MAWOOKIONYI 15:18 - Bibilia Kui Mdedie fo Kimochi

¹⁸ Mkonu fulya Mndumii kawika mkundana na Abramu, kambia, “Oshari lopfo ngaluinenga orukalu, wokia meda fo Misri tane medafo fung'anyi, meda fo Frati.

MAWOOKIONYI 15:18 ပူးပေါင်းရင်းမြစ်များ

MAWOOKIONYI 12:7

Mndumii kawonekia Abramu, kechihamba, “Njechiinenga luwa lyapfo orukalu.” Nao kawikia Mndumii chu alemchea kitaṟa kewikia kidaso.

MAWOOKIONYI 13:15

kyamba orukalu uluwonyi njechikuinenga iyo na luwa lyapfo tane mlungana.

MAWOOKIONYI 2:14

Mbanga ya kaṟaṟu nyi Hidekeli nyiyo iidie Ashuru. Na mbanga ya kaana nyi Frati.

MAWOOKIONYI 24:7

Mndumii, Ruwa chu o ruwehu, alenjiwuta kanyi ko wande, kadeda na inyi kulya orukenyi kundu njilefeeyo, nalenjiliia nyamu kahamba, “Njechiinenga luwa lyapfo orukalu, o nechiduma malaika oke oshangunyi lopfo, na iyo nochidaaya manachu oko mka kuwuka ipfo;

MAWOOKIONYI 26:4

Njechipfumbutsa oshari lopfo cha nyenyeri tsa ruwehu, na inyi njechiinenga oshari lopfo njorukatsi tsose, na kiidi kya oshari lopfo mkambo ya wandu wose wa wuyana wechicha iwikio ona.

MAWOOKIONYI 28:4

Nakunenge ona lo Abrahamu, iyo na oshari lopfo hamu na iyo, noidime ioṟa oruka lo kyaṟo kyapfo, Ruwa aweinengie Abrahamu.

MAWOOKIONYI 35:12

Na orukalu njileliia nyamu Abrahamu na Isaki njechikuinenga iyo, na oshari lopfo numa yapfo njechiwanenga oruka-lo.”

MAWOOKIONYI 50:24

Yosefu kawia wana wa mae, “Inyi njikeripfa, kyaindi Ruwa nechimuchea nyo nechimudosa kuwuka kunu orukenyi, mṟasa kulya orukenyi aleliia Abrahamu, na Isaki na Yakobo nyamu.”

2SAMWELI 23:5

Nyi kudo Ruwa echiwikia ona wa oshari loko, Ruwa nyi nalewika kyasa kya mlungana na inyi; kyasa ki nyi kya mlungana kilewa ifunjo ma ihaluka. Kiheri kyose nechinjiringa na injiinenga wuwinzi.

2SAMWELI 8:3

Kyasia, Dawidi kakapa na iwinza Hadadezeri mana o Rehobu, ai mangi ya oruka lo Soba, Hadadezeri kechihenda iwihiṟa wumanginyi woke oruka lo meda fo Efrate.

1WAMANGI 4:21

Wumangi wo Solomoni wukawokia meda fo Eufrate mṟasa oruka lo Wafilisti, kashika mṟasenyi na Misri. Wandu wose wakaṟundia Mangi, wakataa okamba kiheri kyose kya moo foke.

1WAMANGI 5:1

Nalyo Hiramu Mangi o Tiro awei mbuya ya Dawidi, kaicho ke Solomoni naleshimbuyo nawe Mangi handu ha ndeye, kaduma waṟundi koke.

1MBONYI TSA MAHERI 16:16

Nakeri mhendeli ko mkundana alewika na Abrahamu, na kyasa alewika na Isaki.

1MBONYI TSA MAHERI 5:9

Wawewode mapo hang'anyi ha mmbe, kulya orukenyi lo Gileadi, nkyo kitewe walewada oruka lung'anyi na ikulandaṟa kulya nuka ora longamenyi lo Gileadi mṟasa Meda fo Frati.

2MBONYI TSA MAHERI 7:8

Kyasia Solomoni kawada mfuho fo maṟinje ko mfiri mfungade. Na siṟi ing'anyi ya Waisraeli wakakulunga nao iwuka kuwokia kichuminyi kya Hamathi, mṟasa meda fo Misri.

