MAWOOKIONYI 15:1 - Bibilia Kui Mdedie fo Kimochi

¹ Isho shose shameida, idedo lya Mndumii-Ruwa likachea Abramu ndodonyi, lyehamba, “Manya kulaowuo Abramu! Inyi nyi ngawo yapfo na njechikuinenga mboṟa ing'anyi mnu.”

MAWOOKIONYI 15:1 ပူးပေါင်းရင်းမြစ်များ

MAWOOKIONYI 15:2

Abramu kahamba, “Ewo, Mndumii RUWA, ki ochinjiinenga, na inyi njikeri ikuhendya ndawode ma mana, na ichu echiitoṟia mba ii yako na Elieseri chu Mdamasko?”

MAWOOKIONYI 15:4

Nalyo idedo lya Mndumii-Ruwa lyikamchea lyehamba, “Ichu echikuoṟapfo, kya indi msa echiwuka kitsinyi kyapfo nyio echiduo kyooṟa kyapfo.”

MAWOOKIONYI 21:17

Ruwa kaicho ṟu lya mleu ulya. Malaika o Ruwa kalaha Hajiri kuwuka ruwehu, kambia, “Nki ki kikuwode, Hajiri? Manya kulaowuo, cha kipfa Ruwa ameicho ṟu lya mleu ulya ipfo kundu ai.

MAWOOKIONYI 22:1

Nahong'u mbonyi tsi tsameida Ruwa nalehesha Abrahamu, kambia, “Oo Abrahamu.” Nao kahamba, “Nyi iya njii.”

MAWOOKIONYI 22:20

Nahong'u mbonyi tso tsameida, Abrahamu kawio ke, Ambuya Milika amewonyia Nahori manomayo wana;

MAWOOKIONYI 26:24

Mndumii-Ruwa kamchea kio kilya kilya, kahamba, “Inyi nyi Ruwa o ndeo Abrahamu, kulaowuo, kyamba inyi njii hamu na iyo, njechikuwikia ona na ipfumbutsa oshari lopfo kipfa kya Abrahamu mṟundi oko.”

MAWOOKIONYI 31:7

Na ndeanu nalenjilemba, kailacha wueri woko ka ikumi; kyaindi Ruwa alemlekia najiwike shifaṟepfo.

2SAMWELI 22:3

Ruwa nyi iho lya iṟaṟa lyako, njechimdichilia o; Ruwa nyi ngao yako, na pfinya ya okiṟo loko, nyi omombo loko na kidichilio kyako. Mkiṟa oko; nokenjikiṟa kiidi kya wandu wanesi.

2WAMANGI 1:15

Malaika o Mndumii kawia Elia, “Soka kimu nao ma kulaowuo.” Kasoka kimu nao mṟasa ko Mangi.

1MBONYI TSA MAHERI 28:20

Kyasia, Dawidi kawia mana oke o Solomoni, “Kutumuhaṟe, nowade mrima mtumuhari, nuṟunde kudo; makulaowuo ma ikangaṟika, cha kipfa Mndumii-Ruwa, Ruwa oko, nakeri hamu na iyo. Echikuda kumonyi pfo, nechiwa na iyo mṟasa iṟunda lyose lyesungusia hekalu lya Mndumii-Ruwa lisie.

SHIIMBO SHA DAWIDI 115:10

Lanye mongo ya Aroni, kusirienyi Mndumii; o nyi mtarami onu na ngawo yanu.

SHIIMBO SHA DAWIDI 119:114

Nyi iyo oṟiho loko na ngawo yako, idedo lyapfo njileliwedia.

SHIIMBO SHA DAWIDI 142:5

Mndumii, njilekulaha ngahamba, nyi Iyo ui kidichionyi kyako; ohawi loko kiidi kya oruka lo wai na moo.

SHIIMBO SHA DAWIDI 18:2

Mndumii nyi ngina yako, na mfiṟiha foko, na mkiṟa oko. Ruwa oko, iho lya iṟaṟa njekemdichia, Ngawo yako, na ombe lo okiṟo loko na mfiṟiha foko.

SHIIMBO SHA DAWIDI 27:1

Mndumii nyi ngeela yako na Okiṟo loko, Njechiowuo u? Mndumii nyi mfiṟiha fo moo foko, Nyiu echinjiowesha?

SHIIMBO SHA DAWIDI 3:3

Na iyo, Mndumii, nyi ngawo yako njora tsose, Kiṟumi kyako na moira mdo foko.

