MAWOOKIONYI 14:14 - Bibilia Kui Mdedie fo Kimochi

¹⁴ Abramu kekiicho ke manomae ambado shidenyi kainengya waleu wake shisha walya walefeeyo kulya kanyi koke, wandu mahana haṟaṟu na ikumi na nyanya (318), kawaduo mṟasa Dani.

MAWOOKIONYI 14:14 ပူးပေါင်းရင်းမြစ်များ

MAWOOKIONYI 12:16

Nao kawutia Abramu sha wucha kipfa kyake; nao nawewode machondi, na mmbe, na nzoi, tsa kisoṟo na tsa kika, na masinga ha kiumi na ha kika, na ngamia.

MAWOOKIONYI 12:5

Abramu kaduo mka oke Sarai, na Loti mana o manomae na nzohoṟa tsawo wawewode, shindo shawo shose, na wandu walewona kulya Harani, wakakure wahende Kaanani, nawo wakaida na orukenyi lo Kanaani.

MAWOOKIONYI 13:8

Abramu kawia Loti, “Nahong'u, kulakaepfo kiloyo kiidi kyako inyi na iyo, manya kiidi kya welisa wapfo na welisa wako, kyamba lukeri wana wa mka.

MAWOOKIONYI 14:12

Wakaduo na Loti, mana o manomae Abramu awei kulya Sodoma, na masaa hake wakasiia.

MAWOOKIONYI 14:16

Nao kawihiṟa masaa hose, kawewihiṟa na Loti mana o manomae na masaa hake, na waka handu hamu na wandu.

MAWOOKIONYI 15:3

Abramu kahamba, “Ambuya ulennenga luwapfo, na isinga lyi lyilefeeo kunu kanyi koko nyio mokyooṟa oko.”

MAWOOKIONYI 17:12

Mana o mkonu nyanya nechidino ipfo konu, orio mndu msoṟo o kiidi kya luwa lyanu, msa amfee ipfo konu, na msa amhuṟe na pesa orio mhenu alai o luwa lyapfo.

MAWOOKIONYI 17:23

Abrahamu kaira mana oke Isameli, masinga hose hawemafee kulya kanyi koke, na walya wose walehuṟo kui fesa tsake, wasoṟo wose wa wandu wa mba ya Abrahamu, kawadina nyama ya shichong'u shawo mkonu fulya fulya, chandu Ruwa alemmbia.

MAWOOKIONYI 17:27

Na wandu wose wa mba yake, walefeeyo kulya kanyi, na wahuṟe kui fesa owokonyi lo mhenu, wakadino handu hamu nao.

MAWOOKIONYI 18:19

Ote, kyamba njimwichi ke nechiwawasa wana wake, na wa kanyi koke wechimwituma wawade njia ya Mndumii-Ruwa, wawute sha wusumhanyi, na wuhoṟotsu, kundu Mndumii-Ruwa nao naawutsie Abrahamu shiasa shake.”

MAWOOKIONYI 23:6

“Kyeluadanyie wo, Hoi mndumii, nyi iyo ui mndu mnene kiidi kyadu, kekuṟikie mnying'a fo fopfo kiidi kya ṟungu lyo lyose ochikusambuṟia kunu mademenyi hadu heṟika. Kuipfo mndu echikuima dema lyake lyeṟika, ulechiṟikaho mnying'a fo fopfo-pfo.”

1WAMANGI 15:20

Ben-Hadadi kaadanyia Mangi Asa kaduma wanene wa mbahanyi huya mṟi yose ya Israeli, kakapa Iyoni, na Dani na Abel-Beth-maka na Kinerothi yose, na oruka lose lo Naftali.

SHIIMBO SHA DAWIDI 68:12

Wamangi wa matorito waidicha, waidicha; na mndu mka ai kanyi nyi aihawa shiende shidenyi.

MFANANO 17:17

Mbuya ikundi mfiri yose; Na manaomayo namfee mkonu fo kiwi.

KOHELETI 2:7

Na inyi ngahuṟa masinga na masinga waka, ngawada oshari lung'any kanyi koko; ngaingiki masaa, mmbe na machondi, kota walya wose wawenjisongoye kiidi kya Yerusalemu;

YEREMIA 41:12

walesanyia wandu wawo wose wakahenda ikapana na Ishmaeli. Walemkoya kufui na nduwa ing'anyi ikeri Gibeoni.

NGUMBUO YA MAWAWASO 34:1

Kyasia, Mose kakure kulya rendewelenyi lya Moabu, kahenda fumvunyi lya Nebo, kadoya kitongolo kya Pisga kiambuyanyi na Yeriko. Mndumii-Ruwa kamloṟa orukalo lose: wokia Gileadi mṟasa Dani;

1YOHANE 2:18

Wana, saa ifurumi iipfo. Iki muleicho ke iimakristo echicha. Na wulalu komba wafoi wai mai makristo. Nyihondo lokuwutyaho imanya ke saa ifurumi iipfo.

WACHILI 18:29

Waleilacha rina lya mṟi fo, wakafulaha nyi Dani, lyioshe rina lya wasahuye owo awei mana o Israeli. Indi mṟi fo rina lya mbooko nyiwe Laishi.

WACHILI 20:1

Wandu wose wa Israeli, wokia Dani itane Beer-sheba, hamu na wandu wa oruka lo Gileadi, oshari lose walekusanzia ipfo Mispa, oshangunyi lo Mndumii-Ruwa.

1SAMWELI 30:19

Orio kindo kyawo: kiwe king'anyi ang'u kitutu, mana o womi ang'u o waka, Dawidi nalemwashuo.