2MBONYI TSA MAHERI 8:7

Kyasia, kya mbonyi tsa wandu walya wose waletsuhaṟo, na Wahiti, na Waamori, na Waperizi, na Wahivi, na Wayebusi wawekeri kulya Israeli sa walawei Waisraeli;

2MBONYI TSA MAHERI 9:26

Nalechilia wamangi wa mkambo yose kuwokia ora lo mtsudu lo meda fo Eufrate, mṟasa ora lo nuka lo oruka lo Wafilisti, na isoka mṟasa ishika mṟasenyi fo Misri.

EZRA 4:20

Mṟi fu fuwehoṟokie nyi wamangi waapfinya hamu na oruka lose lo molyolya ya meda Eufrate, wawekusanyia okamba na fesa tsingi.

NEHEMIA 9:8

Kowembona ke nyi awei mhendeli oshangunyi lopfo, kowembikia kyasa ke nyi ochiinenga oshari loke oruka lu lo Wakaanani, Wahiti, Waamori, Waperizi, Wayebusi na Wagirgashi. Naiyo koweawutsia kyasa ki kyapfo, kyamba nyi ukeri mhendeli.

SHIIMBO SHA DAWIDI 105:11

Kechihamba, “Njechikuinenga iyo oruka lo Kanaani, luwe kioṟa kyanu mleheshio.”

IWUKA 13:11

Kechiwa ilyi Mndumii-Ruwa echikuende na orukenyi lo Wakanaani, chando alekuliia nyamu iyo na wande wapfo, na ikuinenga,

IWUKA 2:24

Ruwa kaicho isumukia lyawo, Ruwa kakumbuo mkundano foke alefuwika na Abrahamu na Isaki na Yakobo.

IWUKA 23:23

Cha kipfa malaika oko nechisonguo oshangunyi lopfo, na ikushitsa ko Mwamori, na Mhiti, na Mperizi na Mkanaani na Mhivi, na Myebusi; na inyi njechiwaarisia kuleshe.

IWUKA 3:8

na inyi ngasoka njicheiwaashuo mawokonyi ha Wamisri. Njechiwawutapfo njiwadose kuwuka orukalo tane oruka lucha, na lusalari; oruka luichuo wuki na maruwa; oruka lo Mkanaani, na Mhiti, na Mwamori na Mperizi, na Mhivi, na Myebusi.

IWUKA 32:13

Kumbuowo Abrahamu, na Isaki, na Israeli, waṟundi wapfo, sa kulewalyiia nyamu kui mrima fopfo, na iwawia, “Njechipfumbutsa kishari kyanu cha nyenyeri tsa ruwehu; na orukalu lose njilededa kyalo njechiinenga kishari kyanu, nawo wechiluoṟa mlungana.”

IWUKA 34:11

Ambuya idedo lyi njikuwawasia inu; ambuya, mbele yapfo ngawutaho Mwamori, na Mkanaani, na Mhiti, na Mperizi, na Myebusi, na Mhivi.

IWUKA 34:24

Cha kipfa inyi njechifunyia kuleshe mkambo ya wandu oshangunyi lopfo na ilandaṟa mṟasa fopfo; manya kuipfo msa echilanga oruka lopfopfo, ili ochido ihenda ikuloṟa oshangunyi lo Mndumii-Ruwa opfo makamba haṟaṟu orio maka.

IWUKA 6:4

Njileṟingishiase mkundana foko nawo fowainenga oruka lo Kanaani, oruka walekaapfo cha wahenu.

IWUKA 6:8

Na inyi njechimuende mṟasa orukenyi sa njileiria owoko loko njiinenge Abrahamu, Isaki, na Yakobo; njechimuinenga luwe kioṟa kyanu; inyi nyi Mndumii-Ruwa.”

YESAYA 27:12

Nakyo kechiwa kiidi kya mkonufo, Mndumii nyi echikapakapa ndunda tsake wokia mfu fo meda itane kimeda kya Misri nanyo mochisanyio umu-umu, nyo wana wa Israeli.

YESAYA 55:3

Dehenyi madu hanu, na injichea; Njiadanyienyi nanyo mochiwada moo; Inyi njechiwika mkundana fo mlungana, ee, osaṟiyo lo Dawidi luwanzi.