SHIIMBO SHA DAWIDI 3:4

Kui ṟu lyako njelaha Mndumii, Nao nanjiidikya awuka fumvunyi lyake yele.

SHIIMBO SHA DAWIDI 5:12

Kipfa iyo nyi ochiwikya ona ulya awode usumhanyi; Mndumii, osaṟio lopfo lochifanana na ngawo ipfo koke.

SHIIMBO SHA DAWIDI 58:11

Na mndu nyechihamba, nkya lohi Kuwode wueri ko ulya asumhanyi. Nkya lohi kuwode Ruwa ekeanduo kunu orukenyi!

SHIIMBO SHA DAWIDI 84:11

Kyamba Mndumii, Ruwa, nyi mnengeṟi na ngawo, mndumii nechilekia osaṟio na Kiṟumi, echiwaima kindo kichapfo, iwo wekechumia kui wusumhanyi.

SHIIMBO SHA DAWIDI 84:9

Ewo Ruwa, ngawo yadu, ketiichia, uambuye kyamu kya mshimbuo opfo.

SHIIMBO SHA DAWIDI 91:4

Kui mafuru hake nechikushikya Shi ya makungo hake nochiwona hedichia; wuhendeli woke nyi ngawo na, ohawi.

IWUKA 14:13

Mose kawia wandu, “Mulaowuo, hoṟokenyi tupu muwone okiṟo lo Mndumii-Ruwa echimuwutia inu; cha kipfa Wamisri wa muwawonyi inu mochiwawonase mlunganapfo.

MFANANO 11:18

Mndu mbicho nechiambya wueri wo wulembi; Mowaaya lohi nawode wueri wokusirya.

MFANANO 30:5

Oriyo idedo lya Ruwa lilitume; O nyi ai ngawo ya iwo wamiidikye.

YESAYA 35:4

Wienyi wenyi mrima mfafa, karienyi mulaowuo; ambuya Ruwa onu nakeri icha na kiṟache, na wueri wo Ruwa; nechicha namukiṟe nyo.

YESAYA 40:10

“Ambuyenyi, Mndumii-Ruwa nakeri icha cha mbahanyi, na owoko loke nlo lochimnenga wuitoṟi. Ambuyenyi, wueri woke wui nao, Na wunene wui hamu nao.

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YESAYA 41:14

“Ulaowuo, Yakobo nyi ishinu, nanyo wandu wa Israeli, inyi njechimutarama, Mndumii ahamba, na mkiṟa opfo nyi Mwele o Israeli

YESAYA 43:1

Na wulalu, Mndumii-Ruwa alemuumba nyo wana wa Yakobo, kamuheluo muwe wandu welaho Waisraeli nahamba adi, “Manya kulaowuo; ngakulaha na imulaha kui rina lyako nyo nyi wandu wako.

YESAYA 43:5

Manya kulaowuo; kipfa njii hamu na iyo; njechikuendie oshari lopfo wuka ora lo ngamenyi mṟasa ora lo kiukanyi;

YESAYA 44:2

Mndumii-Ruwa chu alekuwika na ikuwumba wuka wusunyi, ichu echikutarama nahamba adi, “Kulaowuo iyo Yakobo mṟundi oko, na iyo, Yeshuruni njilekusambuṟa.

YESAYA 44:8

Mulaowuo, mulawuko madima; ngesa njileonguo na iloṟa ishi wokia mbooko? Nanyo nyi wangochi wako. Ngesa kuwode Ruwa ngoseṟa yako? Nkya lohi kuwode Iṟaṟa-pfo; inyi njiichi ungipfo.”

YESAYA 51:12

“Inyi, ee, inyi njekewihiṟia moo; iyo nyiu itane oowuo mndu echipfa, na mndu echiwa cha maṟa?

YEREMIA 39:17

Kyaindi mkonu fo njechikukiṟa iyo, ma ochidambiko mawokonyi ha wandu uwaowoe pfo.

SHILIO 3:24

Mndumii-Ruwa nyio ai kisa kyako, Koikyo nyi njimkusiriao tupu.

EZEKIELI 1:1

Maka fo makumi haṟaṟu, meri fo kana, na mkonu fo katanu njiwekeri kulya Babeli kiidi kya walya waledao wusingenyi kufui na meda fo Kebari. Nahong'u ruwehu kukanjitambaṟukia ngawewona Ruwa kui ndodo.

