MAWOOKIONYI 17:17 - Bibilia Kui Mdedie fo Kimochi

¹⁷ Nalyo Abrahamu kaho wanda na kyamu kaseka, kahamba mrimenyi foke, “Aka, Mndu o maaka ihana ipfo koke kochefeo se mana? Nao Sara o maaka makumi kenda nechefee se mana?”

MAWOOKIONYI 17:17 ပူးပေါင်းရင်းမြစ်များ

MAWOOKIONYI 17:18

Abrahamu kawia Ruwa, “A ngesa kima Ismaeli akaa oshangunyi lopfo!”

MAWOOKIONYI 17:3

Abramu kaho wanda na kyamu; Ruwa kambia, kahamba.

MAWOOKIONYI 18:11

Nahong'u Abrahamu na Sara wawei waku, wakaṟatsia ohendo lo moo yawo luweng'anyi, na Sara nawemku kaṟatsia.

MAWOOKIONYI 18:12

Ko ikyo Sara kasekia mrimenyi foke, kahamba, “Njii mku, njiwadose sia na mii oko mku?”

MAWOOKIONYI 21:5

Nao Abrahamu nawei mndu o maaka ihana, kiheri mana oke Isaki alefeo.

MAWOOKIONYI 21:6

Sara kahamba, “Ruwa amenjiwutia kindo kesetsa; orio oose echiicho nechiseka hamu na inyi.”

MAWOOKIONYI 21:7

Kahamba, “Nyiu awechiwia Abrahamu, Sara nechionza wana?” Kyamba ngamembonyia mana kiidi kya wuku woke.

1MBONYI TSA MAHERI 21:16

Kyasia, Dawidi kairia meso hake huye kawona Malaika ulya o Mndumii awode oshu lo mbeha kuwi aluleshie huya Yerusalemu. Dawidi na wasongoru wose wa Israeli, waṟee makunyia, wakaaramisha shamu shawo wanda.

YOBU 1:20

Kiidima Yobu kahoṟoka, karanduo maṟao hake, kaoda njui tsake, kakukumba wanda na kyaamu kaidapfuma Ruwa

EZEKIELI 1:28

cha mkoṟi kiheri kya mvuo. Na wudo njilewona ofano lo kiṟumi na wuitoṟi wo Mndumii-Ruwa odu. Ngammbona njido ngakuhutsa wanda na kyamu kyako, ngaweicho ṟu lya mndu umu aweideda.

DANIELI 8:17

Kyasia kasembelia alyando mbehoṟoki; na inyi ngaowuo lilya alecha na afui ngaho wanda na kyamu, kyaindi o kanjiwia, “Manya iyo mndu o wandu mawonesio ha nyi ha kiheri kya ifurumia.”

WALEWI 9:24

Nahong'u modo fukowoka alya oshangunyi lo Mndumii, fukarumatsa kidaso kilya kekoṟa, na mafuda halya hai rasionyi; wandu wose wekiwona modo fulya wakafunja kisangalale wakaho wanda na shamu.

MAITALA 14:5

Naho Mose na Aroni wakaho wanda na kyamu oshangunyi lo mkambo fose fo Waisraeli.

MAITALA 16:22

Kyaindi Mose na Aroni wakakuhutsa wanda na kyamu wechihamba, “Hoi Mndumii-Ruwa ui mawokioonyi ha moo ya wandu wose, Ngesa, mndu umu kakudekio nochisuuya wandu wose?”

MAITALA 16:45

“Kaa haleshe na wandu wa njiwakombetse wulalu kudi! Kyaindi wo wakakukumba wanda na kyamu.”

MATAYO 2:11

Wakaida na mba, wakawona mana ulya akeri na mae Maria. Wakakuhutsa wanda na kyamu, wakampfiria ndi. Wakawuya wakapfunguo shindo shawo wawerie sha kisa, wakamwimaya nasho; nyi sahabu, na uvumba, na manemane.

LUKA 1:18

Kyasia Sakaria kawia malaika alya, “Aka-wo kindo njemanya-wo nakyo ikyo nkyo kiki; kipfa njii mmeku namka oko nawei mku?”

YOHANE 8:56

Abrahamu mku chu onu nyi alekesa kya iwona mkonu fu foko nao kafuwona kachihio.”

NGUMBUO YA MAWAWASO 9:18

Numa ngalaa wanda na ndeu oshangunyi lo Mndumii-Ruwa, cha lilya mawokioonyi, ko mkonu makumi haana kio na mfiri; njilelya kelya ma inyo mṟingapfo, kipfa kya wunyamaṟi wulya muwewutie. Mkawuta mawicho oshangunyi lo Mndumii-Ruwa mukamsukiṟa.

NGUMBUO YA MAWAWASO 9:25

“Ko ikyo, njilelaa na ndeu oshangunyi lo Mndumii-Ruwa mkonuyo makumi haana, kio na mfiri, kipfa Mndumii-Ruwa nawehambie ke nechikombetsa.

YOSHUA 5:14

Nao kamhaluo kambia, “Njikeri onu manya o wakituwa wanupfo. Kyaindi inyi njikeri mnene o mbahanyi ya Mndumii-Ruwa na wulalu nyi ngacha.” Nalyo Yoshua kaarama wanda kamwindia, kambesa, “Hoi Mndumii oko inyi mṟundi opfo nyi ukunndi njiwuteki?”

YOSHUA 7:6

Kyasia Yoshua handu hamu na wanene wa Israeli wakaranduo maṟao hawo. Kiidima wakakuhutsa wanda ya isanduku lilya lya mkundana lya Mndumii-Ruwa, wakawekushia kiluli mdonyi yawo.

OTAMBAHALUO LO YOHANE 11:16

Na wameku walya makumi hawi na wana wadamye sumuhana na Ruwa ipfo loṟike-hu tsawo wakakukumba wanda oshangunyi lowo wakaindia Ruwa.

OTAMBAHALUO LO YOHANE 5:8

Oweṟe kyekimaa yambya kitapu ki, maṟimu halya haana hakaho wanda oshangunyi lo kidahina ki na wameku walya makumi hawi na wana wakawekiolokya. Orio umu owo awode wuda wo ndusu ikumi mawokonyi na shitela sha sahabu shiichuo makaa ha opuo. Naho nyi shiterewo sha wandu wa Ruwa.

WACHILI 13:20

Kiheri nakyo Manoa na mka wechiambuya olewo lo modo lochido huye ruwehu wuka alya kitaṟenyi kedasia, wakawona malaika ulya ai kiidi kya olewo lulya kedo huye kahenda ruwehu. Nalyo Manoa na mka wakaarama wanda wakaadapfuma Ruwa.