YEREMIA 32:22

Kowainenga orukalu uweteṟie waku wawo oruka luisotsa wuki na maruwa.

YEREMIA 32:40

Njechiwika nawo mkundana fo mlungana, njechida njilakuwutia mecha pfo, njechiwika ipfo mrimenyi fowo wuowu na wuindi kundu walanjide se.

WALEWI 26:42

nahong'u njechikumbuo mkundana foko na Abrahamu, Isaki na Yakobo, na ikumbuo oruka lulya njilewawikia kyasa.

WALEWI 26:45

Ote! Kipfa kyawo njechikumbuo mkundano njilefuwika na wameku wawo sa njilewawuta kulya orukenyi lo Misri, mkambo fo wandu fukaṟingishia, kundu Inyi njiwe Ruwa owo. Inyi nyio Mndumii-Ruwa.”

MAITALA 34:5

Kowuka Azmoni woambuya kimeda kya Misri mṟasenyi fo Misri noshike ipalyipalyi lya Mediterania.

MAWUTO HA WASU 7:5

Nao alemnenga-ho kyedeya mndu kyoṟa ma hando ha ochayo lumupfo na kamteṟya ke nyi echimneenga luwe lo wuchili woke na oshari loke lo numa nao lawewode mana mandi hopfo.

NGUMBUO YA MAWAWASO 11:24

Orio handu mochichuma na madende hanu kochiwa konu; oruka lonu lochiwokia nuka ora lo nuka, tane mafumvu ha Lebanoni ora lo mtsudu, na kuwokia meda fo Eufrate ora lo ngamenyi, tane ipalyipalyi lya Mediteraniani ora lo kyukanyi.

NGUMBUO YA MAWAWASO 12:20

“Ili Mndumii-Ruwa, Ruwa onu echilandaṟa oruka lonu chandu aleteṟia, nanyo kokoya mohamba, “Lochilya nyama, kyamba mukundi nyama, moidima ikuliia kiheokyo kyose mokunda.

NGUMBUO YA MAWAWASO 19:8

“Kingise kokoya Mndumii-Ruwa, Ruwa onu alandaṟa mṟasa ya oruka lonu, chandu alewia waku wanu, nao kamuinenga oruka lose aleteṟia wakuwo wanu

NGUMBUO YA MAWAWASO 34:4

Kiidima Mndumii-Ruwa kawia Mose, “Ilu nylo oruka lulya njileliia Abrahamu; Isaki na Yakobo nyamu ke njechiinenga luwa lyawo. Ngakuloṟa nowone na meso hapfo kumonyi, kyaindi iyo ochishikapfo pfo.”

NGUMBUO YA MAWAWASO 7:1

“Mndumii-Ruwa Ruwa onu, nechimushitsa orukenyi handu mochiwikapfo handu hekaa nao nechifunapfo mkambo ifoi iwukepfo. Kiheri mochiida napfo, nechifunapfo oshangunyi lonu mkambo ingi mfungade ing'anyi na iwode pfinya kota nyo: Wahiti, Wagirgashi, Waamori, Wakanaani, Waperizi, Wahivi, na Wayebusi.

WAEBRANIA 13:20

Indi Ruwa ai menyi-ofoṟo nyi aletambachuo mlisi o machondi ipfo ko wapfu ichu ang'anyi kuisamu yewika-ho owiko lo mlungana, Mndumii odu Yesu.

YOSHUA 13:3

oruka lulusende nyi lo Wakaananyi kuwokia kimeda kya Shihori mṟasenyi na Misri mṟasa oruka lo Ekroni kya ora lo huye. Njoruka tsose tsa wamangi watanu wa Ufilisti Gaza, Ashdodi, Ashkeloni, Gathi na Ekroni handu hamu na oruka lo Avi,

YOSHUA 15:4

Fomewuka iya fukaidia kufui na Asmoni fukoosha kimeda kya Misri mṟasa fukashika ipalyipalyi lya Mediteranea. Ifo nyifo mṟasa fo seri fo oruka lo Yuda.

OTAMBAHALUO LO YOHANE 9:14

Likawia msu chu o kaṟandaṟu arie ombe lu, “Pfunguo wasu walya waana wai-wapfunge ipfo ohambenyi lo meda fulya fung'anyi Eufrato!”