu lo kawi lowaidimapfo Kya indi wechiwa wakohanyi wa Ruwa na wa Kristo na wechichilia handu hamu nao maka kiku kimu.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

WACHILI 3:2

(nalewuta ado kundu nainenge wandu wa oshari lo wuaria wo shida kipfa wawemewone shida-pfo).

1SAMWELI 14:39

So Mndumii-Ruwa chu ai na moo na ekeshuo Waisraeli, manya kokoya nyi manachu oko Yonathani kimbaṟi nawoho.” Kyaindi kuipfo mndu alehamba idedopfo.

1SAMWELI 14:44

Sauli kahamba, “Ruwa nakenjiwutia na inyi kudo daa na wengise. Yonathani kyakukoya nowooho.”

1SAMWELI 20:31

Ngesa! Uichi ke mandi Dawidi ai na moo, iyo ochiidima ikaa nowe mangi ya orukalu-pfo? Wulalu henda nomwende na iya handu njikeri, cha kipfa kimbaṟi nawoho.”

1SAMWELI 22:16

Kyaindi mangi Sauli kawia Ahimeleki, “Ahimeleki, nkya lohi nochiwoho iyo na wose wa mba ya ndeo.”