EZEKIELI 11:24

Njikeri njido kiidi kya ndodo iya, mumuyo fo Mndumii-Ruwa fukanjiiriya huye fukanjisotsia kulya Babiloni ko wandu walya wai wusingenyi. Nahong'u ndodo iya ikasia.

EZEKIELI 3:4

Nao kanjiwia, “Henda ko mba ii ya Israeli uwawie madedo ha hako,

MAITALA 12:6

Kiidima Mndumii-Ruwa kawawia, “Adanyenyi madedo ha hako: kokoya kuwode mwikimbi kiidi kyanu, inyi Mndumii-Ruwa njekekuloṟa koke kui mawonesio ngadeda nao kiidi kya ndodo.

MAITALA 18:20

Mndumii-Ruwa kawia Aroni, “Iyo ochiwona kioṟa kyo kyose orukenyi lowopfo, manya iwada ohawi lopfo kiidi kyawopfo; inyi njii ohawi lopfo na kioṟa kyapfo ko Waisraeli”

MAITALA 24:4

oloho lo mndu aleadanyia madedo ha Ruwa, mndu alewona mawonesio ha Ruwa menyi pfinya. Mndu ekeadapfuma kawewona na pata.

MATAYO 28:5

Kyasia msu ulya o Ruwa kahaluo kawia waka walya, “Ma mlawone mochiowuo. Na njichi nyi mukeri ipfula Yesu ichu awei mbambye msalabehu.

MATAYO 8:26

Nao kawawia, “Nyi kili mui mudi waowu mui wandu wa idikya lyitutu?” Naho kakure katukya otanu na ipalyipalyi kukahutsa olele wyaa.

LUKA 1:13

Malaika ulya kambia, “Ma kulawowuo Sakaria, kyamba kiterewo kilya kyapfo nyiki kiidikie; na mkoopfo Elisabeti nyi echikaa nakufeeye mana o womi, na rina lyake nyi ochimlaha nyi Yohane.

LUKA 1:30

Malaika kambia, “Ma kulaowuo Maria; kipfa nyi kulewona osu ko Ruwa.

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.

MAWUTO HA WASU 10:22

Wakahamba, “Nyi Kornelio mchili mndu mhoṟotsu aowoye mnu Ruwa menyi kiṟumi kicha ipfo osharinyi lo Wayuda lose, o alewawaso nyi malaika mwele ke nadume wandu kopfo nohende kulya kanyi koke nakuadanye kindo ochimbia.”

1 WAKORINTO 3:22

Liwe nyi Paulo, liwe nyi Apolo, liwe nyi Kefa, liwe nyi wuyana wu, liwe nyi moo, liwe nyi opfu liwe nyi shindo shi-ho liwe nyi shilya shekaa shiwe, shose nyi shanu.

NGUMBUO YA MAWAWASO 18:2

Manya walawade kyoṟa ko wana wa mayawo; Mndumii-Ruwa nyio kyoṟa kyawo chando aleteṟia.”

NGUMBUO YA MAWAWASO 31:6

Wenyi watumuhari muwe ngohoda, manya mulaowuo ang'u ikangaṟitso nyiwo cha kipfa Mndumii-Ruwa Ruwa onu, nyio aihenda hamu nanyo. O echida alamutaramapfo; echimukumbapfo.”

WAEBRANIA 1:1

Mbaṟi tsiweipfo tsifoi na njia natso Ruwa alemdeda na waku wadu kui waikimbi walya.

OTAMBAHALUO LO YOHANE 1:17

Na ili njilembona ngamwolokya ipfo madendenyi hake cha ili njiwei mpfu. Nao kanjihekia owoko lo kulyo kahamba, Kulaowuo. Inyi njii Mboki na Mwawutsi.

RUTI 2:12

Mndumii nakuwikie ona kya maṟunda hapfo, nowone kyooṟa kisumhanyi ko Ruwa, Mndumii-Ruwa o Israeli, ichu kuledichiya shiya makungo hake.”

1SAMWELI 15:10

Mndumii-Ruwa kawia Samweli;

1SAMWELI 9:9

(Ilyi mawokioonyi kulya ko Waisraeli kokoya mndu akundi iterewa Ruwa kindo, nawekehamba, “Kenjonyi luhende ko mndu ekewona.” Kyamba mwikimbi o wulalu nawekelaho nyi mndu ekewona).